1 Tesalonaika 5:12 - U Bulunagana U Niga

¹² Kaba lam e hatei ramou limiou a matsi hahatoulana, hapan raiam a pal kapan i tamilimiou. A Tsunono e hopö kap raien tegi hatuts meraien limiou na tegi haröto meraien limiou a maroro a niga.

1 Tesalonaika 5:12 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 10:7

Alimiou go ka nitöa mia tara töa luma batema hula la uami tara man taina man luma. Alimiou e tatei noue miou ne tatei ue miou a man saha manka te tatei hala naren. Taraha? A katunun kui egi halei a hihol i tanen.

U Bulungana u Niga tere Iesu Kristo te kolotein e Jon 4:38

Alia e tula sil ragou ii limiou tegona gono mera mumei limiou u katuun te katsin hamana uar i tar. A palair u katuun i hala mam raien u raranga tere Sunahan, na limiou ena kato halesalemou u raranga tere Sunahan ba nori te tatei hamana hanigar.”

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Aposol 20:35

Tara mamana toukui i tar, alia u haröto railimiou tegi mar kui hatagala uu ra teka, bara te tatei taguhu raier u katuun u pinolasa. Aragi hakatsin u raranga te kato e Iesu a Tsunono me poeiena, ‘A nisasaala tara katuun te hala nena a manka tara tana katuun e pan bala nena a nisasaala tara katuun te luna tara tana katuun.’”

U pas te koloto menai e Pol turu kristenira i Rom 16:12

Na lia e haniga has uagu tere Traipina mere Traiposa, te kukui ber a Tsunono, na tere Pesis a tsomi i tar te kui hapara koru has bei a Tsunono.

U pas te koloto menai e Pol turu kristenira i Rom 16:6

A niniganiga has i tar tere Maria, te kui hatagalaia i gusumilimiou.

1 Korin 12:28

Na e Sunahan e halani a mamana mar toukui tara man tötöa tara hun katuun i tanen. Tara makum tutuun nonei e hatuolir u aposol, na tara hahuoluna a makum nonei e hatuolir u propet, na tara a hatopisana makum nonei e hatuolir u tson hihatuts, na pala te antunan katoner u mirakol, na u katuun te antunan kato haniga pouts raier u katuun, na u katuun te taguhu raier a palai, na niatei na tara toukui na tara tson mammam, na tai te antunan ranga nena u mamana u mar ranga.

1 Korin 15:10

Kaba tara nihitaguhu tere Sunahan ba lia temar butu uagu teka, na nikalala i tanen ema la pukpuku nei. Alia e kui hatagala bala regu a palair u aposol hoboto, kaba ema lia nei. E Sunahan te ka gono menou lia.

1 Korin 16:16

Alia e ranga hatagala meragou limiou go kui gono meraiam u mar katuun teka na palai hasir u katuun te kui gono mera ren.

1 Korin 16:18

Nori i kato hatagali a torir na torimilimiou has. Alimiou go tara marei raiam u mar katuun teka.

1 Korin 3:9

Alam u katunun kui hoboto tere Sunahan. Alimiou a kui i tanen na luma has i tanen.

2 Korin 11:23

Nori u katunun kui tere Kristo? Bara, alia e ranga heregi a katuun a tutu. Ga lia a katunun kui te niga bala ragen. Tara, alia u kui hatagala bala raien na lia u ka haparaia tara karabus. Alia i singateiou a para pöata, na u roron mate karasa has.

2 Korin 5:9

Kaba noahasina te ka mia lam tara han i puta teka tsi tara han iasa, alam e torohana hatagala sil noa hasem tego kato hasasaala mei a Tsunono.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

Galesia 4:11

Alia e toku koru meg a man toukui ti kato berai lia limiou ena mots la pinopinona.

Pilipai 2:16

Hala rami u rarangana tara nitöatöa. Te markato uamou limiou teka, ba lia te haniga koru ragou limiou turu Lan Pan tere Kristo. Taraha, nonei a manka teka e haröto nanou alia uma kui hatagala papalai.

Pilipai 2:19

Te haniga noa e Iesu a Tsunono, ba lia te hala boroboro nagou e Timoti i tamilimiou, ba nonei te tatei söata pouts mena mei romana tu raranga i tar bate kato hagigahena a torir.

Kolosi 1:29

Nonei te sioung sila gialia bate kui hatagala koru megu a nitagala i tanen te kana i tar bate las hatagala korue noulia.

1 Tesalonaika 2:9

A matsi hahatoulana, hakats kap naiam alam i kuin moni hatagala koru mei a lan na bong. Alam uma ngilin hala railimiou ta nitiama tara pöata tu habulungana nailam u Bulungana U Niga tere Kristo i tamilimiou.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

1 Timoti 5:1

Alö goma ranga sisi nai a katuun te tsonpan nenou lö. E möa. Alö go ranga hatami ia i tanen temar ranga mena milö e tamamölö. Na lö go kato rai a man hitots a man hahatoulana i tamölö.

1 Timoti 5:20

Kaba te kato homi noahasina a töa katuun, ba lö te ranga hapiou namen i matar u katuun hoboto, ba nori te tatei matoutur.

2 Timoti 2:6

A katuun te kui hatagalana tara kui i tanen e tatei lu benei a peisanen a hua tutuun tara toukui i tanen.

Taitus 1:3

Na tara pöata te hopö kap noahas naien, nonei e haröto halesalein u raranga i tanen tego habulungana menaien lia. E Sunahan te lu pouts raioura, nonei noahas te hale meilia a toukui teka.

Taitus 1:5

Alia u laba sil memeilö i Krit tego kato hakapa noa bumemeilö a saha ka tima kato hakapa noe mei turu tson mamamura i Krit. Na lö go lui ta katuun tega mammamir u katuun te hamana uaier tere Iesu Kristo, tara man tötöa man taun i Krit ti mar ranga noahas mena meilia alö.

Taitus 2:15

Nonei teka a manka tego hihatutsinilö. Ranga mei a nitagala tara nitsunono i tamölö bate hala nem u rangan hitaguhu turu katuun te hengoe riou lö. Möa tu kato taka tegi tatei raharaha meilö u katuun. Ta katuun e namots sigale noulö.

Hibru 13:17

Hengo haniga raiam u tsunono i tamilimiou, bate kukute miou u raranga i taren. Taraha, nori e tara kapin toa rariou limiou. Te hengo ramouen limiou, ba nori te sasaala meriou a toukui i taren. Kaba te möa nouen, ba toriren te tiama nou, ba ka teka tema taguhu ranoui limiou.

Hibru 13:7

Hakats sil raiam u tsunono i tamilimiou, nori ti hatei mam railimiou u raranga tere Sunahan. Hakats kap naiam a manka man niga te butuma tara markato a niga i taren, ba limiou te hamana mia tere Sunahan timar hamana has uaien.

Revelesin 1:20

Na nonei teka temar mouna uana a tohit a pitopito te tare mula lö tara pal matou i limar, na temar mouna has uana u tohit u lam u goul: na tohit a pitopito nori u tson pepeito kap tara tohit a hun katuun tere Kristo, na u tohit u lam nori a tohit a hun katuun teka.”

Revelesin 2:12

Nonei a katuun e pei hasi, “Alö go koloto menai u raranga teka tara angelo tara hun katuun tere Kristo te ka ria i Pegamum: “U raranga teka nonei u ranga tara katuun te ka mena u kilatan hiatatung te nou hihapalana.

Revelesin 2:18

Na nonei a katuun tu tari lia e pei hasi, “Alö go koloto menai u raranga teka tara angelo tara hun katuun tere Kristo te ka ria i Taiataira: “Nonei u raranga teka tara Pien Tson tere Sunahan, a matanen te here nei u tula te kulupuna, na pitapitana mounen te kankanaha here nei a bras ti turun hagogosi.

Revelesin 2:3

Alia e atei sil hasegu alimiou e sagohe miou a kamits bate tuol hakakamoto sile miou te hamana uamia limiou i tar. Kaba limiou e tagala sil noa hase moulia batema karous mi.

Revelesin 2:8

Ba nonei a katuun e ranga lenina me poeiena, “Alö go koloto menai u raranga teka tara angelo tara hun katuun tere Kristo te ka ria i Smeena: “U raranga teka u raranga tara katuun te ngöeri a Hahatania na ni Kapakapa, te mate me töatöa poutsuna.

Revelesin 3:1

Nonei a katuun e ranga lel me poeiena, “Alö go koloto menai u raranga teka tara angelo tara hun katuun tere Kristo te ka ria i Saadis: “U ranga teka nonei u raranga tara katuun te ka mena u tohit u namnamei tere Sunahan na tohit a pitopito. “Alia e atei silegu a manka te katoe milimiou. Na lia e atei sil hasegu alimiou e hererami u katuun u mate, noahasina te pei menari u katuun, alimiou e töatöa miou.

Revelesin 3:14

Nonei a katuun e hakapi u ranga me poeiena, “Alö go koloto menai u raranga teka tara angelo tara hun katuun tere Kristo te ka ria i Laodisia: “U ranga teka nonei u raranga tara katuun te ngöeri ‘U Mana,’ nonei te haröto hamana nena u raranga tere Sunahan. Na nonei a mouna a mamanaka hoboto te habuti e Sunahan.

Revelesin 3:7

Na nonei a katuun tu tari lia e pei hasi, “Alö go koloto menai u raranga teka tara angelo tara hun katuun tere Kristo te ka ria i Piladelpia: “U ranga teka nonei u raranga tara katuun te göagonona na te manana na te pile nena a nitsunono tere Devit. A ka te kalate nen, e möa tegi tatei hapili menaien. Na ka te hapilie nen, e möa tegi tatei kalata menaien.