2 Korin 11:20 - U Bulunagana U Niga

²⁰ Alimiou ema ka hamana memi ta niatei. Taraha, a pal tson teka e hakui pukpuku rariou limiou bate a angoso rariou limiou na e gul haser a moni na mamanaka i tamilimiou, na alimiou ema hapiou ramien. Nori e sigala rariou limiou bate tapaler a pole milimiou.

2 Korin 11:20 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 12:40

Na u tson hihatuts tara Lo e lube tsiponeri a peisaren a manka turu amoaba na tegi tara marei meraien, nori e roron katoeier u singo u ngahangaha. Kato uana teka ba nihahuna i taren te pan koruna romana.”

U Bulungana u Niga tere Iesu Kristo te kolotein e Luk 6:29

Tega tapaleia ta töa ta katuun a abuabu mölö, hatapala hasiin a hapala. Tega lueia ta töa u hasobö pan i tamölö, hala hasei u hasobö u tetenei i tamölö.

1 Korin 4:11

I romana noahas alam e besim na e maka hasim. A man hasobö i tamulam e taktakiis hakapa. Na u katuun e muku rariou lam. Na lam e hula lam bate möam ta luma.

2 Korin 1:24

Kaba ema poeie nei alam go hatei rai limiou ime tego mar hatakui menai limiou u nihamana i tamilimiou. Alam e ngilin kui gono mera mou limiou ba limiou te saputu memiou a nisasaala, taraha, alimiou u ka hakapa meiam u nihamana te tuol hakarapoto mia limiou.

2 Korin 10:5

Alam e kato ba nem a mamanaka te hatu kap nena na te hipus nena tegi atei sil menai u katuun e Sunahan. Alam e palis hasem u hakhakats turu katuun te omi korur bate kukuteier u ranga tere Kristo.

2 Korin 11:3

Kaba lia e matoutegu, alimiou ena mots heremi e Eva te hengo sila nai u gamo tere Satan a kökötsi, batema hakats sil lenemi e Kristo puku lahas a töa.

2 Korin 12:16

A palai i tamilimiou e hatanganar bate poeier alia uma gulei ta moni i tamilimiou. Kaba palai i tamilimiou e poeier alia u angöngoso raiou limiou bate gamo ragou limiou.

Galesia 2:4

Kaba palair u katuun tima kristen ii hasohaleia a peisaren turu katuun u kristen. Nori emi katsin tari ta saha ka tego katoi lam u katuun tere Iesu Kristo. E Iesu nonei te purese ba raialam tara Lo turu Jiu, kaba u katuun teka i ngilin hakits pouts len raiou lam.

Galesia 4:3

Na ti markato has uu ra i mamuna te lama e Iesu Kristo, ara i here rai u katunun kukui puku te ka puta ria tara mamanaka i puta.

Galesia 4:9

Kaba i romana alimiou e pei miou e Sunahan e atei sil ranou limiou na limiou e atei silemiou e Sunahan. Ga taraha tsiponi ba limiou te habirits kopis silemiou a man namnamei a man omina i puta ti möa ta man nitagala i taren? Ba limiou te katsin katunun kukui puku lel mia i taren?

Galesia 5:1

E Kristo e purese ba raia ra tara Lo turu Jiu. Na limiou go tagala tala iam batema katunun kukui puku lel uami tara Lo turu Jiu.

Galesia 5:10

Na e Sunahan e hahune nou esi a katuun te kato hatutu ranou limiou. Kaba lia e hamanegu a Tsunono e taguhu ranou limiou ba limiou temar hakats uamou temar hakats uagu lia.

Galesia 6:12

U katuun te tuke mera rilimiou u hapö e ngil tuneier tegi tara marei meraien na tegi ma ha kamits merain te hamana mena rien a tou mate puku tere Kristo te tatei lu pouts mera nei u katuun tere Sunahan.

Pilipai 3:19

Nori e ka ria tara marorona tegi tia uaien, taraha nori e hakats sil talaser a tou nou, bate sasaala mer te haniga menarien a man markatona tara nimatsingolo, bate hakats puku lasner a mankana i puta.

1 Tesalonaika 2:5

Alimiou e atei silemiou alam uma mala angoso railimiou, na e Sunahan e atei sil hasena a torimulam ema ngile nei ta ka.