2 Korin 12:1 - U Bulunagana U Niga

¹ Alia e ranga hangisei leligu, noahasina tema habute noien taka. Alia e ngilin hatei ragi limiou a man hiharöto na manka te haröte ii lia a Tsunono.

2 Korin 12:1 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 16:7

Kaba lia e hatei hamana ragou limiou, a tou la pouts i tar, a niniganiga i tamilimiou. Kaba tema la pouts goi lia, a katunun hihitaguhu ema antunan la namei romana i tamilimiou. Kaba te la pouts goua lia, ba lia te hala nagu men romana i tamilimiou.

U Bulungana u Niga tere Iesu Kristo te kolotein e Jon 18:14

Nonei e Kaiapas te ranga mei a pal kapan turu Jiu me poeiena, “E niga balana tega mate sil menai ta töa puku ta katuun, u katuun hoboto.”

Aposol 18:9

Tara töa bong be Pol e tarena u töa u hiharöto, ba Tsunono e poeiena i tanen, “Alö goma matouti. Möa tu hahalongolo, alö go hahatein u ranga.

Aposol 23:11

Ba tara bong ba Tsunono e tuolna i rehina e Pol me poeiena, “Möa tu matout. Alö tu hatei nama lia i Jerusalem, alö ena markato has uamou teka i Rom.”

1 Korin 10:23

“A mamanaka e nigana tegi kato menaien,” kaba ema para nei a ka te tatei hitaguhuna. “A mamanaka e nigana tegi kato menaien,” kaba ema para nei a ka te tatei taguhu rena u katuun.

1 Korin 14:6

A matsi hatoulana, tena ranga goua lia turu tana u mar ranga, ime temar taguhu mera noien limiou. Kaba te hatei ragoua lia limiou a ka te hatarei lia e Sunahan, tsi te hatei ragoua lia limiou a töa niatei na u töa u raranga u kapan na u töa u hihatuts, ba lia te antunan taguhu ragou limiou.

1 Korin 6:12

A palai i tamilimiou e pei riou, “E nigana te kato mena gilia a mamanaka.” Kaba, a palaina manka ema taguhe noi lö. “E nigana te kato mena gilia a mamanaka.” Kaba lia ema haka pute goi a peisar ta töa ta ka.

2 Korin 12:11

Alia e ranga here gulei a katuun a tutu. Kaba lia e kato silegi a ka teka tego söata menai lia tu ranga tu niga i tamilimiou. Alia a katuun papala, kaba lia ema tetenei nagi u aposol u nigan ranga i tamilimiou.

2 Korin 12:5

Alia e tatei ranga sesei negu a ka teka, kaba lia e raman ranga sesei negu a peisar. Alia e ranga sesei tuun las nagou tema tagala uagi lia.

2 Korin 12:7

Alia i hatare ii a man para a man hiharöto pan koru tere Sunahan. Nonei ema ngile ii tego hakats sesei menai lia a peisar, ba nonei e haniga nena tego sagoho menai lia a kamits i peisar. Nonei a kamits teka e here nei a katunun kui tere Satan te hakamitse noulia bate hatu kap nena tego hakats sesei koru menai lia a peisar.

2 Korin 12:9

Kaba nonei e pei i tar, “A nihitaguhu i tar e antunana i tamölö, taraha a nitagala i tar e butuna tara nipata i tamölö.” Balia te sasaalagu bate ranga sesei negu a manka te haröto nena alia ema tagalagi, ba nitagala tere Kristo te tatei kagono menoulia.

2 Korin 8:10

Alia e mar ranga uagu teka: tu taniema limiou a ka teka turu hiningal te la hakapa, turu ngil na tara mar nihalhala, alimiou u tania hanigei mumen tara niniganiga i tamilimiou.

Galesia 1:12

E möa ta katuun tega hatutse ii lia u raranga teka. Kaba e Iesu Kristo te haröte ii lia a man raranga teka.

Galesia 2:2

E Sunahan noahas te hatarein tego la uu lia. Ba lia ena gum gono meraiegu a pal kapan turu Lotu me hatei ragien u Bulungana u Niga, ti roron ranga merai lia u katuun te halhal ria turu Jiu. Alia u mar hakats u teka: A toukui ti katoema lia i manasa te antunana i romana ena mots lalapukuna.

Epesis 3:3

Nonei e haröte ii lia u ngilngil i tanen ti hamous mameien. Na lia u koloto hakapa berai limiou a tsi tabubun raranga tara ka teka.

1 Tesalonaika 4:15

Alam e hatei rami limiou u raranga teka tara Tsunono: ara u katuun te töatöa noa rou tara pöata te la pouts nama romana a Tsunono, ara ema mam narei romana u katuun ti mate mam. E möa.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.