2 Korin 1:22 - U Bulunagana U Niga

²² Nonei e böto kap sil raira tegi katuun uu ra i tanen, me hala has raneira u Namnamei i tanen, a ka tutuun te hatei raneira a mamanaka te ranga hamana naien ena la nama romana.

2 Korin 1:22 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 3:33

Kaba a katuun te hengoe nen e sabiena te mana uana e Sunahan.

U Bulungana u Niga tere Iesu Kristo te kolotein e Jon 6:27

Alimiou goma kui silemi a ka te tatei putakana. E möa. Alimiou go kui sileiam a ka te niga nitöana, a ka te hala nena a nitöatöa te ka nitöana. Alia tu butun Katunuma e hala ragoui limiou a ka teka, taraha e Tamar e Sunahan e hanige noulia.”

U pas te koloto menai e Pol turu kristenira i Rom 4:11

E Abraham e hapö hamurimurin a hatöatongo tere Sunahan, bate hatei tala nena e Sunahan e ngöeien a katuun a matskö te hamana uaien, ba nonei e töan hapö nena a hatöatongo tere Sunahan. E Sunahan e kato sile ii a ka teka tegi ngö menai e Abraham e tubur u katuun hoboto te hamaner e Sunahan be Sunahan te ngö raneien u katuun u matskö i matanen, noahasina tema ka merien a hatöatongo tere Sunahan.

U pas te koloto menai e Pol turu kristenira i Rom 8:23

Ema nori peisari. Ara has, te ka mera u Namnamei tere Sunahan a tantania tara mamanaka a niga tena lue riou romana. Ara e har hasira bate hahalosera a pöata tena lu ranoua ra e Sunahan, ba ra te galapien hoboto uarou i tanen, na tuenreirara na u namnamei has i tarara.

U pas te koloto menai e Pol turu kristenira i Rom 8:9

Kaba u ngilngilina i puta ema hakui lel ranei limiou. U Namnamei tala tere Sunahan te hakui ranou limiou. Na te ka na u Namnamei tere Sunahan i tori milimiou, nonei u Namnamei teka te mammam ranou limiou. Ba esi tema ka menei u Namnamei tere Kristo, nonei ema katuun uanei i tanen.

2 Korin 5:5

E Sunahan te kato berai lam a ka teka. Nonei te hala railam u Namnamei i tanen tego kato hatagali u raranga hamana te hala raien lam.

Epesis 4:30

Alimiou goma kato hataatagemi u Namnamei u Göagono tere Sunahan, taraha nonei a hatöatongo tere Sunahan te haröto nena te hanöa ba mena milimiou romana a manka man omi hoboto.

1 Tesalonaika 4:8

Na katuun te tori tsuga nena u raranga teka ema tori tsuga nanei u raranga tara katuun tuun. E möa. Nonei e tori tsuga nena u raranga tere Sunahan, e Sunahan te hala ranei limiou u Namnamei u Göagono i tanen.

2 Timoti 2:19

Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

Revelesin 2:17

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A katuun te tagala saluhena, alia e hale goien a palaina a kannou te ngöeri u Mana ti hamousi. Na lia e hala hase goien a hatu a hiaka ti koloto naia a solo a tsimus i tanen. Nonei puku lahas a töa te atei sile nou a solo teka.”

Revelesin 7:3

Ba angelo teka e poeiena, “Alimiou goma kato homiemi u tsiktsiki tsi u tasi tsi a ruei e antunana te titi hakapa mera moi lö a poler u katunun kui tere Sunahan.”

Revelesin 9:4

Nori i hateirai egima tatei kato homiei u garas tsi a ruei na manka te lebeier. Nori gi kato hakamits lasir u katuun tima ka mei a hatöatongo tere Sunahan i poleren.