1 Tesalonaika 4:13 - U Bulunagana U Niga

¹³ A matsi hahatoulana, alam e hatei has rami limiou u katuun ti mate ti hamanaia tere Iesu. Alimiou goma tabe sil koru ramien te kato uaier a pala te hahamanar. A pala teka ema hamaneri tegina ka haniga hoboto gono menaien e Sunahan i murina a tou mate i taren.

1 Tesalonaika 4:13 ပူးပေါင်းရင်းမြစ်များ

Matiu 27:52

Bu kioun mate e takalata hobotor, ba para a katuun tere Sunahan ti mate e taker me töatöa poutsur.

U Bulungana u Niga tere Iesu Kristo te kolotein e Jon 11:24

Be Marta e poeiena i tanen, “Alia e atei silegu nonei e takei pouts noa romana tara tou mate i tanen tara kapakapana pöata, tara pöata te hatakei pouts rena romana e Sunahan u mate hoboto.”

Aposol 13:36

“U ranga teka ema hatei nanei e Devit. Taraha, i murina te katoeia e Devit u ngil tere Sunahan tara pöata i tanen, ba nonei e töan matena ba nori e kaho narien ti kaho raia u tubunen, ba nonei e koremena.

Aposol 7:60

Ba nonei e hatukununa me ku hapan koruna me poeiena, “O Tsunono, moa tu palisi a markato a omi te katoeren teka!” E Stiven e mar ranga uu teka me matena.

Aposol 8:2

A pal katuun ti hamana hatagala koru ti kahoein e Stiven, ba nori e tabe hapan koru mer a nitaatagi tere Stiven.

U pas te koloto menai e Pol turu kristenira i Rom 1:13

A matsi hahatoulana alia e hatei ragou limiou, tara para a pöata alia u ngil korui tegona tara merai limiou, kaba a nilala i tar ema mala manai. Alia e ngilegu u katuun i gusumilimiou egi hamani u raranga i tar, ti mar hamana has uu a palair u katuun tema Jiu ri.

1 Korin 10:1

A matsi hahatoulana, alimiou goma solopalemi a ka te butuia turu tuburara i manasa. U köasi tere Sunahan e kopo kap hoboto raien, na nori hoboto i tataala aroho silaia i gusuna u Tasi u Rörö.

1 Korin 12:1

A matsi hahatoulana, alia e ngilegu alimiou go atei sileiam a man nitagala te hala nena u Namnamei u Göagono turu katuun.

1 Korin 15:6

Nonei e butu has ia tara man hatoulana a man parpara tara töa puku a pöata, u hihase i taren e tusaluhe banena u 500 tara katuun. A pal para turu katuun teka e tötöa noar, kaba palai i mate hakapa.

2 Korin 1:8

A matsi hatoulana, alam e ngilem alimiou go atei sileiam a nomi te butuia i tamulam tara provins i Eisia. Alam u söata a kamits a kapan koru, te tagala balein a nitagala i tamulam, ba lam e katsin mate hakapam.

Epesis 2:12

Alimiou go hakats pouts naiam nonei tara pöata alimiou u ka halhal ba naiam e Kristo. Alimiou tu ka halehana ba naiam u katuun tere Sunahan. A man rangan hiahanhaniga te kits gono meraien u Jiu ema la uai i tamilimiou. Alimiou u möa ta Sunahan tara han i puta teka, batema ka memi ta ka tego hamana sileiam limiou.

Epesis 2:3

Ara hoboto i markato uu ti kato uaien. Ara i kukute u ngilngil peisa i tarara i puta, bate kato uara turu ngilngil turu tuenrei na turu hakats i tarara. E Sunahan e raharaha raioura na u katuun hoboto, taraha a markato a omi e takui ia i tarara.

1 Tesalonaika 4:14

Ara e hamanera e Iesu e mate me takei poutsuna. Na ra e hamana hasera, a pöata te la pouts nama romana e Iesu be Sunahan te peigi gono mera nameien u katuun ti mate ti hamanaia tere Iesu.

1 Tesalonaika 4:15

Alam e hatei rami limiou u raranga teka tara Tsunono: ara u katuun te töatöa noa rou tara pöata te la pouts nama romana a Tsunono, ara ema mam narei romana u katuun ti mate mam. E möa.

1 Tesalonaika 5:10

Nonei e mate sil tegi ka nitöa gono menaien ra, noahasina te töatöa noa roa ra tsi te mate hakapa mam rouara tara pöata te la pouts namen romana.

1 Tesalonaika 5:6

A katuun e roron soho mena a bong na katuun e roron spak has mena a bong. Na katuun tema atei sile nei te la nama romana u Lanin Hahuna tara Tsunono, nonei te here nei a katuun te sohona tsi a katuun te spakina. Kaba ara gima markato uai teka. E möa. Aragi here ii a katuun te kalatana bate hakats hanigana.

2 Pita 3:8

A man hahikapien i tar, alimiou go hakats kap naiam a ka teka: te tara mena nei a Tsunono a man pöata, e markato uana teka, u töa u lan e antunana turu 1,000 u hiningal, na u 1,000 u hiningal e antunana turu töa u lan.