2 Korin 13:11 - U Bulunagana U Niga

¹¹ Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

2 Korin 13:11 ပူးပေါင်းရင်းမြစ်များ

Matiu 5:48

A markato i tamilimiou ega matskö nitöa, te markato has uana e Tamamilimiou i Kolö a markato i tanen e matskö nitöana.”

U Bulungana u Niga tere Iesu Kristo te kolotein e Mak 10:49

Be Iesu e tuoluna me poeiena, “Ngöe muma.” Ba nori e ngöeier a katuun a matakiou me poeier i tanen, “Nigana ba! Takei tala. Nonei e ngöe noulö.”

U Bulungana u Niga tere Iesu Kristo te kolotein e Mak 9:50

U sol u ka u niga. Kaba te taia ba nena u sol a nitatasena i tanen, ba lö temar kato hatatasena pouts mena moien ime? E möa. Na limiou go here hasemi u sol ba limiou te hiakaka haniga hobotomiou.”

U Bulungana u Niga tere Iesu Kristo te kolotein e Luk 9:61

Ba tabi e poeiena, “Alia e kukute gou lö, O Tsunono. Kaba lö go hala buna moulia ba lia tena röto polasa buguma tara pala i tar.”

U Bulungana u Niga tere Iesu Kristo te kolotein e Jon 17:23

Alia e ka gia i taren na lö e ka has mia i tar, ba nori te tatei tori hoboto has uar iesana. Te kato uanen teka ba u katunura i puta te tatei atei siler tu hala mena mei lö alia, na e tatei atei sil haser alö e ngil koru rem u katuun teka temar ngil has mena milö alia.

Aposol 18:21

Kaba tara pöata te katsin laien be Pol e ranga haniga pouts mera nen me poeiena, “Turu ngil tere Sunahan, balia tena la pouts guma romana i tamilimiou.” Ba nonei ena osana tara tolaala me laba nena i Epesis.

Aposol 23:30

Na tara pöata tu hengo naia lia u Jiu i korupakö naien, ba lia te hala menagien i tamölö. Na lia u ranga mer u katuun ti kout meien egina hateia i mata mölö aha te kout sil merien. Nonei lasi a tsi ranga i tar.”

U pas te koloto menai e Pol turu kristenira i Rom 12:16

Kaka haniga gono meraiam u katuun, möa tu hapanpan iam. Kaka haniga gono meraiam u katuun papala, ba tema pei mi alimiou lahas te ka memiou a niatei.

U pas te koloto menai e Pol turu kristenira i Rom 12:18

Torohana hatagala sil tego ka haniga koru merai lö u katuun hoboto.

U pas te koloto menai e Pol turu kristenira i Rom 14:19

Na ragi kute sil korui a markato te hagumena a niniganiga na te hatakei hanigeiena a katuun na te hagum haniga rena ra hoboto.

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

U pas te koloto menai e Pol turu kristenira i Rom 15:33

E Sunahan te hala ranei ra a masalohana e tatei ka gono mera noulimiou hoboto. U mana.

U pas te koloto menai e Pol turu kristenira i Rom 16:20

E Sunahan tara masalohana e tö mismisase noua e Satan i kopina pitapitana mou milimiou. A nihitaguhu tara Tsunono i tarara e Iesu Kristo e tatei ka gono mera noulimiou.

1 Korin 1:10

Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

2 Korin 1:4

Nonei te hasokolei ranou ra tara mamana nomi te butuna i tarara bara tena tatei hasokolei has raiera u katuun te kamer a nomi. Alam e tatei mar hasokolei has mera mien temar hasokolei has mera neira e Sunahan.

2 Korin 13:14

A Tsunono e Iesu Kristo e tatei taguhu ranou limiou, na e Sunahan e tatei taatagi has ranou limiou, na u Namnamei u Göagono e tatei ka haniga has mera noulimiou hoboto. Alia e Pol

2 Korin 13:9

Te atei sile moua lam alimiou e hamana hatagala miou, ba lam te sasaalam, noahasina tema tagala uami lam. Alam e singo hatagala koru silem tego niga koru uaiam limiou.

Epesis 4:12

Nonei e kato silei a ka teka tego taguhu meraien u katuun tere Sunahan ba nori te kui beren. Na tegi kato hatagala menaien u tuenrei tere Kristo bate panina.

Epesis 4:3

Alimiou go torohana hatagala iam tego pile kap hoboto mena milimiou u töa u hakats te hala nema u Namnamei tere Sunahan, ba limiou te ka haniga hobotomiou.

Epesis 6:23

E Sunahan e Tamarara na e Iesu Kristo a Tsunono e tatei hala nariou a masalohana na u ngilngil hamana i tamilimiou hoboto te hamana mia tere Iesu, bate taguhu has rariou limiou tego hamana haniga uaiam limiou.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Pilipai 3:16

Na ragi pile hakarapotein a markato a niga ti lu hakapa mamira.

Pilipai 4:2

Alimiou oro Yuodia mere Sintiki, alia e ranga hataatagi gia i tamilimiou, alimiou go torohanan hiakaka hanigaiam, taraha alimiou u mun toulana te hamana uami limiou tara Tsunono.

Pilipai 4:4

Alimiou go sasaala nitöa meiam a Tsunono! Na lia e hatei lel ragou limiou, sasaalaiam!

Pilipai 4:9

Alimiou go katoeiam a manka tu hatuts railia limiou na manka ti tareiam limiou tu kati lia na man ka ti hengoeiam limiou tu kati lia. Be Sunahan te ka gono meranou limiou. Nonei te hala ranoui ra a masalohana.

1 Tesalonaika 3:10

Na lam e roron singo hatagala korum tara lan na bong tego tatei tara menai lam a peisa milimiou na tego taguhu merai lam alimiou tara pöata te lagi hamana mia limiou.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

1 Tesalonaika 4:18

E kato uana teka, ba limiou te hatei rami a palai u raranga teka bate hatagala ramen.

1 Tesalonaika 5:13

Hakats haniga raiam bate ngil koru ramen taraha, nori e taguhu rariou limiou. Na limiou go kaka haniga hobotoiam.

1 Tesalonaika 5:16

Sasaalaiam tara mamana pöata.

1 Tesalonaika 5:23

E Sunahan e tatei kato hagogoso nitöanena a torimilimiou, e Sunahan te hala nenama a masalohana i torirara. Alam e ngil hasem e Sunahan e tatei tara kap nena u namnamei i tamilimiou na torimilimiou na u tuenrei i tamilimiou, ba limiou te tatei niga nitöamiou tara pöata te la pouts nama romana e Iesu Kristo a Tsunono i tarara.

2 Tesalonaika 2:16

E Sunahan e Tamarara e tatei taatagi ranoura bate tami nitöana i tarara bate taguhu ranoura tegi hamana sil menaira a ka a nigana i murimuri. Nori mere Iesu Kristo a Tsunono i tarara e tatei kato hatamie ier a torimilimiou bate kato hatagala ranou limiou ba limiou te katoemiou a man toukui a man niga hoboto na man raranga man niga has.

2 Tesalonaika 3:1

A matsi hahatoulana, alimiou go singo bera moulam ba u raranga tara Tsunono te tasata boroboro nou bate pan noua i matar u katuun u parpara, te kato has uaien i tamilimiou.

2 Tesalonaika 3:16

A Tsunono noahas, nonei a mouna a masalohana, e tatei hamasalohana ranou limiou tara mamana pöata na tara mamana markato. A Tsunono e tatei ka gono mera noulimiou hoboto.

2 Timoti 2:22

Alö go tori tsugani a mamanaka te habutena u ngilngil u omi te roron kamer u hitots, ba lö te tagala silem a markato te hamana uaria tere Sunahan bate matskö has mia i matanen. Alö go ngil noa hasir u katuun bate ka haniga gono mera men. Alia e hala menagi u raranga teka i tamölö na turu katuun hoboto a toriren te gogosona, bate singo siler a Tsunono ega taguhu raien.

Hibru 12:14

Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

Hibru 13:20

E Sunahan, te hala ranei ra a masalohana, e tatei hala ranei limiou a mamanaka a niga, antunana tego kato mena milimiou u ngil i tanen. Nonei te hatakei poutsi a Tsunono i tarara e Iesu, nonei a katuun te taratara kap rena u katuun i tanen bate here nei a katuun te taratara kap rena u sipsip i tanen. Nonei e hatakei poutseien tara tou mate me haröto nena u rahatsing i tanen te kato hatagalena u rangan hiahanhaniga te kits gono meien e Sunahan na u katuun. Nonei u raranga te ka nitöana. Nonei e tatei taguhu ranou limiou ba limiou te katoemiou a manka te niga balana i matanen, te hamana uamia limiou tere Iesu Kristo. Aragi solosei e Kristo tara mamana pöata i murimuri. U mana.

Jemis 1:4

Alimiou go hamana nitöaiam. Te markato uamou limiou teka, ba limiou tena butu moua tara mar katuun te hanigeiena e Sunahan, a katuun te tagala nitöa silena u ngil tere Sunahan.

1 Pita 3:11

Nonei ega habirits ban a man markato a man omi bate kato hanigana. Na nonei ega ngil korui a markato tara masalohana bate kukute hatagala korue nen.

1 Pita 3:8

U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

Revelesin 22:21

A Tsunono e Iesu e tatei taguhu rena u katuun hoboto i tanen. U mana.