1 Timoti 2:10 - U Bulunagana U Niga

¹⁰ Nori gi kato nitöani a man markato a man niga. A markato teka e matsköna tara touhaliou te poeier nori e hatsunoner e Sunahan.

1 Timoti 2:10 ပူးပေါင်းရင်းမြစ်များ

Aposol 9:36

Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.

Aposol 9:39

Be Pita e takeina me la gono mera nen. Pöata tina butuien ba u katuun e las menarien tara rum iasa te kaia e Dokas. U amoaba i tuol hobotoia i rehina e Pita bate taber. Nori i haröto haseien a man hasobö te katoe e Dokas me hala raneien tara pöata te ka gono noa meraien e Dokas.

Epesis 2:10

E Sunahan e kato raira u katuun u tsimus ti hamana uu ra tere Iesu Kristo. Nonei e kato hatsimus sil raira tegi kato menaira a man markato a man niga te hopö kap mam sil raien ra.

1 Timoti 2:11

Alimiou a touhaliou go hahengo halongolo tuun iam te hihatuts ria bate hala putemiou a peisa milimiou.

1 Timoti 2:9

Na lia e ngil hasegu a touhaliou gi hasei u mar hasobö tega tara hanigaia i matar u katuun. Nori gi hasei mei u hasobö u hakats u niga. Nori gima hakats hapara nai tegi maman kato menaien a huluren bate hakeier a manka a man kankanaha na u hasobö na mamanaka a hihol i tanen te pan koruna. E möa.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

2 Pita 3:11

Na temar taia tala uana romana a mamanaka tara markato teka, ba limiou te kato hatagala sil talemiou tego niga koru uaiam limiou bate hala nemiou a peisa milimiou tere Sunahan.

Revelesin 2:19

Alia e atei silegu a manka te katoe milimiou, na te ngil mera milimiou u katuun, na te hamana noahas mena milimiou alia. Alia e atei sil hasegu alimiou e taguhu ramiou a palair u katuun batema hapolase mi te kukute mena milimiou alia. Na manka te katoe milimiou i romana e niga bala nena a manka tu kato mameiam limiou.