2 Korin 10:1 - U Bulunagana U Niga

¹ Alia e Pol, e ranga hataatagi hatagalagu na e ranga hatami gia i tamilimiou, te markato has uana e Kristo. A palai i tamilimiou e poeier alia e hala putegu a peisar te ka gono meragi lia limiou, kaba te ka halehana gialia, alia e ranga hatagala koru gia i tamilimiou.

2 Korin 10:1 ပူးပေါင်းရင်းမြစ်များ

Matiu 11:29

Lueiam a toukui i tar balia te hatuts ragou limiou, taraha alia e ron hala puteiegu a peisar na e tori tami has gia turu katuun hoboto. Ba limiou tena tatei husa mou batena sabe hase mou a nigumgum a niga te ka nitöana.

Matiu 21:5

“Hatei raiam u katunur i Saion, ‘Taraiam a King i tamilimiou e la hamanasa uanama i tamilimiou. Nonei e kato here nanei a peisanen a katuun papala koru bate osana tara tunan rongki a hitots.’”

Aposol 8:32

A makumun ranga turu Buku u Göagono te tareien e markato uu teka: “Nonei a katuun e here nei a sipsip tena piou ner tara makum te atung hamate raria u sipsip. Nonei e here nei a tunan sipsip tena tuol hakakamotona tara makum te kotskotseria u hulu tara sipsip batema ngala nei. Na nonei ema ranga has nei.

U pas te koloto menai e Pol turu kristenira i Rom 10:20

Na e Aisaia a propet ema matout has ii me hatei nena u raranga tere Sunahan teka: “Alia u harötein a peisar turu katuun tema Jiu ri tima rangata nai lia. Na u katuun tima sake ii lia nori u katuun tina sabeiou lia.”

U pas te koloto menai e Pol turu kristenira i Rom 12:1

A matsi hahatoulana, e Sunahan e taatagi koru ranoura. Na lia e ranga hataatagi mera goulimiou, alimiou go hala koru naiam a peisa milimiou bate here nei u haats u tötöa tere Sunahan bate herenei a ka a gogoso te haleri e Sunahan ba nonei te hanigeie nen. Nonei a maroro te tatei mar hatsunono sila mena milimiou e Sunahan.

U pas te koloto menai e Pol turu kristenira i Rom 15:15

Kaba turu pas teka alia e ranga hatagala noa has negu a palaina manka tego hatakei menai u hakats i tamilimiou. Alia ema matout megi e Sunahan e hale ii lia a nitsunono tego katunun kui uu lia tere Iesu Kristo bate kui silegu u katuun tema Jiu ri. Alia e katoegu a toukui turu pris bate rarariegu u Bulungana u Niga tere Sunahan. Alia e kato silegi a ka teka u Namnamei u Göagono e tatei kato haniga rena u katuun tema Jiu ri i matana e Sunahan, be Sunahan te lu ranen.

1 Korin 2:3

Na pöata tu kaia lia i tamilimiou, alia uma tagala ii na lia u toltololo mei a nimatout.

1 Korin 4:10

Alam e heremi u katuun u tutu i matara u katuun te hengo mena milam e Kristo, kaba e noahasina alimiou u katuun u atei tere Kristo. Alam ema tagalami, kaba e noahasina alimiou e tagala korumiou. U katuun e sigala rariou lam bate hapan rariou limiou.

1 Korin 4:21

Alimiou e ngilemiou aha? Alia go la mema a niomi i tamilimiou tsi alia go la mema u ngil na u tori tami i tamilimiou?

2 Korin 10:10

A palai i tamilimiou e pei toume riou, A man pas tere Pol e ka mena u raranga u tagala koru, kaba te ka gono mera nen ra, nonei a katuun a pata siba na u ranga i tanen ema ka menei ta nitiama.

2 Korin 10:2

Alia e hatei mam ragou limiou, alia ema ngilin ranga hatagala gia i tamilimiou tena butu goua lia i tamilimiou. Kaba lia e ranga hatagala goua turu katuun te poeier, alam e kato here rami u katuun te kukutier u ngilngilina i puta.

2 Korin 10:7

Tara a ka tego tarilö. Te pei mialö alö a katuun tere Kristo, tara marei talei, ga lam has u katuun tere Kristo.

2 Korin 11:21

Alia e ranga here noa hasegi a katuun a tutu. Tema matoutun ranga sesei narien ta ka, alia e ranga heregi a katuun a tutu, ema matoutun ranga sesei has goi.

2 Korin 11:30

Tego ngilin ranga seseia lia, alia u ranga sesei ni a manka te haröto nena alia ema tagalagi.

2 Korin 12:5

Alia e tatei ranga sesei negu a ka teka, kaba lia e raman ranga sesei negu a peisar. Alia e ranga sesei tuun las nagou tema tagala uagi lia.

2 Korin 3:12

Te ka tala memialam u mar nihamana teka alam ema matout tala mi.

2 Korin 5:20

Alam u tson sösöata ranga tere Kristo, e Sunahan e ranga hataatagi sila na i tamulam. Na lam e ranga hataatagi koru mia i tamilimiou tara solona e Kristo, tego nolo pouts memi limiou e Sunahan.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

2 Korin 7:4

Alia e saala koru ragou limiou bate sasaala has meragou limiou. A mamana nomi e butuna i tamulam, kaba lia e ongolo koru noa hasigu. A nisasaala i tar e möa ta nönöa nen.

Galesia 4:13

Alimiou e atei silemiou alia u siki tara pöata tu habulungana tutuun naia lia u Bulungana u Niga i tamilimiou.

Galesia 5:2

Hengo iam. Alia e Pol e hatei ragi limiou, te hapö moua limiou be Kristo tema antunan taguhu ranoui limiou.

Epesis 3:1

Alia e Pol, alia i hakarabus sile ii ti kui menai lia a toukui tere Iesu Kristo.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

Pilipai 4:5

Alimiou go kato hatami mia turu katuun hoboto. A Tsunono e sukusukun kopis poutsnama.

Kolosi 1:23

Na limiou go hamana nitöaiam bate tuol hakarapoto mia turu nihamana i tamilimiou. Alimiou goma hapolase mi a ka a niga tu hamana mia limiou tara pöata ti hengoe mia limiou u Bulungana u Niga. Nonei u Bulungana u Niga ti habulungana naia turu han hoboto, na nonei a ka teka te kui sile gulia, alia e Pol.

2 Tesalonaika 3:17

Alia e Pol, na lia peisa te hakapegu u raranga turu pas teka. Nonei temar koloto uagulia teka, te ka hasna tara man pas hoboto i tar na e haröto has nena temar koloto uagu lia.

Pilimon 1:19

Alia e Pol na lia e koloto peisegi u raranga teka a limar, alia e hamatane gou lö. Kaba lö e atei silem alö e ka has mem a haroho i tar, taraha alia u taguhe ioulö balö te hamana uaiem tara Tsunono.

Pilimon 1:9

Kaba lia e singo hatagala gia i tamölö tara markato te ngil menari a tana katuun. Alia e Pol, e ranga heregi a tsonpan na e karabus sil hasegu e Iesu Kristo.

1 Pita 2:11

A man hahikapien i tar, alimiou e heremi u katunun hulala tuun i puta, na limiou e ka pukuemou a tsitabubun pöata turu tsiktsiki teka. Na lia e ranga hataatagi mera gilimiou, alimiou goma rongarongemi a peisa milimiou tego kato menaien a man ngil a man omi, u ngil te roron hiatatung mena u namnamei i tamilimiou.

Revelesin 1:9

Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.