2 Korin 11:22 - U Bulunagana U Niga

²² Nori a tei Hibru? Alia has a toun Hibru. Nori a tei Israel? Ga lia has a toun Israel. Nori e hatubuna ria tere Abraham? Ga lia has.

2 Korin 11:22 ပူးပေါင်းရင်းမြစ်များ

Matiu 3:9

Alimiou goma tatei mar hakats uami teka, ‘Alam e kamem e Abraham e tubumulam.’ Alia e hatei ragou limiou, e Sunahan e antunan katoe nei u hatu teka a hun haposa tere Abraham. E Sunahan ema antunan ngil pinopinoe nei a katuun te pala uana tere Abraham. E möa. E ngileiena a katuun te kato hanigana.

Aposol 22:3

Be Pol e poeiena, “Alia a toun Jiu ti poseia i Tasus, a taun i Silisia. Kaba alia u pan ia tara taun teka i Jerusalem na e Gamaliel nonei a tson hihatuts i tar. Alia u tsitsiloia tara man Lo hoboto turu tuburara, na lia u tagala sil koru tego kukute haniga menai lia e Sunahan, te kato has uami limiou hoboto i romana.

Aposol 6:1

Tara man pöata teka u hihase turu katunun tsitsilo e para susul. U katuun ti atei sil u rangan HaGrik i raharaher u katunura i Hibru u amoaba i taren ima tara sil rai tara pöata ti molamola naia a kannou.

U pas te koloto menai e Pol turu kristenira i Rom 11:1

Ba lia te rangatagu, e Sunahan e tori tsugari u katuun i tanen u Jiu? E möa koru. Alia has a toun Israel, a hatutubunei tere Abraham, a pala tere Bentsamen.

U pas te koloto menai e Pol turu kristenira i Rom 9:4

Nori u katunura i Israel, u Jiu, a hun katuun te hopö kapiin e Sunahan. E Sunahan e hahahu beraien u katuun i tanen, bate haröto nena a nikapan i tanen. Nonei e kato gono meraien a man rangan kits bate hala raneien a Lo i tanen. Na nonei e haröto raien tegi mar hatsunono menaien, bate hala raneien u raranga u mana i tanen.

Galesia 3:16

Na e kato has uana iesana, e Sunahan e hale ii e Abraham na u hatutubunei i tanen u ranga hamana. U raranga teka ema ranga nanei a katuun a parpara. E möa. E ranga nena a töa puku a katuun, nonei e Kristo.

Pilipai 3:5

Hena, turu hatöalina u lan ti poseia lia, ba lia e pöe riou. Alia u töa u rahatsing turu katunura i Israel, a toun Hibru hamana, taraha alia u tuhanaia tara hun katuun tere Bentsamen. Na lia has a töa Parasi i manasa, na lia u tagala sil korui a Lo turu Jiu.