1 Tesalonaika 4:14 - U Bulunagana U Niga

¹⁴ Ara e hamanera e Iesu e mate me takei poutsuna. Na ra e hamana hasera, a pöata te la pouts nama romana e Iesu be Sunahan te peigi gono mera nameien u katuun ti mate ti hamanaia tere Iesu.

1 Tesalonaika 4:14 ပူးပေါင်းရင်းမြစ်များ

Matiu 24:31

Ba lia te pihegu a tuhil bate ling hapanina, ba u angelo i tar te la uar turu han hoboto i puta, ba nori te gono rarima u katuun te hopö kapir e Sunahan.”

U pas te koloto menai e Pol turu kristenira i Rom 14:9

Taraha, e Kristo e mate me töatöa pouts silena tego Tsunono uen turu katuun te töatöar na turu katuun ti mate.

U pas te koloto menai e Pol turu kristenira i Rom 8:11

E Sunahan e hatakei poutsi e Iesu Kristo tara tou mate i tanen. Na te kana u Namnamei tere Sunahan i tamilimiou, nonei e kato hatöatöa pouts hase nou a tuenrei milimiou te matena.

1 Tesalonaika 3:13

Taraha, a Tsunono e ngilena a torimilimiou ega gogoso nega matsköia i matana e Tamarara e Sunahan, tara pöata tena la pouts nama romana a Tsunono i tarara e Iesu na u katuun hoboto i tanen.

1 Tesalonaika 4:13

A matsi hahatoulana, alam e hatei has rami limiou u katuun ti mate ti hamanaia tere Iesu. Alimiou goma tabe sil koru ramien te kato uaier a pala te hahamanar. A pala teka ema hamaneri tegina ka haniga hoboto gono menaien e Sunahan i murina a tou mate i taren.

1 Tesalonaika 4:17

Na i murinen, ara te töatöa noa ria i puta e la sei gono mera rouen romana turu köasi, ba ra tena hia sabe sabe hoboto gono mera a Tsunono iasa. Ba ra tena ka nitöa gono mera romana a Tsunono.

2 Tesalonaika 2:1

A matsi hahatoulana, alam e hatei rami limiou a pöata te la pouts nama romana e Iesu Kristo a Tsunono i tarara na pöata te gono hoboto roua ra tegi tara menaien ra.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

Revelesin 14:13

Ba lia e hengoegu u töa u raranga i Kolö bate poeiena i tar, “Alö go kolotein a ka teka: Sasaala iam u katuun tara Tsunono tena mate riou te taniana i romana bate la lasina!” Ba u Namnamei tere Sunahan e poeiena, “U mana koru! Nori e husa roua tara toukui i taren. Na markato a niga ti katoeien e la gono has merouen.”