1 Tesalonaika 4:17 - U Bulunagana U Niga

¹⁷ Na i murinen, ara te töatöa noa ria i puta e la sei gono mera rouen romana turu köasi, ba ra tena hia sabe sabe hoboto gono mera a Tsunono iasa. Ba ra tena ka nitöa gono mera romana a Tsunono.

1 Tesalonaika 4:17 ပူးပေါင်းရင်းမြစ်များ

Matiu 26:64

Be Iesu e poeiena i tanen, “Alö peisa has te ranga namen. Na lia e hatei ragou limiou, i murina a pöata teka ba limiou te tare mou Lia tu butun Katunuma e gum goa tara pal matou tere Sunahan te tagala koruna, ba lia te la sila guma romana turu köasi i kolö.”

U Bulungana u Niga tere Iesu Kristo te kolotein e Mak 14:62

Be Iesu e poeiena, “Nonei alia. Alimiou e tare mou romana Alia tu butun Katunuma e gum goua tara pal matou tere Sunahan te tagala koruna, ba lia te osa guma romana turu köasi na i kolö.”

U Bulungana u Niga tere Iesu Kristo te kolotein e Jon 12:26

A katuun te ngilin kato nena a toukui i tar ega kukutie iou lia. Na katuun te katoena a toukui i tar ena ka noua tena ka has goua lia, e Tamar te kato hapane nouen.”

U Bulungana u Niga tere Iesu Kristo te kolotein e Jon 14:3

Alia e la silegu tegona hamatskö mam menai a man makum i tamilimiou, ba lia tena la pouts guma romana batemi lu ragou limiou bara tena ka gono ria tara makum tena ka goua lia.

U Bulungana u Niga tere Iesu Kristo te kolotein e Jon 17:24

“O Tamagulia, alö u hala rema u katuun teka i tar, na lia e ngilegu nori egina ka gono meiou lia tara makum tena ka goua lia. Ba nori tena tare riou a nikapan i tar, a nikapan tu hale mei lö alia, taraha alö u ngil korueiou lia i mam te butuia a han i puta.

Aposol 1:9

E Iesu e ranga hakapa lasi ba nonei te lu sei menari i kolö i matar u aposol. U köasi e hamous kap naien ba nori ema tara lele rien.

Aposol 8:39

Pöata ti la sei pouts men tara ramun, ba u Namnamei tara Tsunono e luba pouts nena e Pilip me la menen. A malapei ema tara lele ii e Pilip, kaba nonei e sasaala koru noahas, be la uana te la uaien.

1 Korin 15:52

Ara e palis boroboro tuun here rei romana te mitskaloho uana u mata, tara pöata te pihun nönöana romana a tuhil. Aa, a tuhil e lingina romana, ba u katuun ti mate te lu berari u tuenrei tema tatei tia nei i kolö na ra has u katuun tema mate noa rei e palis has riou nonei tara pöata.

2 Korin 5:8

Aa, alam e ongolo korum ne niga bala nena alam go haka ban u tuenrei i tamulam batena ka gono mem a Tsunono tara han i tanen.

Pilipai 1:23

Alia e hula hakats negu a ka teka. Alia e ngil koruegu tegona ka gono menai e Kristo, te niga balana.

1 Tesalonaika 3:13

Taraha, a Tsunono e ngilena a torimilimiou ega gogoso nega matsköia i matana e Tamarara e Sunahan, tara pöata tena la pouts nama romana a Tsunono i tarara e Iesu na u katuun hoboto i tanen.

1 Tesalonaika 4:15

Alam e hatei rami limiou u raranga teka tara Tsunono: ara u katuun te töatöa noa rou tara pöata te la pouts nama romana a Tsunono, ara ema mam narei romana u katuun ti mate mam. E möa.

1 Tesalonaika 4:18

E kato uana teka, ba limiou te hatei rami a palai u raranga teka bate hatagala ramen.

1 Tesalonaika 5:10

Nonei e mate sil tegi ka nitöa gono menaien ra, noahasina te töatöa noa roa ra tsi te mate hakapa mam rouara tara pöata te la pouts namen romana.

2 Pita 3:13

Kaba ara e hahalosera u kolö na u puta u tsimus te ranga hamanein e Sunahan, a han te ka noua romana a markato a matskö peisa.

Revelesin 1:7

Taraiam! Nonei e la gono me nama u köasi. U katuun hoboto e tare rouen, na u katuun has ti sakeien u saka. A man hun katuun hobotora i puta e hakats narouen bate tonur. Aa, u mana.

Revelesin 11:12

Ba huol a katuun te hengoer romana u raranga panina i Kolö bate poeiena i taren, “La sei uamuma teka!” Ba nori te la sei uaier romana i Kolö turu köasi, ba u pakö i taren te tara raren.

Revelesin 12:5

Ba tahol e poseiena a pien tson, ba nori e lu borobore ren me la menarien iasa tere Sunahan te gum na turu gumgum u göagono i tanen. Nonei a pien teka te tsunono hatagala ranou u han hoboto.