1 Tesalonaika 2:9 - U Bulunagana U Niga

⁹ A matsi hahatoulana, hakats kap naiam alam i kuin moni hatagala koru mei a lan na bong. Alam uma ngilin hala railimiou ta nitiama tara pöata tu habulungana nailam u Bulungana U Niga tere Kristo i tamilimiou.

1 Tesalonaika 2:9 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 18:7

Ga e Sunahan ema taguhu ranoui romana u katuun hamatskö i tanen te singo nitöa uaier i tanen tara lan na bong? Nonei e taguhu boroboro koru ranouen batema antunan hahaloso nei.

U Bulungana u Niga tere Iesu Kristo te kolotein e Luk 2:37

Na amoaba teka e ka mei u töal u maloto na u tohats u hiningal. Nonei ema tatei la banai a Luman Lotu Pan. Tara lan na tara bong nonei e roron hatsunoni e Sunahan te singo uaien i tanen bate roron agono has nena a kannou.

Aposol 18:3

Nori u mun tahol i ka mei a töa mar toukui te ka has mei e Pol, be Pol e ka gono mera nen ba nori te kui hobotor. Nori i atein kuin a luma labalaba.

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

Aposol 20:31

Na limiou go hanei haniga nitöa iam. Alimiou go hakats sileiam a ka teka: turu topisa u hiningal nitöa, tara bong na tara lan, alia uma hanöa ii tu hatuts merai limiou hoboto a man tötöa. Alia u hatuts merai limiou a nitaatagi pan.

U pas te koloto menai e Pol turu kristenira i Rom 1:1

Alia e Pol, a katunun kui tere Iesu Kristo, i ngö sile ii tegomi aposol uu lia na tegomi rarare menai lia U Bulungana u Niga tere Sunahan.

1 Korin 4:12

Alam e kui hatagala silem a monin kannou i tamulam. Na pöata te ranga homi ria u katuun i tamulam, ba lam te ranga haniga mia i taren. Na te kato homi ria u katuun i tamulam, ba lam tema raharahami.

1 Korin 9:15

Kaba lia ema hakats nagi a ka teka. Na lia ema koloto silegi u pas teka tego lu menai lia ta moni i tamilimiou. E niga bala nena tego mate uu lia bate poeiegu, alia u hala pukpuku railimiou u Bulungana u Niga.

1 Korin 9:18

Ga saha hihol te tatei lue gulia? A ka te niga bala nena a hihol nonei teka: te habulungana pukpuku mena gilia u Bulungana u Niga. Taraha, alia ema kato silegi a hihol te matsköna turu katuun te rarareier u Bulungana u Niga.

2 Korin 11:27

Alia u kamits koru mei a toukui pan i tar. A para a bong alia u namala soho ii. Alia u bes koru na u maka koru has. Tara parpara a pöata alia uma kamei ta kannou na tu hasobö na ta makumun soho.

2 Korin 11:9

Na pöata tu ka gono meraia lia limiou ba moni i tar e makmakumuna, alia uma singoe ii ta moni i tamilimiou. Taraha, a matsi hahatoulana ti lama i Masedonia i mi pioue ii lia a manka tu ngili lia. Alia uma mala singoe ii ta moni i tamilimiou, na lia ema antunan hatiama ragi limiou bate singoe gou ta moni tara man pöata te la nama.

2 Korin 6:5

Nori i singata raiou lam, na i karabus raiou lam, na i hiagetageta me torohanan kato homi rariou lam. Alam u kui hatagala koru me kalata halanim me mate has mem a bes.

Pilipai 4:16

Na tara pöata tu kaia lia tara taun i Tesalonaika, alimiou i molo hitaguhu hapara mia i tar.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

1 Tesalonaika 2:2

Alimiou e atei miou, nori i kato homi raia lam tara taun i Pilipai. Kaba e Sunahan e kato ha ongolo raioulam ba lam e la noahas uaiem i tamilimiou mena hatei rami limiou u Bulungana u Niga tere Sunahan, noahasina ti hapiou u katuun u parpara.

1 Tesalonaika 2:6

Alam ema kui silemi a solo pan te aposol uamulam. E möa. Alam ema ngilemi alimiou go hapan ramou lam na lam ema ngil hasemi a tana katuun ega hapan raiou lam. E möa.

1 Tesalonaika 3:10

Na lam e roron singo hatagala korum tara lan na bong tego tatei tara menai lam a peisa milimiou na tego taguhu merai lam alimiou tara pöata te lagi hamana mia limiou.

1 Timoti 1:11

Na u hihatuts u mana na u niga nitöa te matsköna turu Bulungana u Niga te halei lia e Sunahan te pan saluhena, nonei tego hihatuts hamatskö ni lia.

1 Timoti 4:10

Tara a nimanamana nen, ara e kui hatagala sil noahasera a ka a niga teka, taraha ara e hakera u nihamana i tarara tere Sunahan te töatöana. Nonei te taguhu rena u katuun hoboto bate lu pouts rena u katuun te hamana uaier i tanen.

1 Timoti 5:5

Kaba a amoaba te möa koru ta katuun tega tara kap naien, nonei e hakena u nihamana i tanen tere Sunahan bate singo hataatagi nitöa uana i tanen tara lan na tara bong.

2 Timoti 1:3

Alia e haniga uagu tere Sunahan te solosei mena gilia u hakats u gogoso ti markato has uu tubur i manasa. Na lia e haniga uagu i tanen tara lan na bong te singo sil menagi lia alö.