1 Timoti 1:9 - U Bulunagana U Niga

^9-10 E hatei nena, a Lo ima haka sil rai u katuun u matskö. E möa. A Lo i haka sile ii u katuun tema kukutieri a Lo tere Sunahan, na u katuun te hipus rer u katuun te mammamir, na u katuun tema tara mareieri e Sunahan bate kato homir, na u katuun te katoeier a manka tema ngilenei e Sunahan na tema tara mareieri e Sunahan bate hakats nitöa ner a manka ni puta. A Lo i haka sile ii u katuun te puli rer u tamaren tsi u tsinaren na u katuun u hihipuli na u katuun u tsiktsikolo na pal tson na touhaliou te hiakaka gono poutsur, na u katuun te kop rer a palair u katuun bate hahol raren, na u katuun u gamogamo. Na mamanaka tema niga neia i matana e Sunahan.

1 Timoti 1:9 ပူးပေါင်းရင်းမြစ်များ

Matiu 10:21

“Na nonei tara pöata, u katuun e hala rariou u toularen tegi kato hamate meraien, ba a palair u katuun te haniga nariou tegi atung hamate merai a galapien i taren. Na palair a galapien e omi has rariou u tsinaren na u tamaren, bate kato hamate has rariou.

U pas te koloto menai e Pol turu kristenira i Rom 1:30

Nori e ranga homi ner a tana katuun bate omier e Sunahan. Na nori ema hapaneri ta katuun, kaba nori e hipusur bate ranga sesei ria i peisaren pouts. Nori e roron hakats ner a man maroro a man tsimus tegi kato homi uaien. Nori e hipus rer u tamaren na u tsinaren.

U pas te koloto menai e Pol turu kristenira i Rom 4:13

E Sunahan e halan u raranga hamana i tanen tere Abraham na tara pala i tanen tegi tatei lu menaien a man han hoboto i puta teka. U raranga hamana teka ema butu sila meia tara Lo tere Mosis. E möa. E la silama tara markato turu nihamana te kato hamatskö rana u katuun i matana e Sunahan.

U pas te koloto menai e Pol turu kristenira i Rom 5:20

E Sunahan e hala sile mei a Lo i tanen tegomi haröto meraien u katuun ti markato homi uaien, ba nori e töan kato koru lelir a mamana a markato a omi koru. Kaba a nihitaguhu tere Sunahan e tagala saluhe korueiena a man markato a man omi i taren.

U pas te koloto menai e Pol turu kristenira i Rom 6:14

Na markato a omi egoma tatei mammam rai limiou. Taraha a markato tara Lo ema tsunono lel ranei limiou. E möa. A nihitaguhu tala tere Sunahan te ka gono meranou limiou.

Galesia 3:19

Gaha te hala sile ii e Sunahan a Lo? Nonei e hala sileien ti kato homi uu katuun bate ngilin haröto raneien a mouna a markato a omi i taren. Na Lo e ka hapopoia tara pöata tega butuia nonei a katuun tere Abraham, e Kristo, a katuun te hala mei e Sunahan u ranga hamana i tanen. A man Lo tere Sunahan u angelo ti la mam memen ba nori emi hale rien e Mosis be Mosis e hala nanen turu katuun. Kaba pöata te hala naia e Sunahan u ranga hamana i tanen tere Abraham, nonei e kato pepeiseien, na e möa ta katuun tega taguheien.

Galesia 5:18

Kaba te mam rana limiou u Namnamei tere Sunahan, alimiou ema ka lel mia i kopina a Lo turu Jiu.

Galesia 5:21

Nori e hakats homi rer a palaier u katuun na nori e spakir bate hirata homir, bate katoeier a mamana markato a omi te markato uana teka. A man markato teka nonei a man markato turu ngilngilina i puta. Alia u hatei mam raiou limiou i manasa na lia e hatei lel pon ragou limiou i romana: u katuun te markato uaier teka ema antunan tasu roi tara Nipepeito tere Sunahan.

Galesia 5:23

Ara e tuatami raia turu katuun, nara e haka puteiera u ngilngil i peisarara. A man markato teka nonei a markato turu Namnamei tere Sunahan, na e möa ta lo tega hapioun a man markato teka.

2 Tesalonaika 2:8

Ba nonei tara pöata teka, a katuun a omi e butu nou. Ba tara pöata te la pouts nama romana e Iesu a Tsunono, nonei e butu menama romana a nitagala i tanen bate husa hamatie nen.

1 Timoti 4:7

Kaba, alö go hapolasa bani a man hahatate pinopinona i manasa, tema hanigenei e Sunahan. Alö go hahangeia a peisamölö a markato a niga tere Sunahan.

1 Timoti 6:20

O Timoti, tara kapiin a manka hoboto ti hale ii lö. Ka halehana ban u ranga pinopino tema hapane nei e Sunahan, na turu rangan raharaha turu katuun te gamor bate poeier e ka mer a niatei.

2 Timoti 2:16

Ka halehana ban u ranga pinopino tema hapanenei e Sunahan, taraha e las halhal ba nanei a katuun e Sunahan.

2 Timoti 3:2

U katuun e ngil korue riou romana a peisaren na e ngil koru hase riou a moni. Nori e ranga sesei nariou a peisaren bate poeier, “Alia a katuun pan.” Na nori e ranga hohomi rariou u katuun na e Sunahan has, bate hipus rariou u tsinaren na u tamaren. Nori ema niga sile roi a manka te ka meren, na nori e rama nariou a markato a niga.

Taitus 1:10

Alia e hatei gilö a man raranga teka, taraha, u katuun u parpara koru te hipusur na te gamogamor. Na u Jiu, nori koru u katuun ti roron tagala korumei u hapö, ti ranga bate poeier nori koru te pala uaier tere Kristo, bate gamo rari u katuun u hihatuts u gamo.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

Taitus 1:6

A tson mammam ega kamei a markato a niga bu katuun tema tatei ranga sile rien, na nonei ega kamei a töa puku a tahol na galapien i tanen egi kamei u nihamana tere Kristo na markato a niga, ba u katuun tema tatei ranga sileri tegi hipus uaien, tsi tegi hipus menaien e tamaren na e tsinaren.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

Hibru 12:16

Alimiou go tara kap hanigaiam, batema tsikolo mi. Na limiou goma sigalemi e Sunahan te markato uu e Iso. Nonei a pien tson a hamua te ka mei a nikapan, kaba nonei e halan a nikapan i tanen tere toulanen a tetenei me hol tune neien a tsi kannou tuun.

1 Pita 2:7

A hatu teka e haharuei nena e Iesu. Nonei e taguhu koru ranou limiou u katuun te hamana miou. Kaba turu katuun tema hamanari, u ranga e markato uana teka, “A hatu ti hapiraka ban u katunun kukui luma, nonei a hatu te niga balana tara toukuina tara luma.”

1 Pita 3:20

A man namnamei teka nori u katuun u hihipus ti kaia tara pöata tere Noa i manasa. Nonei tara pöata e Sunahan e solon hahaloso me tuatami koruna tara pöata te kuie ia e Noa a tolaala. Kaba a töal puku a katuun ti töatöa turu uolo pan, a palai i mate.

1 Pita 4:18

U Buku u Göagono e mar ranga uana teka: “Te kamenen a tsi tabubun maroro koru te tatei lu pouts merari u katuun u matskö, Ga ime te markato ueier romana u katuun te habirits hasoala baner e Sunahan bate katoeier a markato a omi?”

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.