2 Korin 11:26 - U Bulunagana U Niga

²⁶ Tara man tou lala i tar, a ka a para e torohanan kato homi naiou lia: a man ramun te saputu piou, u kopkop, na u Jiu, na u katuun tema Jiu ri. A man nomi e butu has ia i tar tu kaia lia tara man taun na tara makum a palaka na i tasi has. Na u hatoulana na u hahahinana gamogamo i tar i torohanan kato homi haseiou lia.

2 Korin 11:26 ပူးပေါင်းရင်းမြစ်များ

Aposol 13:45

Kaba palair u Jiu i tara u katuun u parpara ti gono, ba toriren e hiomi koruna. Nori i torohanan pita putei u raranga tere Pol bate ranga homi naren.

Aposol 13:50

Kaba palair u Jiu i hatakei a raharaha tara touhaliouna turu lotu ti ka mei a solo pan, na turu tsunono has tara taun teka, ba nori e tanian kato homi rer ere Pol mere Banabas. Ba nori e tsuga ba rarien tara han i taren.

Aposol 14:19

Kaba a palair u Jiu turu taun i Antiok na i Aikoniam i lama, memi kato homier u hakats turu katuun. Ba nori e ti homi korueri e Pol u hatu, ba nori e las halakasa ba narien a taun. Nori i pei nonei e mate hakapa, ba nori e laba naren.

Aposol 14:5

Kaba u Jiu na u katuun tema Jiu ri na man tsunono i taren i katsin kato homir ere Pol mere Banabas na i katsin titi hatu has raien.

Aposol 15:40

Kaba e Pol e lui e Sailas, ba u kristen e poeier, “A niniganiga tara Tsunono e tatei la gono mera noulimiou.”

Aposol 17:13

Kaba pöata ti hengoeia u Jiu ra i Tesalonaika e Pol e habulunganein u raranga tere Sunahan i Beria has, ba nori e la uarima i Beria memi hatakei haser a raharaha turu katuun teka.

Aposol 17:5

Kaba u Jiu i hiomi ba nori e gono hoboto rarima u katuun u karous u omi ti roron ka pinopino laia tara töana memi gono hobotor me katoeier a töa hun katuun, ba nori e getar me hasingoto rer u katuun hoboto tara taun. Ba nori emi heleier a luma tere Jeson ti sake meraien ere Pol mere Sailas bate la meraren turu katuun ti gono.

Aposol 18:12

Kaba tara pöata te gamman ia e Galio i Gris, ba u Jiu e takei hobotor mena luerima e Pol. Ba nori ena piou narien turu kout me poeier, “A katuun teka e roron hatuts ranei u katuun tegi kato menaien u mar lotu tere Sunahan tema matskö neia tara Lo i tamulam u Jiu.”

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

Aposol 19:23

Tara pöata teka a nomi pan e butuia i Epesis tima ngil menai u katuun a Maroro tara Tsunono.

Aposol 20:19

Na limiou e atei sile miou, a para pöata ti kitseia u Jiu u raranga tegi pitaputa menaien lia. Na tara ka teka alia u ka mei a nitiama na u kamits u para. Kaba lia u hala putei a peisar bate katoegu a toukui tara Tsunono.

Aposol 23:10

Pöata te takei hatagala susul ia a hiaraharaha, ba tsunono turu soldia e matoutena u katuun e namots las kakatser e Pol! Ba nonei e ranga merena u soldia egi la batena luba naruma e Pol bate la merumen tara luman soldia.

Aposol 27:42

U soldia i hakatsin tegi atung hamate meraien u karabus, taraha nori e namots ape sungor bate bus hakapar.

U pas te koloto menai e Pol turu kristenira i Rom 8:35

Esi te tatei luba ranoira u ngilngil tere Kristo? A nomi tsi u tori tiama? E möa. Tara pöata te kato homi ria u katuun i tarara te hamana uara ra tere Iesu, ba ka teka e pei hasena nonei ema taatagi lel ranei ra? E möa. Tara pöata te butuna a bes i tarara tsi te kaka puku ria ra na te butuna a pöata a omi i tarara tsi a pula, ba manka teka te pei hasena e Kristo ema taatagi lel ranei ra? E möa has.

1 Korin 15:30

E hana bara te haka nitöa raria tara niomi a para?

1 Korin 15:32

Sanena lia tu hiatatung peisa mei a nitagala i tar, gono mer u enimol u hie ra i Epesis, alia ena lui gou aha? Tema hatakei pouts raroia u katuun ti mate, “Aragi töa nou bate uara, taraha i mahö bara te matera.”

2 Korin 11:32

Tara taun i Damaskus, u katunun pepeito tere Aretas a king i taratara kapiin a man tamana tara ololo tara taun tegi pile kap menaien lia.

Galesia 2:4

Kaba palair u katuun tima kristen ii hasohaleia a peisaren turu katuun u kristen. Nori emi katsin tari ta saha ka tego katoi lam u katuun tere Iesu Kristo. E Iesu nonei te purese ba raialam tara Lo turu Jiu, kaba u katuun teka i ngilin hakits pouts len raiou lam.