1 Tesalonaika 5:9 - U Bulunagana U Niga

⁹ Taraha, e Sunahan ema hopö kap meraira tara nihahuna. E möa. Nonei e hopö kapiin tega luba meraien ra tara niomi, taraha e Iesu Kristo a Tsunono i tarara e mate sil raioura.

1 Tesalonaika 5:9 ပူးပေါင်းရင်းမြစ်များ

Matiu 26:24

Alia tu butun Katunuma e mar mate uagou temar ranga uana u Buku u Göagono. Kaba a niomi pan e butuna romana tara katuun te haröto nanou lia turu katuun ti korupakö naiou lia. E niga bala nena a katuun teka egima mala posei.”

Aposol 1:20

Be Pita e poeiena, “I koloto has naia turu Buku u Göagono turu Buk Sam, ‘A luma i tanen e tatei opingina romana, na e möa nou ta katuun tega kaia i tanen.’ “Na u Buku u Göagono e pei hasena, ‘A tana katuun e tatei palise nen bate lueiena a toukui i tanen.’

Aposol 1:25

Nonei ega palisi e Judas tara toukui turu aposol te pile naien. E Judas e rus ia tara toukui teka me la uana tara makumun nihahuna i tanen.”

Aposol 13:48

U katuun tima Jiui i hengo u ranga teka, ba nori e sasaala korur, me hanigeier u raranga tere Sunahan. Na u katuun te hopö kapir e Sunahan tegi töatöa nitöa, nori i hamana uu i tanen.

U pas te koloto menai e Pol turu kristenira i Rom 11:30

Alimiou uma hengoe mi e Sunahan i manasa, kaba i romana e Sunahan e taatagi ranou limiou, taraha u Jiu e lagi hengor.

U pas te koloto menai e Pol turu kristenira i Rom 11:7

Baha hamanasa? A tei Israel ima lue ii a ka ti ngileien. A matsi töa puku lasi turu katuun ti sabe a ka teka, u katuun te hopö kapir e Sunahan. Kaba a pal parpara koru a tori ren e kihil lasi.

1 Tesalonaika 1:10

Nori e hatei has rari lam, alimiou e hahalosemiou a Pien Tson i tanen, tena kopis pouts namen romana i Kolö. Nonei e Iesu, e Sunahan te hatakei poutseien tara tou mate i tanen. Nonei te hatongo kap ranoua ra romana tara pöata tara nihahuna, te butuna romana a raharaha pan tere Sunahan.

1 Tesalonaika 3:3

Ba u katuun te omi ra riou limiou tema tatei hamatout rari limiou. Alimiou e atei silemiou a ka a omi teka e tatei butuna i tarara, u katuun te hamana ria tere Kristo.

1 Timoti 1:13

Noahasina ti roron ranga hohomi sil menaien lia i manasa na tu kato hohomi menai lia u katuun i tanen. E Sunahan e taatagi naiou lia, taraha alia u hahamana naien batema atei silegi a ka ti kati lia.

1 Timoti 1:16

Nonei teka ti mar lu sila menai lia, alia a töa katuun a omi hataia nitöa, kaba tara nitaatagi tere Iesu Kristo ba nonei e haröto nena te antunan hahaloso uanen, me kato here nanei lia u haharuei tego haröto menaien lia turu katuun te ngilin hamana uar i tanen, bate lue riou a nitöatöa te ka nitöana.

2 Timoti 2:10

Ba lia te söata sila nagia a mamanaka te butuna i tar tego taguhu merai lia u katuun te hopö kapir e Sunahan. Alia e ngilegu nori egi lu hasi a nitöatöa te kana tere Iesu Kristo, na nitsunono pan has te ka nitöana.

1 Pita 2:10

I manasa alimiou ima katuun uami tere Sunahan, kaba i romana alimiou u katuun i tanen. Na limiou ima atei silemi te taatagi mera nei e Sunahan u katuun, kaba i romana alimiou e atei silemiou e Sunahan e taatagi ranou limiou.

1 Pita 2:8

Na tana makum turu Buku u Göagono e mar ranga has uana teka, “Nonei a hatu teka te tutu ranoua u katuun.” U katuun te tutu rana tara hatu e haharuei ner u katuun te tori hasoalaner e Iesu, taraha nori ema kukutieri u ranga. Nori e markato uaier teka ti mar hopö kap noahas meraien i manasa.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.