1 Tesalonaika 5:21 - U Bulunagana U Niga

²¹ Alimiou go areneiam a mamanaka hoboto, bate haka hanigemiou a manka te nigana.

1 Tesalonaika 5:21 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 12:57

Be Iesu e poeiena, “E hana ba limiou tema ona peisemi a ka te matsköna?

U Bulungana u Niga tere Iesu Kristo te kolotein e Jon 15:4

Alimiou go ka gono memou lia ba lia te ka gono has mera goulimiou. A hikalan ema antunan hua pepeisa nei. Nonei ega rokoto noa hasia i tuenreina u ruei bate töan huana. Na e markato has uana iesana i tamilimiou. Alimiou ema antunan katoemi ta markato ta niga tegoma ka gono mena milimiou alia.

U Bulungana u Niga tere Iesu Kristo te kolotein e Jon 8:31

Be Iesu e poeiena turu Jiu ti hamanaia i tanen, “Esi te kukute nitöa nanou u hihatuts i tar, nonei a katunun tsitsilo hamana i tar.

Aposol 11:23

Pöata tena tukuien, ba nonei e tarena a nihitaguhu tere Sunahan e ka gono meraien, ba nonei e sasaalana. Na nonei e kato hatagali u hakats turu katuun hoboto tegi hatagala menaien a toriren bate hamana nitöa uaier tere Sunahan.

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

Aposol 17:11

U Jiu teka ima here rai u Jiu ra i Tesalonaika. U Jiu ra i Beria i hakats halesala koru, kaba u Jiu ra i Tesalonaika i hapiou ni u raranga u tsimus. U Jiu ra i Beria i hengo hanigei u raranga tere Pol, na turu mamana u lan nori i taratara ia turu Buku u Göagono bate sakier tego mana uu raranga teka.

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

U pas te koloto menai e Pol turu kristenira i Rom 12:9

Alimiou go hiangilngil hamana iam ba tema gamo mi. Rama naiam a ka te omina bate pile kap namiou a ka te nigana.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

1 Korin 2:11

Esi i gusuna u katuun te atei silena temar hakats uana a katuun? U namnamei peisa lasi tara katuun te atei silena u hakats i tanen. Na e markato has uana iesana tere Sunahan. U Namnamei peisa has tere Sunahan te atei silena u hakats tere Sunahan.

Galesia 6:10

Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

Epesis 5:10

Na limiou go torohanan atei sileiam a ka te haniga korue nou a Tsunono.

Pilipai 1:10

Ba limiou te tatei ngile miou a ka te niga bala koruna. Bate tatei na gogosomiou romana batema ka memi ta markato ta omi tara pöata te butu nama romana u Lan u Kapan tere Kristo.

Pilipai 3:16

Na ragi pile hakarapotein a markato a niga ti lu hakapa mamira.

Pilipai 4:8

Na töa patu a ka, a man hahatoulana. Alimiou go hakats nitöa neiam a manka a man mana, na manka a man niga, na manka te matsköna, na manka te gogosona, na manka te hanigeier u katuun. Alimiou go hakats siliam a mamanaka te tatei ranga haniga ner u katuun.

1 Tesalonaika 5:15

Ma hiapalpalis nami a markato a omi. E möa. Alimiou go kato hanigan töa raiam a man hahatoulana i tamilimiou te hamana ria tere Kristo, na u katuun hoboto.

1 Tesalonaika 5:22

Na limiou go hatalis ba naiam a manka man omi hoboto.

2 Tesalonaika 2:15

E markato uana teka a matsi hahatoulana, ba limiou te kato sil noe mou u ranga hamana ti hatuts rai lam alimiou na ti hengoe mialimiou i rungumulam na turu pas has.

2 Timoti 1:15

Alö e atei silem u katuun hoboto tara provins i Eisia i la ba naiou lia, na e Pitselas mere Hemotsenis has.

2 Timoti 3:6

A palai ena hohou kapiena rariou a man munmun tahol bate angöngoso mera roi a touhaliou u tutu u hihatuts u omi i taren. A touhaliou teka e saputu koru mer a man markato a man omi bate kukutier u mamana u ngilngil u omi i taren.

2 Timoti 4:14

E Aleksenda, a katuun te kukuieiena a aien, e kato homi koruia i tar. A Tsunono e hahune noen e antunana tara man markato a man omi te kateien.

Hibru 10:23

Aragi pile hakarapotein a ka a niga te hamana sile rara bate hatei rari u katuun, taraha ara e atei silera e Sunahan e kato hamane nou romana u raranga u mana i tanen.

1 Jon 4:1

A man hahikapien, alimiou goma hengoemi u raranga turu katuun hoboto te poeier nori e ka mer u Namnamei tere Sunahan. Alimiou go tara haniga ramen tego haranga meraien e Sunahan. Taraha, a parpara koru a propet a gamogamo te ka ria tara mamana han hoboto.

Revelesin 2:2

Alia e atei silegu a manka te katoe milimiou. Alimiou e roron kui hahalongolo tuun las miou batema hapolase mi a nikukui a niga i tamilimiou. Alia e atei sil hasegu alimiou ema ngil koru rami u katuun u omi. Alimiou u torohana hakapa raiam u katuun te poeier nori u aposol kaba nori ema aposol hamanari, ba limiou te sabe tale miou nori e gamor.

Revelesin 2:25

Kaba alimiou go pile hakarapoto naiam u nihamana na markato a niga te ka memi limiou e antunana tena kopis pouts guma lia romana.

Revelesin 3:11

Alia e la boroboro guma romana, pile hakarapoto naiam a manka te ka memi limiou. U katuun u omi e namots luba rari limiou a manka a man niga te ngilin hala nena e Sunahan.

Revelesin 3:3

Hakats kap tala naiam a manka ti hatuts rai limiou na u raranga tu hengoe iam limiou. Kukute iam bate tori tsuga namiou a man markato a man omi i tamilimiou. Esi tema tagule nou ii, alia ena la hasingoto here guma romana a kopkop ba limiou tema atei sile moi a saha mar pöata tena la guma lia romana.