1 Timoti 1:20 - U Bulunagana U Niga

²⁰ A maroro tala ti kukuti ere Himenias mere Aleksenda balia ena haka ragien i limana e Satan, ba nori te hatuts rari tegima ranga hohomi menaien e Sunahan.

1 Timoti 1:20 ပူးပေါင်းရင်းမြစ်များ

Matiu 18:17

Kaba tema ngilin hengo naneien u raranga i taren, balö te hatei rem u katunun kui turu lotu. Na tema hengo noa hase neien u raranga i taren, ba limiou te kato here namien a katuun tema tahongo neia turu lotu, tsi te lehana banena u lotu.”

Aposol 13:45

Kaba palair u Jiu i tara u katuun u parpara ti gono, ba toriren e hiomi koruna. Nori i torohanan pita putei u raranga tere Pol bate ranga homi naren.

Aposol 19:33

Ba u Jiu e tula menari e Aleksenda i hagus, ba palair u katuun e ku siler tego kato menien u ranga. Be Aleksenda e hasoasei nena a limanen tegi kakamoto uaien ba nonei te ranga palisena u ranga i taren.

1 Korin 11:32

Kaba te hamatskö rena ra a Tsunono, nonei e hahuna sil raneira ara gima tatei hahuna gono merai u katunura i puta.

2 Korin 10:6

Na pöata te hengo haniga nitöa ramoua limiou alam, ba lam te tatei hahuna noahas ramou u katuun te hipusur.

2 Korin 13:10

Nonei a ka te koloto sile gulia bate mar ranga uagu teka, te ka halehana ba ragia lia alimiou. Alia e ngilegu a ka teka: a pöata tena butu goua lia i tamilimiou, alia goma ranga hatagala korui i tamilimiou bate haröto negu a nitagala te hale ii lia a Tsunono. Nonei ema hala sile ii lia a nitagala i tanen tego hahuna merai lia limiou. E möa. Nonei e hala sileien tego taguhu merai lia limiou.

2 Tesalonaika 3:15

Kaba limiou goma kato here namien u pakö i tamilimiou. E möa. Alimiou go hale mien u raranga u tagala, taraha nonei a hahatoulana i tamilimiou.

1 Timoti 5:15

A palair u amoaba i laba hakapein e Kristo bate kukutier e Satan.

2 Timoti 2:14

Alö go hatei lel rai u katuun a manka teka balö te ranga hatagala meramen i matana a Tsunono tegima pilits menaien u ranga. A markato teka ema taguhe nei a katuun, e kato hohomi tuun rena u katuun te hengoer u raranga teka.

2 Timoti 2:17

A man raranga teka e here nei a pi a omi te nouena u benö tara katuun. A huol a katuun turu mar katuun teka, ere Himenias mere Pailitas.

2 Timoti 3:2

U katuun e ngil korue riou romana a peisaren na e ngil koru hase riou a moni. Nori e ranga sesei nariou a peisaren bate poeier, “Alia a katuun pan.” Na nori e ranga hohomi rariou u katuun na e Sunahan has, bate hipus rariou u tsinaren na u tamaren. Nori ema niga sile roi a manka te ka meren, na nori e rama nariou a markato a niga.

Hibru 12:5

Alimiou a galapien tere Sunahan u solopala hakapeiam a man raranga a man niga te ranga gono merai limiou e Sunahan? Ba nonei e poeiena, “A pien i tar, möa tu tara papali te hahuna menanei lö a Tsunono. Na pöata te hahune nen lö, möa tu tori tiama.

Revelesin 13:1

Ba lia e taregu a töa ka a töatöa te butuma i tasi. Nonei e ka mei a maloto a ki, na man hatan tsunono i kaia tara man tötöa man ki hoboto. Na nonei e ka has mei u tohit u baku, na solo a omi e ka has ia i man bakunen.

Revelesin 3:19

Te kato homi roua u katuun te ngil regu lia, alia e hapiou ragouen bate hamatskö ragouen. Alimiou go ngil hatagale iam a Tsunono bate tori tsuga namiou a markato a omi.