1 Timoti 5:17 - U Bulunagana U Niga

¹⁷ U tsunono te kui haniger a toukui i taren egi hala rai u tara marei pan, e la koru uana turu tsunono te rararer na te hihatuts hasir.

1 Timoti 5:17 ပူးပေါင်းရင်းမြစ်များ

Matiu 24:25

Hengoiam! Alia e hatei mammam ragilimiou a ka teka i mamina a pöata tena butu nen romana.

U Bulungana u Niga tere Iesu Kristo te kolotein e Luk 10:7

Alimiou go ka nitöa mia tara töa luma batema hula la uami tara man taina man luma. Alimiou e tatei noue miou ne tatei ue miou a man saha manka te tatei hala naren. Taraha? A katunun kui egi halei a hihol i tanen.

U Bulungana u Niga tere Iesu Kristo te kolotein e Luk 12:42

Ba Tsunono e ranga palisina, “Esi i tamilimiou te here nei a tson mammam hamana te hakats hanigana? A katuun pan i tanen e hataratara kap naneien romana a palair u katunun kui i tanen. Nonei te tatei hala ranoien a kannou tara pöata hamatskö.

U Bulungana u Niga tere Iesu Kristo te kolotein e Jon 4:38

Alia e tula sil ragou ii limiou tegona gono mera mumei limiou u katuun te katsin hamana uar i tar. A palair u katuun i hala mam raien u raranga tere Sunahan, na limiou ena kato halesalemou u raranga tere Sunahan ba nori te tatei hamana hanigar.”

Aposol 11:30

Nori i markato uu teka, ba nori e tula rer ere Banabas mere Sol tegina piou menaien u moni turu tsunono turu kristenira i Judia.

Aposol 20:35

Tara mamana toukui i tar, alia u haröto railimiou tegi mar kui hatagala uu ra teka, bara te tatei taguhu raier u katuun u pinolasa. Aragi hakatsin u raranga te kato e Iesu a Tsunono me poeiena, ‘A nisasaala tara katuun te hala nena a manka tara tana katuun e pan bala nena a nisasaala tara katuun te luna tara tana katuun.’”

Aposol 28:10

Ba nori e hala rari lam a manka a man parpara. A töa tolaalana i Aleksenria e hahalosoia tara tolo teka tega kapa uu tasi pan. Ba i murina tu ka hakapaia lam tara tolo a topisa a tsihou, ba lam e katsin la lel talam, ba nori e hoseier a mamanaka hoboto tu ngili lam, tara tolaala.

U pas te koloto menai e Pol turu kristenira i Rom 12:8

Te ka memia lö a nitagala tego hatagala menai lö a nihamana tara palai, balö te kato hasemen. Te hitaguhu mia lö tara moni, alö a tatangana. Te tara kap ramia lö a palai, ba lö te hipakoko hanigam batema karousmi. Te taatagi sile mia lö a palai, balö te taguhu ramen bate sasaalam.

U pas te koloto menai e Pol turu kristenira i Rom 15:27

Nori e kato merien u ngil peisa i taren. Na e niga hasina te kato uaren teka. Taraha, u Jiu i halan a manka a man niga tere Sunahan turu katuun tema Jiu ri, ne niga hasina te taguhu has mera raien u Jiu a manka man niga i taren i puta.

U pas te koloto menai e Pol turu kristenira i Rom 16:12

Na lia e haniga has uagu tere Traipina mere Traiposa, te kukui ber a Tsunono, na tere Pesis a tsomi i tar te kui hapara koru has bei a Tsunono.

1 Korin 15:10

Kaba tara nihitaguhu tere Sunahan ba lia temar butu uagu teka, na nikalala i tanen ema la pukpuku nei. Alia e kui hatagala bala regu a palair u aposol hoboto, kaba ema lia nei. E Sunahan te ka gono menou lia.

1 Korin 16:16

Alia e ranga hatagala meragou limiou go kui gono meraiam u mar katuun teka na palai hasir u katuun te kui gono mera ren.

1 Korin 3:9

Alam u katunun kui hoboto tere Sunahan. Alimiou a kui i tanen na luma has i tanen.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

Galesia 6:6

A katuun te hengoena u hihatuts turu raranga tere Sunahan e tatei hala nena a palaina a manka man niga i tanen tara tson hihatuts i tanen.

Pilipai 2:16

Hala rami u rarangana tara nitöatöa. Te markato uamou limiou teka, ba lia te haniga koru ragou limiou turu Lan Pan tere Kristo. Taraha, nonei a manka teka e haröto nanou alia uma kui hatagala papalai.

Pilipai 2:29

Alimiou go sasaala memen bate soloseie men tara solona a Tsunono. Na limiou go soloseiam a mar katuun teka.

Pilipai 4:3

Na lia e rangate goulö ti ron kui gono meiou lia, alia e ngilegu alö go taguhir a huol a tahol teka. Taraha, nori i kui hatagala koru me ti hahatei lamenien u Bulungana u Niga, nori mere Klemen na palair a man hahikapien hoboto i tar ti kui gono meioulia, na man solo i taren e kana turu bukuna tara nitöatöa.

1 Timoti 3:5

Taraha, tema antunan tara kap haniga nanei a tson a tahol na galapien i tanen, nonei ma antunan tara kap haniga has nanei a hun katuun tere Sunahan.

1 Timoti 4:10

Tara a nimanamana nen, ara e kui hatagala sil noahasera a ka a niga teka, taraha ara e hakera u nihamana i tarara tere Sunahan te töatöana. Nonei te taguhu rena u katuun hoboto bate lu pouts rena u katuun te hamana uaier i tanen.

1 Timoti 4:14

Alö goma totonei a ka a niga te halei lö e Sunahan, ti hatagali a pal kapan turu kristen ti katoi u rangan propet bate hatakoper a limaren i tamölö.

1 Timoti 4:16

Tara hanigei temar ka uamölö na manka te hihatuts nemölö. Pile hakarapotein a markato teka, ba lö te taguhe mou a peisamölö na u katuun has te hengoe riou lö.

1 Timoti 4:6

Te hatara namoua lö a manka teka turu hahinamölö na u toulamölö, alö a katunun kui a niga tere Iesu Kristo, e kato hatagale moilö a peisamölö na u rarangana tara nihamana turu hihatuts u niga te kukutie mölö.

1 Timoti 5:19

Möa tu hengo u kout tara tsunono. Te kana a huol tsi a topisa a katuun tegi hatangana hobotein a ka teka ba lö te töan hengoe men.

1 Timoti 5:3

Alö go taguhir u amoaba ti möa koru ta katuun tega taguhu raien.

2 Timoti 2:6

A katuun te kui hatagalana tara kui i tanen e tatei lu benei a peisanen a hua tutuun tara toukui i tanen.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

Hibru 13:17

Hengo haniga raiam u tsunono i tamilimiou, bate kukute miou u raranga i taren. Taraha, nori e tara kapin toa rariou limiou. Te hengo ramouen limiou, ba nori te sasaala meriou a toukui i taren. Kaba te möa nouen, ba toriren te tiama nou, ba ka teka tema taguhu ranoui limiou.

Hibru 13:24

Hala menami u hanhaniga i tamulam tara pal kapan hoboto i tamilimiou na turu katuun hoboto tere Sunahan. A matsi hatoulana hasiri Itali e hala has rari limiou u hanhaniga i taren.

Hibru 13:7

Hakats sil raiam u tsunono i tamilimiou, nori ti hatei mam railimiou u raranga tere Sunahan. Hakats kap naiam a manka man niga te butuma tara markato a niga i taren, ba limiou te hamana mia tere Sunahan timar hamana has uaien.