2 Korin 12:15 - U Bulunagana U Niga

¹⁵ Alia e sasaala megou te hala mena gilia u moni na peisar hoboto i tamilimiou bate taguhu ranou limiou. Alia e ngil koru ragou limiou, kaba, nonei toum te kato ranou limiou balimiou tema ngil balemi lia?

2 Korin 12:15 ပူးပေါင်းရင်းမြစ်များ

2 Korin 1:14

Tema lu hanige moien limiou tara pöata teka, ba tara pöata tena kopis pouts nama romana e Iesu a Tsunono, alimiou na sasaala mera moulam temar sasaala has mera moi lam alimiou.

2 Korin 1:6

Tara pöata has te söate mialam a nikamits, a nikamits teka e kato haniga ranou limiou bate las mera nei limiou tere Sunahan. Na te hala rari lam a niniganiga alimiou has e hala raroui a niniganiga te söata hahalongolo has mena milimiou a kamits te sagohe milimiou.

2 Korin 11:11

Taraha e hana? Alia e rama ragou limiou? E möa. E Sunahan e atei silena alia e ngil ragou limiou.

2 Korin 12:14

Alia e kato taatago poniegu tegona tara merai limiou, a hatopisana a pöata. Na lia ema hasösö ragoui limiou ta ka go hala namuma limiou. Alia ema ngilegi a manka i tamilimiou, alia e ngil tuun ragou limiou. A galapien ema tatei hanoueri e tsinaren na e tamaren. E möa. E tsinaren na e tamaren te hanou raier a galapien.

2 Korin 12:9

Kaba nonei e pei i tar, “A nihitaguhu i tar e antunana i tamölö, taraha a nitagala i tar e butuna tara nipata i tamölö.” Balia te sasaalagu bate ranga sesei negu a manka te haröto nena alia ema tagalagi, ba nitagala tere Kristo te tatei kagono menoulia.

2 Korin 2:3

Ba lia temar koloto tala uagu teka, taraha alia u raman tego kato hataatagi mena milimiou alia, alimiou u katuun tego kato hasasaale moulia. Alia e kamegu a nihamana i tamilimiou hoboton töa, a nisasaala i tar, a nisasaala has i tamilimiou.

2 Korin 4:12

Tara markato teka ba lam te söatem a nimate ba limiou te hala rari a nitöatöa.

2 Korin 7:2

Alimiou go ngil koru pouts ramou lam. Alam uma kato homie ii ta töa ta katuun i tamilimiou. Alam uma habirits ba nai ta töa ta katuun, tere Sunahan. Alam uma angöngose ii ta töa.

2 Korin 7:3

Alia ema ranga negi a ka teka tego saka merai limiou u ranga. E möa. Alia u ranga hakapein alam e ngil koru ramou limiou, noahasina tena mate hoboto rouara tsi tena töatöa hoboto has rouara.

Galesia 4:10

Alimiou e hapane miou a man lan na man pöata na man tsihou na man hiningal.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

Kolosi 1:24

Alia e sasaala megu te sagoho mena gilia a kamits te taguhu mera gilia alimiou. Tara kamits i tar alia e ngilin kato hantue negu a kamits tere Kristo te sagoheien tego taguhu meraien u katuun i tanen, te hereri u tuenrei i tanen.

1 Tesalonaika 2:8

Alam u ngil koru raiou limiou bate hala rami limiou u Bulungana u Niga tere Sunahan. Na lam uma peits ba railimiou ta töa taka i tamulam, na peisamulam has, taraha alimiou a matsomi i tamulam.

2 Timoti 2:10

Ba lia te söata sila nagia a mamanaka te butuna i tar tego taguhu merai lia u katuun te hopö kapir e Sunahan. Alia e ngilegu nori egi lu hasi a nitöatöa te kana tere Iesu Kristo, na nitsunono pan has te ka nitöana.

Hibru 13:17

Hengo haniga raiam u tsunono i tamilimiou, bate kukute miou u raranga i taren. Taraha, nori e tara kapin toa rariou limiou. Te hengo ramouen limiou, ba nori te sasaala meriou a toukui i taren. Kaba te möa nouen, ba toriren te tiama nou, ba ka teka tema taguhu ranoui limiou.