2 Korin 12:9 - U Bulunagana U Niga

⁹ Kaba nonei e pei i tar, “A nihitaguhu i tar e antunana i tamölö, taraha a nitagala i tar e butuna tara nipata i tamölö.” Balia te sasaalagu bate ranga sesei negu a manka te haröto nena alia ema tagalagi, ba nitagala tere Kristo te tatei kagono menoulia.

2 Korin 12:9 ပူးပေါင်းရင်းမြစ်များ

Matiu 28:18

Be Iesu e la hasukusuku uama i taren me poeiena, “E Sunahan e halei lia a nitsunono hobotona i Kolö na i puta.

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

U Bulungana u Niga tere Iesu Kristo te kolotein e Luk 21:15

Taraha? Alia e hala ragi limiou romana a man raranga nu hakhakats u niga koru, ba u pakö i tamilimiou tema antunan tulaputa nari romana u raranga tego hala rilia limiou.

1 Korin 10:13

U mamana u torohana te butuna i tamilimiou e roron butu hasna turu katuun hoboto. Kaba e Sunahan a katuun a hihipakoko na nonei ema haniga na noi u torohana te tagala bala na nou a nitagala i tamilimiou. Kaba, e Sunahan e kato bera noi limiou a maroro tego bus ba sila na milimiou u torohana ba limiou te antunan tagala na moien.

1 Korin 15:10

Kaba tara nihitaguhu tere Sunahan ba lia temar butu uagu teka, na nikalala i tanen ema la pukpuku nei. Alia e kui hatagala bala regu a palair u aposol hoboto, kaba ema lia nei. E Sunahan te ka gono menou lia.

1 Korin 2:3

Na pöata tu kaia lia i tamilimiou, alia uma tagala ii na lia u toltololo mei a nimatout.

1 Korin 2:5

A ka teka i kato sila naia alimiou goma hamana mia tara niatei turu katuun, kaba limiou go hamana mia tara nitagala tere Sunahan.

2 Korin 11:30

Tego ngilin ranga seseia lia, alia u ranga sesei ni a manka te haröto nena alia ema tagalagi.

2 Korin 12:1

Alia e ranga hangisei leligu, noahasina tema habute noien taka. Alia e ngilin hatei ragi limiou a man hiharöto na manka te haröte ii lia a Tsunono.

2 Korin 12:10

Aa, alia e sasaala megu tema tagala uagi lia na te ranga hohomi menarilia u katuun i tar, na te hakamits menari lia, na nomi na u tori tiama te butu has ria i tar. Te butu silana a manka teka tema tagala uagilia tara solona e Kristo, alia e sasaalagu. Taraha, a pöata te haröto nena a manka teka alia ema tagalagi, nori e haröto has naier a nitagala tere Kristo.

2 Korin 12:15

Alia e sasaala megou te hala mena gilia u moni na peisar hoboto i tamilimiou bate taguhu ranou limiou. Alia e ngil koru ragou limiou, kaba, nonei toum te kato ranou limiou balimiou tema ngil balemi lia?

2 Korin 12:5

Alia e tatei ranga sesei negu a ka teka, kaba lia e raman ranga sesei negu a peisar. Alia e ranga sesei tuun las nagou tema tagala uagi lia.

Epesis 3:16

Alia e singo silegu e Sunahan ega hala sila nama a nitagala i tanen i tamilimiou turu Namnamei i tanen, ba u namnamei i tamilimiou te tatei tagala hapopona tara nikapan i tanen.

Pilipai 4:13

E Kristo nonei te hale noi lia a nitagala, na te hantune noulia tara mamanaka hoboto.

Kolosi 1:11

E Sunahan e tatei kato hatagala ranou limiou e antunana tara nitagala pan i tanen, ba limiou te sasaala memiou tego kato nitöa menami u ngilngil i tanen bate niga mia i tanen.

1 Timoti 1:14

Ba lia e saputu megu a niniganiga tara Tsunono me tapiou menama u nihamana na u ngilngil te kana tere Iesu Kristo.

Hibru 11:34

Na palai ti lapo raia turu tula u ats koru ima omi has ii. Na pala ti hamanaia tere Sunahan ima ngats hamate has rai. Nori ima tagala ii, kaba nori ina tagala koru tsiponi. Nori i tagala koruia tara hiatatung, na i tagala saluher a man amir tara man palair u han.

Hibru 4:16

Na aragi ongolo tala bate la hasukusuku uara tara makum a göagono tere Sunahan tara pöata te singo ria ra, taraha nonei e taatagi ranoura ra. Na saha pöata tema tagala reia ra, nonei e taatagi ranou ra bate taguhu ranou ra.