1 Tesalonaika 5:27 - U Bulunagana U Niga

²⁷ Na lam e hatei ramia limiou tara solona a Tsunono, alimiou go riteiam u pas teka ba man hahatoulana hoboto te tatei hengoe ren.

1 Tesalonaika 5:27 ပူးပေါင်းရင်းမြစ်များ

Matiu 26:63

Kaba e Iesu e kakamoto ba nitöa raien. Ba tsunono e ranga lelna i tanen me poeiena, “Alia e rangate gia lö i matana e Sunahan, alö go hatei ramei lam, alö e Mesaia, a Pien Tson tere Sunahan?”

U Bulungana u Niga tere Iesu Kristo te kolotein e Mak 5:7

Ba nonei e ku hapanina me poeiena, “O Iesu, a Pien Tson tere Sunahan Iasa Koru, alö e katsin he mi lia? Alia e singo hataatagi koru gia i tamölö i matana e Sunahan, alö goma hahune ii lia.”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 19:13

Ba palair u Jiu e torohanan kato haser a mar toukui teka me poeier a solona e Iesu a Tsunono tegi hakoul meraien u liliahanei u omi turu katuun. Na nori a man töa i roron ranga u teka, “Alia e ranga hatagala koru megou lö tara solona e Iesu te roron ranga nena e Pol, koul ban!”

Kolosi 4:16

I murina te harit namia limiou u pas teka, ba limiou tena rit has bera mien u katuun u kristenira i Laodisia. Ba limiou te harit has namou u pas te la nama romana i Laodisia.

1 Tesalonaika 2:11

Alam u ranga meraiou limiou temar ranga mena nei a katuun a galapien i tanen. Alam u tahul raiou limiou a man tötöa na lam u ranga hatagala gono meraiou limiou tego kato mena milimiou a markato te kato hasasaalena e Sunahan. Taraha, nonei e ngö ranou limiou tara Nipepeito i tanen ba limiou te tatei atei silemiou a nitsunono pan i tanen.

2 Tesalonaika 3:14

Te raman hengo nena ta töa i tamilimiou u raranga i tamulam turu pas teka, balimiou te tara kap haniga namen bate ka halhal ba namen, ba nonei te matsingolo mena a markato i tanen.

1 Timoti 1:18

O Timoti a pien i tar, alia e hale gilö u raranga u tagala teka. E matsköna turu raranga tere Sunahan te ranga sil menaien lö i manasa. U raranga teka e tatei kato hatagale noulö balö te tagala silem a Tsunono, balö tena tatei hiatatung haniga gono meramou u pakö tere Kristo.

1 Timoti 1:3

Tara pöata tu la uu lia tara provins i Masedonia, alia u ngili alö go kakaia tara taun i Epesis, ba lö te hapiou rem a palair u katunura i Epesis te hihatuts ner u raranga u gamo.

1 Timoti 5:21

Alia e hala hatagale goi lö u raranga teka i matana e Sunahan na i matana e Iesu Kristo na i matar u angelo u göagono. Alö go hengo hanigei u raranga teka batema kato homie mi a tana katuun. Alö go markato merai u katuun hoboto iesana.

1 Timoti 5:7

Hatagali u raranga teka turu amoaba bu katuun tema tatei ranga sil rarien.

1 Timoti 6:13

Alö go pile hakarapotein u raranga tere Sunahan batema kamenei tu korkoriana e antunana tena la pouts nama romana e Iesu Kristo te ranga hanigein u raranga u mana i matana e Pontias Pailat. Alö go hengo hanigei u raranga tere Sunahan, ba u katuun tema tatei ranga homi naroi lö. Alö go markato uu teka e antunana tara pöata te butu pouts nama romana e Iesu Kristo a Tsunono i tarara.

1 Timoti 6:17

Hateir u katuun te ka mer a mamanaka a para i romana gima solose ii a peisaren. Nori gima hasolaia tara moni tuun te antunan taia boroborona. E möa. Nori gi hasolaia tere Sunahan a tatangana koru te hala raneira a mamanaka te kato hasasaala ranoura.

2 Timoti 4:1

U mana koru alia e ranga hatagala koru me gialö i matana e Sunahan na e Iesu Kristo temi ona rarouen u katuun hoboto te töatöar na ti mate hakapa, ba nonei te hatakeie nou a Nipepeito i tanen.

Hibru 3:1

A matsi hahatoulana, e Sunahan e ngö sil railimiou tego katuun uaiam limiou i tanen. Na limiou go hakats naiam e Iesu. E Sunahan e hala sile mei e Iesu tegomi aposol uen turu lotu i tarara na tegomi tsunono pan meraien u pris turu lotu i tarara.