1 Timoti 6:20 - U Bulunagana U Niga

²⁰ O Timoti, tara kapiin a manka hoboto ti hale ii lö. Ka halehana ban u ranga pinopino tema hapane nei e Sunahan, na turu rangan raharaha turu katuun te gamor bate poeier e ka mer a niatei.

1 Timoti 6:20 ပူးပေါင်းရင်းမြစ်များ

Aposol 16:1

Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.

Aposol 17:18

Nonei e hiararanga gono has mer u tson hihatuts turu huol u mar hihatuts ti ngöe ii u Epikurian na u Stoik. Ba palai e poeier, “Aha nonei te ranga nena a katuun a borera teka?” Ba palai e poeier, “Nonei e ranga toum nena a tana got halhal.” Nori i mar ranga uu teka, taraha e Pol e hatei raien e Iesu me poeiena nonei e takei poutsia tara tou mate.

Aposol 17:21

U katuun hobotora i Atens na u katunura tara man tana man han ti kaia i Atens, nori i ngilin hakapa koruei a pöata i taren tara saha ka tsimus te butu banori te hagum mer ti hia raranga sil meien.

U pas te koloto menai e Pol turu kristenira i Rom 1:22

Nori e poeier, “Alam e ka mem a niatei,” kaba e möa, nori e butun tutu koru len talar.

U pas te koloto menai e Pol turu kristenira i Rom 3:2

Aa, u Jiu e kamer a parpara ka tema kameri a palair u katuun. E Sunahan e haniga mam merai u Jiu tegi lu menaien u raranga i tanen bate tara kap naren.

1 Korin 2:6

Alia e ranga noa has megu a niatei turu katuun te atei siler a markato tere Sunahan. Kaba ema niatei uanei tara han i puta teka tsi tara pal kapanira i puta te taia riou romana. E möa.

1 Korin 3:19

Taraha, a niateina i han i puta teka e tutuna i matana e Sunahan. U Buku u Göagono e pei hasena, “E Sunahan e kato homi mera nei u katuun u atei a man niatei pouts i taren.”

Kolosi 2:18

A palair u katuun e poeier nori e pan ria i matana e Sunahan bate poeier, nori i sinasohi a manka teka tegi haka puta menaira a peisarara bate hatsunono raier u angelo. Alimiou goma hengo ramien te pei mena rien alimiou e kato homimiou. Nori e kato hapan pinopinoer a peisaren te hakats mena rien a markatona i puta.

Kolosi 2:8

Kaba haneiam, ta katuun ena gamo ranei limiou tu ranga pinopino. Hanei sil raiam u katuun te hihatuts ner a niatei turu tuburen bate poeier e lama tere Sunahan. Nori e hihatuts ner a mankana i puta, u spirit na lo na i manasa, kaba ema ranga uanei tere Kristo.

2 Tesalonaika 1:4

Nonei te ranga sesei bera milam alimiou turu hagum turu katuun tere Sunahan. Alam e hahatei nem u katuun e kato homi sila raria limiou te hamana uamia limiou tere Iesu bate hamana hatagalamiou, noahasina te omi merari limiou u katuun.

2 Tesalonaika 2:15

E markato uana teka a matsi hahatoulana, ba limiou te kato sil noe mou u ranga hamana ti hatuts rai lam alimiou na ti hengoe mialimiou i rungumulam na turu pas has.

1 Timoti 1:11

Na u hihatuts u mana na u niga nitöa te matsköna turu Bulungana u Niga te halei lia e Sunahan te pan saluhena, nonei tego hihatuts hamatskö ni lia.

1 Timoti 1:2

Alia e koloto menagi u pas teka i tamölö, O Timoti! Alö e heremi a pien hamana koru i tar te hamana hoboto uarara tara Tsunono. E Sunahan e Tamarara na e Iesu Kristo a Tsunono, e tatei hale rilö a niniganiga na nitaatagi na masalohana.

1 Timoti 1:4

Na nori e gima tatei ngil koruei u hahatate pinopino na e gima hakoloto has nai a solo a para turu tuburen. Taraha, a manka teka e habutena a hiaraharaha. Na ema haröto nanei te markato uana e Sunahan, a man toukui i tanen e takui na turu nihamana.

1 Timoti 1:6

Kaba a palair u katuun i la halhal bani a markato a niga teka bate habirits siler tegi ranga papala menai a man ranga pinopino.

1 Timoti 1:9

E hatei nena, a Lo ima haka sil rai u katuun u matskö. E möa. A Lo i haka sile ii u katuun tema kukutieri a Lo tere Sunahan, na u katuun te hipus rer u katuun te mammamir, na u katuun tema tara mareieri e Sunahan bate kato homir, na u katuun te katoeier a manka tema ngilenei e Sunahan na tema tara mareieri e Sunahan bate hakats nitöa ner a manka ni puta. A Lo i haka sile ii u katuun te puli rer u tamaren tsi u tsinaren na u katuun u hihipuli na u katuun u tsiktsikolo na pal tson na touhaliou te hiakaka gono poutsur, na u katuun te kop rer a palair u katuun bate hahol raren, na u katuun u gamogamo. Na mamanaka tema niga neia i matana e Sunahan.

1 Timoti 4:7

Kaba, alö go hapolasa bani a man hahatate pinopinona i manasa, tema hanigenei e Sunahan. Alö go hahangeia a peisamölö a markato a niga tere Sunahan.

1 Timoti 6:11

Kaba lö o Timoti, alö a katuun tere Sunahan, ka halehana ban a manka teka. Torohanan tagala sil tego kato hamatskö uu lö bate kato haniga mia i matana e Sunahan bate hamane men. Alö go ngilir u katuun hoboto bate tuatami mia i taren na lö goma sökana has ii.

2 Timoti 2:1

O Timoti alö te heremi a pien i tar, lueia a nitagala tara nihitaguhu te kana tere Iesu Kristo.

2 Timoti 2:16

Ka halehana ban u ranga pinopino tema hapanenei e Sunahan, taraha e las halhal ba nanei a katuun e Sunahan.

Taitus 1:14

Nori egima hengoei a man raranga a man gamo turu Jiu, na egima hengo hase ii a man raranga turu katuun ti tori tsuga hakapein u raranga u mana.

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

Taitus 1:9

Nonei ega pile kap hakarapotein u raranga u mana tere Sunahan timar hatuts menaien, ba nonei te hihatuts nanou u raranga u mana, ba u katuun te hanigeriou u hihatuts bate hamanar. Ba nonei te tatei ranga hatagalana turu katuun te ranga hasoalar bate hatei raneien te kukute mena rien u raranga u gamo.

Taitus 3:9

Kaba lö go tori tsugani u mamana u mar ranga te hia ngenngena uaier u katuun. Na lö go tori tsuga hasiin a markato te hia raharaha sil menarien a man solo turu tuburen na te hia raharaha sil menarien a man Lo tere Mosis. A man markato teka ema antunan habutu töa nanei ta ka ta niga.

Revelesin 3:3

Hakats kap tala naiam a manka ti hatuts rai limiou na u raranga tu hengoe iam limiou. Kukute iam bate tori tsuga namiou a man markato a man omi i tamilimiou. Esi tema tagule nou ii, alia ena la hasingoto here guma romana a kopkop ba limiou tema atei sile moi a saha mar pöata tena la guma lia romana.