2 Jon 1:10 - U Bulunagana U Niga

¹⁰ Temi hihatuts nena ta katuun u raranga tema matskö neia turu hihatuts tere Kristo, ba limiou tema tatei lu mena mien i luma i tamilimiou, batema tatei ranga hatami has mia i tanen.

2 Jon 1:10 ပူးပေါင်းရင်းမြစ်များ

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

1 Korin 16:22

Esi te rama nena a Tsunono, egi korupakö ni. O Tsunono i tamulam, lama!

1 Korin 5:11

Alia u rangein tegoma ka gono mena milimiou a katuun te ngöe nei a peisanen e toularara bate tsikolona tsi e gono benei a peisanen a manka na e hatsunonena u kesa na e tuts silena a tana katuun na e roron spakina na e kopkopina. Alimiou goma nou gono has memi a mar katuun teka.

2 Tesalonaika 3:14

Te raman hengo nena ta töa i tamilimiou u raranga i tamulam turu pas teka, balimiou te tara kap haniga namen bate ka halhal ba namen, ba nonei te matsingolo mena a markato i tanen.

2 Tesalonaika 3:6

Alam e hatei ramou limiou a matsi hahatoulana, tara solona e Iesu Kristo a Tsunono i tarara, alimiou go ka halehana ba raiam a man hahatoulana a man karous tema hengori batema kukutie ri a ka tu hatuts railam alimiou.

Taitus 3:10

Hapiouni a katuun te lu kaakata rena u katuun. Tema hengo neien, ranga hahuol lel mei. Kaba te möa noahas nen, balö te töa haka ba namen.

2 Jon 1:11

Na te ranga hatami tala moua limiou i tanen, e here talenei alimiou e taguhe men tara toukui a omi te katoe nen.

3 Jon 1:10

Na pöata temi tuku goua lia i tamilimiou ba lia te hatei nagou a man markato te katoe nen. Te tuts sil mera neien lam, na tema lu mera neien a man hahatoulana i tarara i tanen, na te hapiou has mena neien tegi lu meraien a palair u katuun. Na te tsuga mera neien u katuun te hamana ria tere Iesu.