2 Jon 1:8 - U Bulunagana U Niga

⁸ Alimiou go haneiam, ma hapolase mi a manka man niga ti kui hatagala sili ra. Alimiou go kato nitöa sileiam tego lu mena milimiou a manka man niga te hopö kap berai limiou e Sunahan.

2 Jon 1:8 ပူးပေါင်းရင်းမြစ်များ

Matiu 24:4

Be Iesu e ranga palis ranen, “Haneiam, möa tu hengoeiam ta katuun tegomi gamo raiou limiou.

U Bulungana u Niga tere Iesu Kristo te kolotein e Mak 13:23

Alimiou ego haneiam. Alia e hatei hakapa ragulei limiou a mamanaka.”

U Bulungana u Niga tere Iesu Kristo te kolotein e Mak 13:9

“Alimiou go hanei iam, taraha u katuun e pile kap rariou limiou bate hala mera roi limiou turu kout, ba nori te atung raroua limiou tara man luman lotu. Na limiou ena tuol möa i matar u gamman na u king, taraha alimiou e hamana mia i tar, ba limiou te hatei ramouien u Bulungana u Niga.

U Bulungana u Niga tere Iesu Kristo te kolotein e Luk 19:19

Ba katuun pan e poeiena i tanen, ‘Alö e tsunono nem romana a tolima taun.’

U Bulungana u Niga tere Iesu Kristo te kolotein e Luk 21:8

Be Iesu e poeiena, “Hanei iam, u katuun e namots gamo rariou limiou. Taraha? A katuun a parpara ena la rima romana bate ngöe roui a peisaren a solor batemi poeier, ‘Alia e Mesaia,’ na ‘A pöata hamanasa!’ Kaba ma kukute rami.

U Bulungana u Niga tere Iesu Kristo te kolotein e Jon 4:36

A katuun te harengena a kui e lu taleiena a hihol i tanen na e lu gögono sil hase nei a kannou, a kannouna tara nitöatöa teka nitöana. Ba u katunun leba na u katunun harenge te sasaala hobotor te lu mena rien a hihol. Ba u raranga ti halani te butu hamana talana. ‘A töa katuun ena lebaleba nou ba tai tena harenge nou.’

1 Korin 15:8

Nonei e butu hamurimuri koruia i tar, e herenei alia i poseia tara pöata tegima posei lia.

1 Korin 3:14

Tema kulupenoi u tula aha ti kuieia ioluna a pos simen, e Sunahan e hale noi a katuun te kuieien u hamatana i tanen.

1 Korin 3:8

A katuun te halebana na katuun te haramununa e kuieier a töa puku a toukui. E Sunahan e hol ranoien a man tötöa, e antunana timar kui hapopo uaien.

Galesia 3:4

A nikamits ti lu mameiam limiou turu Bulungana u Niga, alimiou u lu pinopino tune men? Kaba lia ema peigi alimiou i lu pinopino tune men.

Galesia 4:11

Alia e toku koru meg a man toukui ti kato berai lia limiou ena mots la pinopinona.

Pilipai 3:16

Na ragi pile hakarapotein a markato a niga ti lu hakapa mamira.

Hibru 10:32

Alimiou go hakats pouts naiam a pöata i manasa. I murina tu butu tutuun mia limiou turu ualesala tere Sunahan, alimiou u lueiam a kamits na niomi a parpara, kaba limiou uma hapolasa mi. E möa.

Hibru 10:35

Alimiou goma hapolase mi u nihamana u tagala i tamilimiou, be Sunahan te hala ranei romana limiou u hamatana u niga.

Hibru 12:15

Tara kap haniga raiam a palai bate moa nou ta töa tega habirits ban a nihitaguhu tere Sunahan. Ta töa ena mots tori homina i gusumilimiou bate hatakeiena ta raharaha bate kato homiena u hakats tara palai.

Revelesin 3:11

Alia e la boroboro guma romana, pile hakarapoto naiam a manka te ka memi limiou. U katuun u omi e namots luba rari limiou a manka a man niga te ngilin hala nena e Sunahan.