1 Tesalonaika 5:6 - U Bulunagana U Niga

^6-7 A katuun e roron soho mena a bong na katuun e roron spak has mena a bong. Na katuun tema atei sile nei te la nama romana u Lanin Hahuna tara Tsunono, nonei te here nei a katuun te sohona tsi a katuun te spakina. Kaba ara gima markato uai teka. E möa. Aragi here ii a katuun te kalatana bate hakats hanigana.

1 Tesalonaika 5:6 ပူးပေါင်းရင်းမြစ်များ

Matiu 13:25

Kaba tara pöata ti soho hakapaia u katuun ba pakö i tanen e la nama memi tsihasa nena a huana u pulung u omi i gusuna a kuin wit, me lana.

Matiu 24:42

“Taraha, alimiou ema atei silemi u sahu lan te la nama romana a Tsunono i tamilimiou.

Matiu 25:13

Be Iesu e poeiena, “Alimiou go haneiam, taraha alimiou ema atei silemi u lan tsi a aua te butu nama romana a Tsunono i tamilimiou.”

Matiu 25:5

Kaba a tson tegomi hitöl ema la boroboro mei, ba nori hoboto e topi korur be sohor.

Matiu 26:38

Ba nonei e poeiena i taren, “A peisar e tiama koru mena a nitaatagi pan. Kaka mia teka ba limiou te kalkalata gono memou lia.”

U Bulungana u Niga tere Iesu Kristo te kolotein e Mak 13:37

A ka te ranga mera gilia alimiou e la has uana turu katuun hoboto: tara kap hanigaiam.”

U Bulungana u Niga tere Iesu Kristo te kolotein e Luk 12:37

Te sabie nen u katunun kui i tanen e hahalose ren bate ma sohori, ba u katunun kui te sasaala korur. Alia e ranga mera goulimiou, nonei a katuun pan e kato here nanoi a peisanen a katunun sösöata kannou, bate hagum ranen bate hanou ranen.

U Bulungana u Niga tere Iesu Kristo te kolotein e Luk 12:39

Alimiou go hakats naiam a ka teka: Sanena tega atei sil mameia a katuun terena luma i hangisa koru tega lama a katuun a kopkop, ba nonei te hatongo kap nena a katuun teka bate ma heleie nei a luma i tanen bate tasuna.

U Bulungana u Niga tere Iesu Kristo te kolotein e Luk 21:36

Tara kap hanigaiam bate singo nitöa uamiou tere Sunahan, ba limiou te ka memou a nitagala tego hakarasa ba menami limiou a man nomi teka te butu nouen, ba limiou te tatei tuol has mia romana i matar, alia tu butun Katunuma.”

U Bulungana u Niga tere Iesu Kristo te kolotein e Luk 22:46

Ba nonei e poeiena i taren, “Aha te soho memi limiou? Takei iam bate singo uamiou tere Sunahan. U hiamus e namots tagala saluhe rariou limiou.”

Aposol 20:31

Na limiou go hanei haniga nitöa iam. Alimiou go hakats sileiam a ka teka: turu topisa u hiningal nitöa, tara bong na tara lan, alia uma hanöa ii tu hatuts merai limiou hoboto a man tötöa. Alia u hatuts merai limiou a nitaatagi pan.

1 Korin 15:34

La pouts muma turu hakhakats u haniga bate hanöa ba namiou a man markato a man omi taraha a palai ema atei sil noeri e Sunahan. Alia e ranga sila gia tara nimatsingolo i tamilimiou.

1 Korin 16:13

Kahete kap nitöaiam, bate tuol hakarapoto mia tara nihamana i tamilimiou. Möa tu matout iam, hatagala kakap nitöaiam.

Epesis 2:3

Ara hoboto i markato uu ti kato uaien. Ara i kukute u ngilngil peisa i tarara i puta, bate kato uara turu ngilngil turu tuenrei na turu hakats i tarara. E Sunahan e raharaha raioura na u katuun hoboto, taraha a markato a omi e takui ia i tarara.

Epesis 5:14

A mamanaka te hahankana tegi tara menaien e tatei butun ualesalana. Nonei te ranga beiena u Buku u Göagono bate poeiena: “Alö te sohom, tagule! Takei ba poutsin a tou mate i tamölö. Be Kristo te hale noi lö u ualesala.”

Epesis 6:18

Alimiou go singo nitöa mia tara nitagala turu Namnamei tara mamana pöata te singo mia limiou tere Sunahan, ba limiou te katoemiou u mamana u mar singo. Na katuun te singona egoma tatei hanöa bana ii te singo uanen, ba nonei te singo sil has raiena u katuun hoboto tere Sunahan.

Pilipai 4:5

Alimiou go kato hatami mia turu katuun hoboto. A Tsunono e sukusukun kopis poutsnama.

Kolosi 4:2

Alimiou go pile hakarapoto naiam a markato turu singo i tamilimiou bu hakhakats i tamilimiou tema tatei tianei, ba limiou te haniga uamiou tere Sunahan.

1 Tesalonaika 4:13

A matsi hahatoulana, alam e hatei has rami limiou u katuun ti mate ti hamanaia tere Iesu. Alimiou goma tabe sil koru ramien te kato uaier a pala te hahamanar. A pala teka ema hamaneri tegina ka haniga hoboto gono menaien e Sunahan i murina a tou mate i taren.

1 Tesalonaika 5:10

Nonei e mate sil tegi ka nitöa gono menaien ra, noahasina te töatöa noa roa ra tsi te mate hakapa mam rouara tara pöata te la pouts namen romana.

1 Tesalonaika 5:8

Taraha, ara u katununa tara lan. Aragi hamana haniga uu tere Sunahan bara te hiangilngil nitöara. Na ragi hamana noahasi e Sunahan te luba ranoua ra tara niomi.

1 Timoti 2:15

Kaba a touhaliou ena lu sila pouts raroua tena posa mera roien a galapien, na tena hamana nitöa uarouen tere Sunahan bate ngil raier a palair u katuun bate kamer u hakats u matskö na u niga.

1 Timoti 2:9

Na lia e ngil hasegu a touhaliou gi hasei u mar hasobö tega tara hanigaia i matar u katuun. Nori gi hasei mei u hasobö u hakats u niga. Nori gima hakats hapara nai tegi maman kato menaien a huluren bate hakeier a manka a man kankanaha na u hasobö na mamanaka a hihol i tanen te pan koruna. E möa.

1 Timoti 3:11

A touhaliou has i taren egi kato haniga batema katoeri tu ranga te poeiena a tana katuun e kato homina. Nori e tatei hakats hanigar bate pakokeier a mamanaka te katoe ren.

1 Timoti 3:2

A katunun pepeito kap turu lotu ema tatei ka menei ta ka ta omi i tanen. Nonei ga ka mei a töa puku a tahol. Na nonei ga hakats haniga bate hala puteiena u ngil i peisanen bate kato hamatsköna. Nonei ga tara sil a taina katuun bate ngö menaneien i luma i tanen. Na nonei ga atein hihatuts has.

2 Timoti 4:5

Kaba lö go tara kap hanigein a peisa mölö tara saha ka te hakamitse noulö. Alö go ranga hatei lan u Bulungana u Niga bate kuieiem a mamana toukui hoboto te katunun kui ua mölö tere Sunahan.

Taitus 2:12

bate hatuts raneira tegi tori tsuga menaira u ngilngilina i puta. Na tara pöata i romana aragi hala puta hasi a peisarara bate kukutera a markato a niga tere Sunahan.

Taitus 2:6

Na lö go ranga hatagala has mer u hitots egi hakats haniga bate hala puta haseier a peisaren.

1 Pita 1:13

Alimiou go hamatsköeiam u hakhakats i tamilimiou bate hakats haniga mia i peisa milimiou. Hamana nitöa sileiam a nihitaguhu te lue milimiou romana tara pöata te butu nama e Iesu Kristo.

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

Revelesin 16:15

“Hengo iam! Alia e songotei la hasingoto guma romana. A katuun te kalatan töana ega sasaala. Alimiou go heremi a katuun te tara kap haniga nena u hasobö i tanen batema tatei beloso neia i matar u katuun.”

Revelesin 3:2

Kalataiam, bate kato hatagale miou a tsi pala te ka noana te katsin mate patuna. Alia u sabe a manka tu katoeiam limiou ema antuna neia turu ngilngil tere Sunahan.