1 Tesalonaika 5:13 - U Bulunagana U Niga

¹³ Hakats haniga raiam bate ngil koru ramen taraha, nori e taguhu rariou limiou. Na limiou go kaka haniga hobotoiam.

1 Tesalonaika 5:13 ပူးပေါင်းရင်းမြစ်များ

Matiu 10:40

E Iesu e ranga lel me poeiena, “A katuun te nigana i tamilimiou e niga hasna i tar. Na katuun te nigana i tar, nonei e niga hasna tere Tamar te hale moulia.

U Bulungana u Niga tere Iesu Kristo te kolotein e Mak 9:50

U sol u ka u niga. Kaba te taia ba nena u sol a nitatasena i tanen, ba lö temar kato hatatasena pouts mena moien ime? E möa. Na limiou go here hasemi u sol ba limiou te hiakaka haniga hobotomiou.”

U Bulungana u Niga tere Iesu Kristo te kolotein e Jon 15:17

Na lia e hatei ragi limiou u raranga teka ba limiou te hia ngilngil miou.”

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

Galesia 4:14

Na siki i tar e habutu hasi a nitiama i tamilimiou, kaba limiou ima taratara pukue milia. Alimiou u mar tarakap mena milia tego mar tarakap mena milimiou a angelo tere Sunahan, na e Iesu Kristo has.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Galesia 6:6

A katuun te hengoena u hihatuts turu raranga tere Sunahan e tatei hala nena a palaina a manka man niga i tanen tara tson hihatuts i tanen.

Epesis 4:3

Alimiou go torohana hatagala iam tego pile kap hoboto mena milimiou u töa u hakats te hala nema u Namnamei tere Sunahan, ba limiou te ka haniga hobotomiou.

Kolosi 3:15

Na a masalohana tere Kristo ega mammam nitöani a nitöatöa i tamilimiou. E Sunahan e ngö gögono hoboto raiou limiou tego kato menai limiou a töa a katuun bate hiakaka haniga hoboto miou. Ba limiou te haniga nitöa uamiou i tanen.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

2 Tesalonaika 3:16

A Tsunono noahas, nonei a mouna a masalohana, e tatei hamasalohana ranou limiou tara mamana pöata na tara mamana markato. A Tsunono e tatei ka gono mera noulimiou hoboto.

2 Timoti 2:22

Alö go tori tsugani a mamanaka te habutena u ngilngil u omi te roron kamer u hitots, ba lö te tagala silem a markato te hamana uaria tere Sunahan bate matskö has mia i matanen. Alö go ngil noa hasir u katuun bate ka haniga gono mera men. Alia e hala menagi u raranga teka i tamölö na turu katuun hoboto a toriren te gogosona, bate singo siler a Tsunono ega taguhu raien.

Hibru 12:14

Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

Jemis 3:18

A katuun te roron nolo pouts rena a palai te hiaraharahar e kato uana tara katuun te lebeiena a kannou bate lue nou a hua i tanen i murimuri. Taraha, nonei a katuun teka e nolo pouts rena u katuun bate nigana i matana e Sunahan, na nonei e taguhu rena a palai ba nori te kato has uar iesana.