1 Timoti 6:17 - U Bulunagana U Niga

¹⁷ Hateir u katuun te ka mer a mamanaka a para i romana gima solose ii a peisaren. Nori gima hasolaia tara moni tuun te antunan taia boroborona. E möa. Nori gi hasolaia tere Sunahan a tatangana koru te hala raneira a mamanaka te kato hasasaala ranoura.

1 Timoti 6:17 ပူးပေါင်းရင်းမြစ်များ

Matiu 12:32

A katuun te ranga homi nanou lia tu butun Katunuma, e Sunahan e tatei luba nanou a markato a omi i tanen. Kaba a katuun te ranga homi nena u Namnamei u Göagono, e Sunahan ema tatei luba nanoi a markato a omi teka i tanen, tara pöata i romana, na tara pöata i murimuri has.”

Matiu 19:23

Be Iesu e poeiena turu katunun tsitsilo i tanen, “Alia e ranga hamana koru mera goulimiou, a katuun te kamena a moni a parpara ema antunan tahongo boroboro neia tara Nipepeito tere Sunahan.

Matiu 25:16

“Ba tson pepeito kap te lui a tolima a talen moni e lana mena hakui nena a moni teka ba nonei e luena a tana a tolima a talen moni.

Matiu 27:57

Tara pöata te lahi ia a ka, ba töa katuun te kamei a moni a parpara koru e la nama, a solonen e Josep. Nonei a katununa i Arimatia, na nonei has a töa katunun tsitsilo tere Iesu.

Matiu 6:32

A mamanaka teka te kato siler u tematan egi lueien. E Tamamilimiou i Kolö e atei silena te ngil mena milimiou a manka teka.

U Bulungana u Niga tere Iesu Kristo te kolotein e Mak 10:24

Bu katunun tsitsilo e asingoto koru ner u ranga i tanen. Kaba e Iesu e ranga lel me poeiena, “A matsi galapien, e palpal koruna tegi tasu uu tara Nipepeito tere Sunahan.

U Bulungana u Niga tere Iesu Kristo te kolotein e Luk 19:2

Na töa katuun a solonen e Sakias a tson mammam turu katunun lulu takis, nonei e ka has mei a moni a parpara.

U Bulungana u Niga tere Iesu Kristo te kolotein e Luk 3:11

Ba nonei e ranga palisina me poeiena, “A katuun te ka mena u huol u hasobö ega halan u töa tara katuun te möana. Na katuun te ka mena a kannou ega molamola has naien.”

Aposol 14:17

Kaba nonei e haröto has nena temar kato haniga uanen i tamilimiou. Nonei e roron hapolena a langits, na e hahua hanigeiena u kui i tamilimiou. Nonei e hala hantue nena a kannou i tamilimiou bate kato hasasaala has ranou limiou.”

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

Aposol 17:25

E möa ta katuun ga kui beien, nori e mar taguhu mena roien ime? E möa. Nonei peisa te hala nena a nitöatöana i puta turu katuun hoboto bate hala raneien a mamanaka hoboto teka meren.

U pas te koloto menai e Pol turu kristenira i Rom 11:20

E manana. Nori i peko ba merai tima hamana uaien. Kaba limiou e ka sila tuun mia turu nihamana. Bara! Ka haniga talaiam batema saalemi a peisamilimiou. E möa. Alimiou go matout iam.

Epesis 5:5

Alimiou go atei sil hanigeiam a ka teka, a mar katuun teka ema tatei lu korue nei romana ta töa ta makum tara Nipepeito tere Kristo na tere Sunahan: a katuun a tsiktsikolo na katuun te hirata homina na katuun te mamangil nena a mamanaka. A katuun te mamangil nena a mamanaka e omi here nei a katuun te hatsunonena a got gamogamo.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

1 Tesalonaika 1:9

U katuun e hatei noahas rari lam tu mar toul mera milimiou alam, na nori i hatei has rai lam tu laba menami limiou u kesa bate kukutie miou e Sunahan a Got hamana na Got a töatöa.

1 Timoti 1:3

Tara pöata tu la uu lia tara provins i Masedonia, alia u ngili alö go kakaia tara taun i Epesis, ba lö te hapiou rem a palair u katunura i Epesis te hihatuts ner u raranga u gamo.

1 Timoti 4:10

Tara a nimanamana nen, ara e kui hatagala sil noahasera a ka a niga teka, taraha ara e hakera u nihamana i tarara tere Sunahan te töatöana. Nonei te taguhu rena u katuun hoboto bate lu pouts rena u katuun te hamana uaier i tanen.

1 Timoti 5:21

Alia e hala hatagale goi lö u raranga teka i matana e Sunahan na i matana e Iesu Kristo na i matar u angelo u göagono. Alö go hengo hanigei u raranga teka batema kato homie mi a tana katuun. Alö go markato merai u katuun hoboto iesana.

1 Timoti 6:13

Alö go pile hakarapotein u raranga tere Sunahan batema kamenei tu korkoriana e antunana tena la pouts nama romana e Iesu Kristo te ranga hanigein u raranga u mana i matana e Pontias Pailat. Alö go hengo hanigei u raranga tere Sunahan, ba u katuun tema tatei ranga homi naroi lö. Alö go markato uu teka e antunana tara pöata te butu pouts nama romana e Iesu Kristo a Tsunono i tarara.

1 Timoti 6:9

U katuun te ngilin ka mer a mamanaka a parpara e tutu lala tuun rena bate rus beier a maroro tara markato a omi. A maroro teka, a tanga turu mamana u ngilngil u omi na u tutu te antunan las mena nei a katuun tara han a omi i hel.

2 Timoti 4:10

Taraha, e Demas e ngil koruena a han i puta teka. Nonei e laba hakapa naiou lia me lauana tara taun i Tesalonaika. E Kresens e la uu tara provins i Galesia na e Taitus e la uu tara provins i Dalmesia.

Taitus 2:12

bate hatuts raneira tegi tori tsuga menaira u ngilngilina i puta. Na tara pöata i romana aragi hala puta hasi a peisarara bate kukutera a markato a niga tere Sunahan.

Taitus 3:6

E Sunahan, e hala hapara koru sila nama u Namnamei u Göagono tere Iesu Kristo, nonei te lu pouts raioura,

2 Pita 1:11

Be Sunahan te haniga koruna romana tego tasu uaiam limiou tara Nipepeito tere Iesu Kristo a Tsunono i tarara te lu pouts raiou ra, a Nipepeito tema antunan kapa nei.