1 Tesalonaika 4:12 - U Bulunagana U Niga

¹² E kato uana teka ba limiou tema hasola mia tara moni tara tana katuun. Te markato haniga uamou limiou teka, ba u katuun te haniga rariou limiou.

1 Tesalonaika 4:12 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 4:11

Ba nonei e ranga palis ranen me poeiena, “E Sunahan e haröto ranei limiou a ka tema hatara raien u katuun i manasa. Alimiou e atei silemiou ime temar pepeito kap uanen. Kaba u katuun tema atei sileri ime temar pepeito kap uana e Sunahan, nori e hengo las ria turu rangan haharuei tuun.

U pas te koloto menai e Pol turu kristenira i Rom 12:17

Te kato homina a katuun i tamölö, möa tu palisi. Kato sil a markato a niga te hanigeier u katuun hoboto.

U pas te koloto menai e Pol turu kristenira i Rom 13:13

Aragi kato hamatskö, te kato uaria u katuun tara lan. Aragi ma kukutiei a markato te kato homi ria u katuun tara pati na te spak uar na te tsikolo uar na te hakats homi uar na te raharaha uar na te hiomi uar. E möa.

Epesis 4:28

A katuun a kopkop ega hanöa ban a tou kop bate tanian kuina. Nonei ega kuin a limanen peisa, ba nonei te ka menou a mamanaka bate taguhu hasena a katuun te moana ta ka.

Pilipai 4:8

Na töa patu a ka, a man hahatoulana. Alimiou go hakats nitöa neiam a manka a man mana, na manka a man niga, na manka te matsköna, na manka te gogosona, na manka te hanigeier u katuun. Alimiou go hakats siliam a mamanaka te tatei ranga haniga ner u katuun.

Kolosi 4:5

Hatara naiam a markato a niga na matskö te ka gono mera milimiou u katuun tema hamanari. Hahanei sil nitöa neiam a man pöata a man niga ba limiou te hatei ramien e Iesu.

1 Tesalonaika 5:22

Na limiou go hatalis ba naiam a manka man omi hoboto.

1 Timoti 3:7

A katunun pepeito kap turu lotu ega markato uu tegi tara marei u katuun tema hamanari. Nonei e namos kurapa mena a nimatsingolo, bate tanga noa tara tanga tere Satan.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 3:1

Na tara markato hobotona tara nikaka a niga, alimiou a touhaliou ego haka pute mia a peisa milimiou tara pal tson i tamilimiou. Na sanena a palai i taren egima hamane ii u raranga tere Sunahan, nori e tatei hamana sila has ria tegi tara menaien a markato a niga i tamilimiou. Na tema katoe milimiou tu töa tu ranga i taren, a palai e tatei hamana noahasir, taraha nori e tare riou te kato mena milimiou a markato a gogoso na markato te hapan mena milimiou a Tsunono.