2 Korin 1:20 - U Bulunagana U Niga

²⁰ U mamana u ranga hamana hoboto tere Sunahan e butun mana sila ma tere Iesu, te pei sila na rira “U mana” tara pöata te singo ria ra. Bara te ranga sila narien tara solona e Iesu bate soloseiera e Sunahan.

2 Korin 1:20 ပူးပေါင်းရင်းမြစ်များ

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

U Bulungana u Niga tere Iesu Kristo te kolotein e Jon 1:17

E Sunahan e hala silanama a Lo tere Mosis, kaba u pannen u nihitaguhu na nimana tere Sunahan i habutu sila nama tere Iesu Kristo.

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U Bulungana u Niga tere Iesu Kristo te kolotein e Jon 3:5

Be Iesu e ranga palis uana i tanen me poeiena, “U mana koru alia e ranga mei goulö, tema pose ria a katuun turu ramun na turu namnamei, nonei ema antunan tasu nei tara Nipepeito tere Sunahan.

U pas te koloto menai e Pol turu kristenira i Rom 11:36

Taraha, e Sunahan e habutu a mamanaka hoboto na nonei peisa a mouna a mamanaka, na manka hoboto e ka uana i tanen. Ba ra te solosei nitöa tala nera e Sunahan. U mana.

U pas te koloto menai e Pol turu kristenira i Rom 6:23

Tara markato a omi a hihol i tanen a tou mate. Kaba e Sunahan e hala sila nena a nitöatöa te ka nitöana tere Iesu Kristo a Tsunono i tarara.

1 Korin 14:16

Taraha te singo moalö tere Sunahan turu namnamei i tamölö, a tana katuun halhal koru ema tatei poa noi “U mana” turu hanhaniga i tamölö. Taraha, nonei ema atei sile nei aha te ranga nemölö.

2 Korin 4:15

A mamanaka hoboto teka te butunou, e taguhu ranou romana limiou. Na te para ria romana u katuun te hengo ner romana a nihitaguhu tere Sunahan, bu katuun u parpara te tatei singor bate haniga uaier tere Sunahan bate soloseie ren.

2 Korin 4:6

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.

Galesia 3:22

U Buku u Göagono e mar ranga uana teka, a markato a omi e karabus raiena u katuun hoboto i puta tara nitagala i tanen. A ka teka i kato sile ii u katuun te hamana uaier tere Iesu Kristo egi lui a ka te ranga hamanein e Sunahan.

Epesis 1:6

Na ragi solosei e Sunahan te taatagi meraien ra te pala uarara tara Pien Tson i tanen e Iesu Kristo.

Epesis 2:7

Nonei e kato mei a ka teka tega haröto menaien a nihihitaatagi na niniganiga pan i tanen tara mamana pöata i murimuri. Nonei e ngilin haröto ranei u katuun hoboto temar niga mera neien ra, na ka te kato berai ra e Iesu Kristo.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

2 Tesalonaika 1:10

Nonei tara pöata te la nama romana a Tsunono, ba u katuun i tanen te soloseie rouen. U katuun hoboto te hamanar e haniga korue rouen romana, na limiou has, taraha alimiou u hamaneiam u ranga i tamulam.

Hibru 11:13

U katuun hoboto teka i mate hakapa, kaba nori i hamana noahasi e Sunahan. Nori ima lue ii a manka te ranga meraien e Sunahan, kaba nori i taran lehana tuun naien me hanige ren. Ba nori e hatei ner nori u katunun hulala tuun i puta tara tsitabubun pöata.

Hibru 13:8

E Iesu Kristo, nonei puku noahasina i manasa, na i romana na tara mamana pöata. Nonei ema tatei palis nei.

Hibru 7:6

E Melkisedek ema pala uai tere Livai. Kaba nonei e lu noa hasi a hamalotona makum tere Abraham, nonei a katuun te lui u raranga hamana tere Sunahan, na e Melkisedek e kalala hasi e Abraham.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

1 Jon 5:11

Na nonei a ka teka te hatei raneira e Sunahan: e Sunahan e hala raira a nitöatöa te ka nitöana, na nitöatöa teka e kana tara Pien Tson i tanen.

Revelesin 3:14

Nonei a katuun e hakapi u ranga me poeiena, “Alö go koloto menai u raranga teka tara angelo tara hun katuun tere Kristo te ka ria i Laodisia: “U ranga teka nonei u raranga tara katuun te ngöeri ‘U Mana,’ nonei te haröto hamana nena u raranga tere Sunahan. Na nonei a mouna a mamanaka hoboto te habuti e Sunahan.