1 Timoti 6:18 - U Bulunagana U Niga

¹⁸ Hateiri egi kato haniga bate katoeier a mamana markato a niga. Nori egi tatangana bate hia halhala ner a manka i taren.

1 Timoti 6:18 ပူးပေါင်းရင်းမြစ်များ

Matiu 5:42

Pöata te harangata silena a katuun ta ka i tamölö, halei a ka te ngile nen. Na pöata te katsin haroho nena a katuun a ka i tamölö, alö goma tatei peits naien.”

U Bulungana u Niga tere Iesu Kristo te kolotein e Luk 12:21

Be Iesu e poeiena, “E markato has uana iesana tara katuun te gono benei a peisanen a mamanaka, kaba i matana e Sunahan nonei e möa ta ka ta niga.”

U Bulungana u Niga tere Iesu Kristo te kolotein e Luk 3:11

Ba nonei e ranga palisina me poeiena, “A katuun te ka mena u huol u hasobö ega halan u töa tara katuun te möana. Na katuun te ka mena a kannou ega molamola has naien.”

Aposol 10:38

E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.

Aposol 11:29

Ba man tötöa man kristen hobotor i Antiok e kitser u ranga tegi hala hapopo naien u monin hitaguhu turu kristenira i Judia.

Aposol 9:36

Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.

U pas te koloto menai e Pol turu kristenira i Rom 12:13

Alimiou go hala has rami a palair u kristen a manka i tamilimiou, bate lu has merami u katuun i luma i tamilimiou.

U pas te koloto menai e Pol turu kristenira i Rom 12:8

Te ka memia lö a nitagala tego hatagala menai lö a nihamana tara palai, balö te kato hasemen. Te hitaguhu mia lö tara moni, alö a tatangana. Te tara kap ramia lö a palai, ba lö te hipakoko hanigam batema karousmi. Te taatagi sile mia lö a palai, balö te taguhu ramen bate sasaalam.

1 Korin 16:2

Turu mamana u Sandei, alimiou hoboto a man tötöa e haka halhale mou a hapalana matsi moni i tamilimiou, antunana temar lu uami limiou. Haputeiam ba limiou tema gonemi romana ta moni tara pöata tego la uu lia i tamilimiou.

2 Korin 8:12

Taraha, te kana a nimaniatan hala, e Sunahan e lu has me noien a nimaniata te antunana tara ha te ka memi limiou. Nonei ema ngile nei alö go halani a ka tema ka memilö.

2 Korin 8:9

Alimiou e atei silemiou a nitaatagi tara Tsunono e Iesu Kristo. Noahasina te ka meien a mamanaka a niga, kaba turu ngilngil tanen i tarara ba nonei e butu here namei a katuun te möa ta ka. Nonei e laba sila nama a mamanaka a niga tanen i Kolö tegomi hala meraienra a mamanaka a nigana i Kolö.

Galesia 6:10

Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

Epesis 4:28

A katuun a kopkop ega hanöa ban a tou kop bate tanian kuina. Nonei ega kuin a limanen peisa, ba nonei te ka menou a mamanaka bate taguhu hasena a katuun te moana ta ka.

1 Timoti 5:10

Na nonei has a amoaba teka te kamena a solo a niga tara man markato a man niga te kato mameien. Hena, te hatuts haniga raien a galapien i tanen bate tara kap haniga ranen, a solonen e tatei kana tara man solo. Na te taguhu haniga raien u katuun ti tuku ti lama tara tana han, bate galus hasena a mour u katuun u kristen na te taguhu raien u katuun te ka mer a siki bate torohanan katoena a mamana markato a niga, nonei e tatei hakoloto nena a solonen tara man solo.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Hibru 13:16

Alimiou goma solopalemi tego kato haniga mera milimiou a palair u katuun bate hiatagtaguhu miou. A markato teka e ngil korue nen na e kato hasasaalena e Sunahan.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

1 Pita 3:11

Nonei ega habirits ban a man markato a man omi bate kato hanigana. Na nonei ega ngil korui a markato tara masalohana bate kukute hatagala korue nen.

1 Jon 3:17

Kaba a katuun te ka mena a mamanaka bate atei sil hasena e toulanen e moana ta kannou ba nonei tema taatagi naneien, ga ime temar ngil mena neien e Sunahan? Ge möa tala.

3 Jon 1:11

A hahikapien i tar, alö goma kukute ii a markato a omi. E möa. Alö go kukutie a markato a niga. A katuun te kato haniga nitöana, e pala uana tere Sunahan. Na katuun te kato homi nitöana ema katuun uanei tere Sunahan.