2 Korin 12:14 - U Bulunagana U Niga

¹⁴ Alia e kato taatago poniegu tegona tara merai limiou, a hatopisana a pöata. Na lia ema hasösö ragoui limiou ta ka go hala namuma limiou. Alia ema ngilegi a manka i tamilimiou, alia e ngil tuun ragou limiou. A galapien ema tatei hanoueri e tsinaren na e tamaren. E möa. E tsinaren na e tamaren te hanou raier a galapien.

2 Korin 12:14 ပူးပေါင်းရင်းမြစ်များ

Aposol 20:33

Alia uma kato sile ii tego lu menai ta moni tsi tu hasobö tara tana katuun.

1 Korin 10:24

Möa tu hakats sil peiseiam a niniganiga i tamilimiou, hakats sil haseiam a niniganiga tara palair u katuun.

1 Korin 10:33

Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.

1 Korin 11:34

Te bes koruna a töa katuun, nonei e tatei nou mam nama i luma i tanen. Nonei ena mots nou mamna turu hagum ba limiou te lue mou a nihahuna tere Sunahan. A man tana man harangata ena hamatskö mote goulia tara pöata tena la romana guma lia i tamilimiou.

1 Korin 16:5

Alia e la mam buagou i Masedonia, ba lia te töan la uagou i tamilimiou.

1 Korin 4:19

Kaba alia e la hasesei uagou i tamilimiou tega ngil u a Tsunono. Ba lia tena tara peisa gou tegi ka menai u katuun u hihipus a nitagala tega popoia turu ranga i taren.

1 Korin 9:12

E nigana te mar kato uaier a palair u katuun teka i tamilimiou, kaba e niga balana tego ranga sil mei lam a manka teka i tamilimiou. Kaba alam ema tagala silemi a manka teka. Alam e kui peise mi a limamulam a tsi monin kannou i tamulam, taraha u katuun e namots poeier alam e habulungana silemi u raranga tere Kristo tego lu menai lam ta moni.

1 Korin 9:18

Ga saha hihol te tatei lue gulia? A ka te niga bala nena a hihol nonei teka: te habulungana pukpuku mena gilia u Bulungana u Niga. Taraha, alia ema kato silegi a hihol te matsköna turu katuun te rarareier u Bulungana u Niga.

1 Korin 9:19

Alia ema katunun kukui puku uagi ta töa ta katuun. Kaba lia e kato here nagi a peisar a katunun kukui puku turu katuun hoboto ba lia te tatei lase gou a katuun a parpara bate hamana uaier tara Tsunono.

2 Korin 1:15

Alia u hamani a ka teka balia te la pouts ua guma i tamilimiou a hahuolina pöata, batemi kato hasasaala ragou limiou.

2 Korin 11:9

Na pöata tu ka gono meraia lia limiou ba moni i tar e makmakumuna, alia uma singoe ii ta moni i tamilimiou. Taraha, a matsi hahatoulana ti lama i Masedonia i mi pioue ii lia a manka tu ngili lia. Alia uma mala singoe ii ta moni i tamilimiou, na lia ema antunan hatiama ragi limiou bate singoe gou ta moni tara man pöata te la nama.

2 Korin 12:13

Alia u markato has uu i tamilimiou tu roron markato has uamalia tara palair u hun katuun tere Kristo. Alimiou e hakats silemiou tuma singo menai lia ta monin hitaguhu? Haromana koru, taatagi namoulia tara markato teka.

Galesia 4:19

A matsi galapien i tar, alia e sagohegu a kamits e herenei a kamits te sagohena a tahol te katsin posana. Taraha, alia e ngil hatagala koruegu alimiou go heremi e Kristo.

Pilipai 4:1

A matsi hahatoulana, alimiou go tuol hakarapoto lasmia tara nitagala tara Tsunono. Alia e ngilin tara koru ragou limiou, a man hahikapien i tar. Alimiou e kato hasasaala korue moulia na limiou e heremi a prais i tar.

Pilipai 4:17

Kaba limiou goma poeiemi alia e ngilin lu tunegu ta hitaguhu. E möa. Alia e sasaala koru megu te tara menagi lia alimiou u katuun u tatangana. E Sunahan e tatei kato haniga ranou limiou.

1 Tesalonaika 2:11

Alam u ranga meraiou limiou temar ranga mena nei a katuun a galapien i tanen. Alam u tahul raiou limiou a man tötöa na lam u ranga hatagala gono meraiou limiou tego kato mena milimiou a markato te kato hasasaalena e Sunahan. Taraha, nonei e ngö ranou limiou tara Nipepeito i tanen ba limiou te tatei atei silemiou a nitsunono pan i tanen.

1 Tesalonaika 2:8

Alam u ngil koru raiou limiou bate hala rami limiou u Bulungana u Niga tere Sunahan. Na lam uma peits ba railimiou ta töa taka i tamulam, na peisamulam has, taraha alimiou a matsomi i tamulam.