2 Korin 1:8 - U Bulunagana U Niga

⁸ A matsi hatoulana, alam e ngilem alimiou go atei sileiam a nomi te butuia i tamulam tara provins i Eisia. Alam u söata a kamits a kapan koru, te tagala balein a nitagala i tamulam, ba lam e katsin mate hakapam.

2 Korin 1:8 ပူးပေါင်းရင်းမြစ်များ

Aposol 16:6

Nori i silaia i gusuna a provins i Prigia na i Galesia. U Namnamei u Göagono e hatei raien tegima tatei hihatuts menaien u raranga tere Sunahan tara han i Eisia.

Aposol 19:41

Pöata temar ranga hakapa uu a kapan teka, ba nonei e tula kalakala rena u katuun ba u hagum e tarurana.

Aposol 2:9

Ara u katununa tara man provins i Patia na i Midia na i Ilam na i Mesapotemia na i Judia na i Kapadosia na i Pontas na i Eisia.

U pas te koloto menai e Pol turu kristenira i Rom 1:13

A matsi hahatoulana alia e hatei ragou limiou, tara para a pöata alia u ngil korui tegona tara merai limiou, kaba a nilala i tar ema mala manai. Alia e ngilegu u katuun i gusumilimiou egi hamani u raranga i tar, ti mar hamana has uu a palair u katuun tema Jiu ri.

1 Korin 15:32

Sanena lia tu hiatatung peisa mei a nitagala i tar, gono mer u enimol u hie ra i Epesis, alia ena lui gou aha? Tema hatakei pouts raroia u katuun ti mate, “Aragi töa nou bate uara, taraha i mahö bara te matera.”

1 Korin 16:9

Taraha, a tamana e takalata hapan talana tego kato menai lia a toukui a niga teka, na katuun a parpara te katsin kato homier a toukui tara Tsunono.

1 Korin 4:8

Turu hakats i tamilimiou, alimiou e peimiou, “Alam u ka hakapa mei a manka tere Sunahan. Alam ema ngil lenemi taka.” Alimiou e peimiou alimiou e heremi u king tara nipepeito tere Sunahan bate mam ramou lam. Alia e ngilegu alimiou go king hamanaiam, ba lam te tatei tsunono hoboto gono mera moulimiou.

2 Korin 1:9

U mana koru, alam u pei lasi alam go mate. Kaba a ka teka i kato sile ii alam goma tatei hamanaia i oulumulam, kaba lam go hamanaia tere Sunahan, te hatakeiena a katuun te matena.

2 Korin 6:9

U katuun e atei sil rariou lam, kaba nori e kato here rari lam u katuun papala. Alam e heremi u katuun te katsin mater kaba lam e töatöa noam. Alam e sagohem a kamits pan kaba lam ema matemi.