1 Tesalonaika 2:17 - U Bulunagana U Niga

¹⁷ A matsi hahatoulana, alam u laba ramou limiou a tsitabubun pöata puku, kaba a torimulam e matesil koruena tegona tara pouts merai lam, alimiou. Alam e kagono mera mou limiou i torimulam na turu hakats i tamulam kaba lam e ngilin tuol koru mia i matamilimiou bate tara ramou limiou.

1 Tesalonaika 2:17 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 12:58

Tara pöata te la gono memia lö a katuun te ngilin kout neno lö, na tara pöata te ka noa mia limiou i maroro, alö go torohanan hamatskö gono meien. Nonei e namots las mena nei lö tara katuun pan turu kout bate hala nanoua lö tara polis, ba polis te hake noua lö tara karabus.

U Bulungana u Niga tere Iesu Kristo te kolotein e Luk 22:15

Ba nonei e poeiena i taren, “Alia e ngil koruegu tego nou gono merai limiou a kannouna turu Paska teka i mamina tegona sagoheia lia a kamits!

Aposol 17:10

Ba tara bong turu lan teka bu katuun ti hamanaia tere Iesu e hala ba merari ere Pol mere Sailas tara taun i Beria. Ba pöata ti tuku hakapa ien i Beria ba nori ena tasu ria tara luman lotu turu Jiu.

U pas te koloto menai e Pol turu kristenira i Rom 1:13

A matsi hahatoulana alia e hatei ragou limiou, tara para a pöata alia u ngil korui tegona tara merai limiou, kaba a nilala i tar ema mala manai. Alia e ngilegu u katuun i gusumilimiou egi hamani u raranga i tar, ti mar hamana has uu a palair u katuun tema Jiu ri.

U pas te koloto menai e Pol turu kristenira i Rom 15:23

Kaba lia u hakapeia a toukui i tar tara man han teka, na lia e ngilin na tara hamanasa ragou limiou, taraha alia u solon hahaloso tego na tara merai limiou.

1 Korin 5:3

E manana, a peisar e ka halehana ba renou limiou, kaba u namnamei i tar e kana i tamilimiou, bate here nei alia e ka gono mera goulimiou. Na lia u hopö kap hakapein a nihahuna tara katuun te kato a markato a omi koru teka.

Kolosi 2:5

E manana, u tuenrei i tar e ka halehana ba ranou limiou, kaba u hakhakats i tar e ka gonon töa mera noulimiou. Na lia e sasaala megu te atei sil mena gilia te tuol hakarapoto uami limiou bate hamana hatagala mia tere Kristo.

1 Tesalonaika 3:6

E Timoti e tuku poutsia i tamulam te laba mera meien limiou. Nonei e piou nema u bulungana u niga te hamana hatagala noahas uami limiou tara Tsunono bate hiangilngil noa hasmiou. Na nonei e hatei has railam alimiou ema solopala rami lam, kaba limiou e ngilin tara koru ramou lam temar ngilin tara koru has merami lam alimiou.