1 Tesalonaika 4:6 - U Bulunagana U Niga

⁶ Alimiou goma kato homi uami teka bate kato homie miou a tana katuun. E möa. Alam u hatei hakapa railimiou, a Tsunono e hahuna rena romana u katuun te markato uar teka.

1 Tesalonaika 4:6 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 10:19

Alö e atei silem u Maloto u Raranga tere Sunahan. E markato uana teka: ‘Alimiou goma hihipulimi. Na egoma tsikolomi. Na egoma kopkopmi. Na egoma gamogamomi. Na egoma gamo nami a manka tara tana katuun bate luemen. Hapaneiam e tamamilimiou na e tsinamilimiou.’”

U Bulungana u Niga tere Iesu Kristo te kolotein e Luk 12:5

Alia e hatei ragi limiou esi tego matouteiam limiou: alimiou go matouteiam e Sunahan. Taraha? Nonei e antunan kato hamatiena u tuenrei, na nonei e ka has mena a nitagala tego lapo ba meraien u katuun i hel! Aa, alia e ranga mera goulimiou, nonei tego matouteiam limiou!

U pas te koloto menai e Pol turu kristenira i Rom 1:18

E Sunahan i Kolö e haröto nena nonei e raharaha rena u katuun hoboto te kato homir, u katuun te hatu kap ner u raranga u mana na man markato a man omi i taren, e Sunahan ena hahuna ranouen.

U pas te koloto menai e Pol turu kristenira i Rom 12:19

A matsomi, e möa koru tego hipou uaiam limiou. Nonei a ka peisa tere Sunahan. Taraha, i koloto naia turu Buku u Göagono te pei menai e Sunahan, “Alia te hipou gou. Alia te palise gou a markato a omi.”

U pas te koloto menai e Pol turu kristenira i Rom 13:4

Taraha, nonei e here nei a katunun kui tere Sunahan bate ka silena tego taguhu menaien lö. Kaba te kato homi mialö, balö te tatei matoute men, taraha nonei e ka mena a nitagala tego hahuna menaien a katuun. Nonei a katunun kui tere Sunahan na nonei e hahuna rena u katuun te kato homir bate kato haraharaher e Sunahan.

2 Korin 7:11

Tara, a nitaatagi te halani e Sunahan e kato haniga raiou limiou: alimiou e hakats hatagala tala namiou a markato i tamilimiou. Alimiou e tagala koru silemiou tego haröto mena milimiou a markato a niga. Alimiou e raharaha memiou a markato a omi bate matoutmiou. Alimiou e sagoho koruemiou a manka teka bate tagala silemiou a markato a niga. Na limiou e ngilin hahuna koruemiou a katuun te kato homina.

Galesia 5:21

Nori e hakats homi rer a palaier u katuun na nori e spakir bate hirata homir, bate katoeier a mamana markato a omi te markato uana teka. A man markato teka nonei a man markato turu ngilngilina i puta. Alia u hatei mam raiou limiou i manasa na lia e hatei lel pon ragou limiou i romana: u katuun te markato uaier teka ema antunan tasu roi tara Nipepeito tere Sunahan.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

Epesis 4:28

A katuun a kopkop ega hanöa ban a tou kop bate tanian kuina. Nonei ega kuin a limanen peisa, ba nonei te ka menou a mamanaka bate taguhu hasena a katuun te moana ta ka.

Epesis 5:6

Hanei sileiam tego gamo merai ta katuun alimiou u ranga pinopino. Nonei a mamanaka teka te kato haraharahena e Sunahan, be Sunahan te hahuna ranou u mar katuun temar hipus uaier teka.

1 Tesalonaika 2:11

Alam u ranga meraiou limiou temar ranga mena nei a katuun a galapien i tanen. Alam u tahul raiou limiou a man tötöa na lam u ranga hatagala gono meraiou limiou tego kato mena milimiou a markato te kato hasasaalena e Sunahan. Taraha, nonei e ngö ranou limiou tara Nipepeito i tanen ba limiou te tatei atei silemiou a nitsunono pan i tanen.

2 Tesalonaika 1:8

Ba nonei temi hahuna ranou romana u katuun tema atei sileri e Sunahan na nori has te hipus ner u Bulungana u Niga tere Iesu Kristo a Tsunono i tarara.

Hibru 13:4

Alimiou hoboto ego hagöagoneiam a markatona tara hitöl bate hiahamhamana namiou a peisa milimiou. A tson na tahol egima sake lel lanai ta taina ta tahol tsi ta taina ta tson gi soho gono meien. Taraha e Sunahan e hahunei nou a tson na tahol temar kato uaier teka.

Hibru 2:6

Tara töa makum iahana u Buku u Göagono e poeiena: “O Sunahan, u katuun u ha nori koru ba lö te hakats ramen bate tara kap ramen? Nori a manka pinopino koru lasi.

Jemis 2:6

Kaba alimiou e sigala ramiou u katuun papala. U tson moni nori te pitaputa rariou limiou bate kout rariou limiou.

Jemis 5:4

Alimiou u gamo has raiam u katuun ti kui ia i kui i tamilimiou bate peits namiou a hihol i taren. Hengoiam! Nori e raharahar bate kur, ba Tsunono turu ami ri Kolö te hengo ranen.