1 Tesalonaika 1:6 - U Bulunagana U Niga

⁶ Alimiou u kukuteiam a markato i tamulam na Tsunono has. Taraha, alimiou u hengo hanigeiam u raranga i tamulam. U katuun i omi raiou limiou tu hamana uaiam limiou, kaba u Namnamei u Göagono e kato hasasaala noahas raiou limiou.

1 Tesalonaika 1:6 ပူးပေါင်းရင်းမြစ်များ

Matiu 16:24

Be Iesu e poeiena turu katunun tsitsilo i tanen, “Esi te ngilin kukute nanou lia ega solopali a mamanaka te ka uana i peisanen, bate töan söatena a kuruse i tanen bate kukutie nou lia.

U Bulungana u Niga tere Iesu Kristo te kolotein e Jon 8:12

E Iesu e ranga lel uu turu katuun me poeiena, “Alia u ualesala te alesala uana turu katuun i puta. Esi te kukutie noulia ema tataala lel noi turu kuhil kaba e ka menou u alesalana tara nitöatöa hamana.”

Aposol 13:52

Kaba u kristen i Antiok i sasaala koru, ba nitagala turu Namnamei u Göagono e saputuna i taren.

Aposol 5:41

Bu aposol e laba ner u Kout, me sasaala koru siler te haniga meraien e Sunahan tegi kamits sil menaien a solona e Iesu.

Aposol 9:31

Ba u katuun hobotor i Judia na i Galili na i Samaria ti hamanaia tere Iesu i ka hanigar tara pöata tara masalohana. Ba niateina tere Sunahan e pan susuluna i taren. Ba nori e hapan nitöaner a Tsunono bu Namnamei u Göagono tere Sunahan e taguhu ranen. Ba nori e para susulur.

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

1 Korin 11:1

Alimiou go kukute mumou lia temar kukute has mena gilia e Kristo.

1 Korin 11:2

Alia e haniga ragou limiou, taraha alimiou e hakats kap namou lia tara mamanaka na limiou e kukutemiou u hihatuts hoboto tu hala railia limiou.

1 Korin 4:16

Na lia e ranga hataatagi uagu i tamilimiou, alimiou go kukuteiam a markato i tar.

2 Korin 6:10

U katuun e kato here rari lam u katuun te taatagir, kaba lam e sasaala noa hasim. Alam u katuun tu möa ta moni, kaba lam e hala noa has nem a manka man niga tere Sunahan turu katuun u para. Alam u möa koru ta ka ni puta, kaba lam e ka noa has mem a mamanaka a niga tere Sunahan.

2 Korin 8:5

Ba nori e katoeier a ka te saluhe bani tu mar ngil uu lam, taraha nori i hala mamin a peisaren tara Tsunono ba turu ngil tere Sunahan, nori e hala has naier a peisaren i tamulam.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Epesis 5:1

Alimiou a galapien tere Sunahan na nonei e ngil koru ranou limiou na limiou go markato uaiam i tanen.

Pilipai 3:17

A matsi hahatoulana, alimiou go kukute hoboto nitöa neiam a markato i tar. Alam u haröto hakapa raiou limiou ime tego markato uaiam limiou, ba limiou te tara kap has ramiou u katuun te markato uaier te markato has uemu lam.

2 Tesalonaika 1:4

Nonei te ranga sesei bera milam alimiou turu hagum turu katuun tere Sunahan. Alam e hahatei nem u katuun e kato homi sila raria limiou te hamana uamia limiou tere Iesu bate hamana hatagalamiou, noahasina te omi merari limiou u katuun.

2 Tesalonaika 3:7

Kaba limiou ego atei sileiam i me tego mar kukute merami limiou alam. Alam uma karous ii tara pöata tu kaia lam i tamilimiou. E möa.

2 Tesalonaika 3:9

Alam sanena tu ngil ba lam te hatei ramou limiou tego hanou pukpuku merami limiou alam. Kaba e möa. Taraha, alam e ngilin haröto rami limiou tego kui peisa sil mena milimiou a kannou i tamilimiou, tu kato has uu lam.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

Hibru 10:34

Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

1 Pita 1:6

Alimiou go sasaalaiam, noahasina te ka mena milimiou a nitaatagi tara tsitabubun pöata te roron butuna a mamana niomi na u mamana u kamits i tamilimiou.

1 Pita 1:8

Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.

1 Pita 3:13

E möa ta katuun tega kato homi raiou limiou, tego kato hatagala sil mena milimiou a markato a niga.

3 Jon 1:11

A hahikapien i tar, alö goma kukute ii a markato a omi. E möa. Alö go kukutie a markato a niga. A katuun te kato haniga nitöana, e pala uana tere Sunahan. Na katuun te kato homi nitöana ema katuun uanei tere Sunahan.