1 Tesalonaika 4:10 - U Bulunagana U Niga

¹⁰ Na lam e atei silem alimiou e ngil hamana ramiou a man hahatoulana hoboto i tamilimiou te hamana uaier tere Kristo te ka ria tara mamana han i Masedonia. Kaba lam e hatei noahas ramou limiou a matsi hahatoulana i tamulam, alimiou go hiangilngil pouts noahasiam, ba u ngil teka te pan susul nou.

1 Tesalonaika 4:10 ပူးပေါင်းရင်းမြစ်များ

U pas te koloto menai e Pol turu kristenira i Rom 15:26

Taraha, a hun katuun tere Kristo i Masedonia na i Gris e hala naier u moni tegina taguhu merai u katuun tere Kristo i Jerusalem ti möa ta ka.

Epesis 1:15

Nonei te haniga hiton sil bera gilia alimiou tere Sunahan. Pöata ti hengo naia lia temar hamana uami limiou tere Iesu a Tsunono, na temar ngil koru mera milimiou u katuun hoboto tere Sunahan, alia ima mala solopala railimiou tara man singo i tar na ti haniga sil merai lia alimiou tere Sunahan.

Pilipai 1:9

Na lia e singo silegu a markatona turu hiangilngil i tamilimiou ega la haniga nitöa lasi, ba niatei i tamilimiou te tatei pan susuluna, ba limiou te tatei atei silemiou a ka te nigana na a ka tema niga nei.

Kolosi 1:4

Taraha, alam i hengoen te hamana hatagalan töa uami limiou tere Iesu Kristo na te ngil koru mera milimiou u katuun hoboto tere Sunahan.

1 Tesalonaika 1:7

Alimiou u haröto naiam a markato a niga bu katuun hoboto e hamana uar tere Kristo tara provins i Masedonia na tara provins i Gris e markato haniga has uaier tu markato uaiam limiou.

1 Tesalonaika 3:12

Na lam e ngil hasem a Tsunono ega kato raiou limiou balimiou te hiangilngil hatagalamiou bate ngil hatagala has ramiou u katuun hoboto, bate kato talasina. Na lam e ngil hasem alimiou go mar ngil koru merami a palair u katuun temar ngil koru has mera milam alimiou.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

2 Tesalonaika 3:4

A Tsunono e kato hagigahi a torimulam ba lam te hamanem alimiou e hengo hanige miou u ranga i tamulam na e kato lel hasemoien romana.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita