2 Korin 11:29 - U Bulunagana U Niga

²⁹ Pöata tema hamana hatagala neia a töa katuun, alia e hasagoho hase gen. Pöata te kato homie ria a töa katuun bate kato homina, ba torir te taktakots koru mena a raharaha. Ga e noa talana. Alia goma ranga sesei nai a manka teka.

2 Korin 11:29 ပူးပေါင်းရင်းမြစ်များ

Matiu 11:6

Na esi a katuun te hamana nitöa uana i tar e sasaala nou!”

U Bulungana u Niga tere Iesu Kristo te kolotein e Jon 2:17

Ba u katunun tsitsilo i tanen e hakats pouts ner u raranga turu Buku u Göagono te poeiena, “A torir e matesil koruena a luma tere Sunahan ega ka haniga nitöa.”

U pas te koloto menai e Pol turu kristenira i Rom 12:15

Sasaala gono me raiam a pala te sasaalar, bate tabe gono has meramiou a pala te taber.

U pas te koloto menai e Pol turu kristenira i Rom 15:1

Ara te atei haniga silera u hihatuts tere Sunahan ega taguhir a pala tema atei hanigari. Ara gima hakats sile ii tegi sasaala peisa uu ra. E möa.

1 Korin 11:22

Alimiou e ka memiou u luma. E hana ba limiou tema nou mia turu luma i tamilimiou? Alimiou e sigale miou a hun katuun tere Sunahan, bate hamatsingolo ramiou u katuun te kaka pukur. Alia go mar ranga uu ime i tamilimiou? Alia go haniga raiou limiou tara markato teka? E möa koru!

1 Korin 12:26

Te kamits na a töa makum turu tuenrei, a man makum turu tuenrei hoboto e kamits gono has meren. Na te hapane ria a töa makum, a makum hoboto turu tuenrei e sasaala gono has meren.

1 Korin 15:36

Ba lia te pei gou, alö a katuun a tutu. A ka te haleba nemölö e mate buna bate töan pusuku nama.

1 Korin 8:13

Te kato homie na a markato tara kannou e toular, alia ema tatei nou lenegi u benö. Alia ena mots kato homiegi e toular a markato tara kannou teka.

1 Korin 8:9

Kaba hakats hanigaiam a niatei i tamilimiou ena mots kato homiena a katuun, ba u hakats i tanen tema tagala balanei banonei te rus uana tara markato a omi.

1 Korin 9:22

Na pöata te ka gono meragi lia u katuun tema hamana hatagalari, alia e kato here nagi a peisar nori, bate taguhu sil ragien tegi hamana hatagala uaien. Alia e here hamanasagi a mamanaka turu katuun hoboto, ba lia te tatei las meragi a palai tara maroro tara Tsunono.

2 Korin 13:9

Te atei sile moua lam alimiou e hamana hatagala miou, ba lam te sasaalam, noahasina tema tagala uami lam. Alam e singo hatagala koru silem tego niga koru uaiam limiou.

Galesia 2:14

Kaba pöata tu tareia lia tima kukute hamatskö menaien temar hihatuts uana u Bulungana u Niga, ba lia e ranga paka megia e Pita i matar u katuun hoboto me poeiegu, “Alö a Jiu. Na lö u kato haniga mam tu markato uu lö te kato uar u Kristen te tema Jiuri. Ga taraha tsiponi ba lö te kato silem i romana u katun te tema Jiuri e gi kato uu te kato uar u Jiu?”

Galesia 6:2

Te ka mena a töa i tamilimiou a nitiama pan, ba limiou te taguhe men. Ba markato teka te haröto nanou alimiou e hengo hanigemiou u raranga tere Kristo.

Revelesin 2:2

Alia e atei silegu a manka te katoe milimiou. Alimiou e roron kui hahalongolo tuun las miou batema hapolase mi a nikukui a niga i tamilimiou. Alia e atei sil hasegu alimiou ema ngil koru rami u katuun u omi. Alimiou u torohana hakapa raiam u katuun te poeier nori u aposol kaba nori ema aposol hamanari, ba limiou te sabe tale miou nori e gamor.

Revelesin 2:20

“Kaba a töa ka tema niganei: alimiou ema hapiou nami e Jesebel, a tahol te ngöe nei a peisanen a propet. Nonei e hatuts rena u katuun i tar bate las ranen, ba nori te noueier a kannou te haats ba naria turu kesa, bate kukuteier a markato te tsikolo uaier.