1 Tesalonaika 1:3 - U Bulunagana U Niga

³ Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

1 Tesalonaika 1:3 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 14:15

Be Iesu e pei lelena, “Te ngile mia limiou alia, hengoeiam u raranga i tar.

U Bulungana u Niga tere Iesu Kristo te kolotein e Jon 15:10

Te hengon töa namoua limiou u raranga i tar ba lia te ngil koru noahas ragou limiou, tu mar hengo has mei lia u raranga tere Tamar, be Tamar te ngil koru hase noulia.

Aposol 10:31

Ba nonei e poeiena, ‘O Konilius, e Sunahan e hengo hakapi a man singosingo i tamölö, na nonei e hakats kap has nena te roron hala mena milö a moni turu katuun ti möa ta moni.

Aposol 3:19

Paliseiam u hakats i tamilimiou bate habirits ua miou tere Sunahan, be Sunahan te luba nanou a man markato a man omi i tamilimiou.

U pas te koloto menai e Pol turu kristenira i Rom 12:12

A ka te hamana sile milimiou e tatei hasasaala ranou limiou. Te butuna u tori tiama, ba limiou te tuatamimiou. Alimiou go singo nitöa uaiam tere Sunahan.

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

U pas te koloto menai e Pol turu kristenira i Rom 15:4

A mamanaka ti koloto naia turu Buku u Göagono i koloto sile ii tega hatuts meraien ra na tega hala meraien ra u rangan hitaguhu ba ra te hahalosera a manka man niga tere Sunahan bate hamana sile ren.

U pas te koloto menai e Pol turu kristenira i Rom 16:26

Kaba i romana e butu halesalana i matar u katuun. Na u raranga ti kolotein u propet e halakasi a nimana tere Sunahan, a Sunahan te ka nitöana. E Sunahan e hakei u raranga u tagala tegi habulungana menai u raranga teka turu katuun hoboto, ba nori te tatei hamana ria i tanen bate hengo hase ren.

U pas te koloto menai e Pol turu kristenira i Rom 16:6

A niniganiga has i tar tere Maria, te kui hatagalaia i gusumilimiou.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

1 Korin 13:13

A topisa a ka teka te ka nitöana: a markato te hamana uaier tere Sunahan, na markato te hamana sil menari a manka man niga, na markato te hiangilngil uaier. Kaba markato te hiangilngil uaier te pan saluhena.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

2 Korin 2:17

Taraha, alam ema here rami a palair u katuun te kato here nari u raranga tere Sunahan a toukuin moni i taren bate hahol sile rien tegi lu menaien ta moni. E möa. Tara solona e Kristo alam e ranga hamana mia i matana e Sunahan, taraha, nonei te hala raiou lam ba lam te habulungana hamatskö nem u raranga te hala namen.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Galesia 6:9

Nonei tegima karous beira tegi kato menaira a markato a niga. Te katon töa naroara a markato a niga, ba ta töa ta pöata bara te lue rou u hamatana u niga tara toukui i tarara.

1 Tesalonaika 3:6

E Timoti e tuku poutsia i tamulam te laba mera meien limiou. Nonei e piou nema u bulungana u niga te hamana hatagala noahas uami limiou tara Tsunono bate hiangilngil noa hasmiou. Na nonei e hatei has railam alimiou ema solopala rami lam, kaba limiou e ngilin tara koru ramou lam temar ngilin tara koru has merami lam alimiou.

2 Tesalonaika 1:11

Ba lam te singo nitöa bera moulimiou. Alam e singo silem e Sunahan te hopö kap raiou limiou e tatei haniga ranou limiou, bate hala ranei limiou a nitagala tego kato memi limiou a ka a niga hoboto te ngilin katoe milimiou, na tego hakapa haniga mena milimiou a toukui te hamane milimiou be Sunahan te taguhu ranou limiou.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

1 Timoti 1:14

Ba lia e saputu megu a niniganiga tara Tsunono me tapiou menama u nihamana na u ngilngil te kana tere Iesu Kristo.

1 Timoti 2:3

A man mar singosingo teka e niga koruna, na e Sunahan te ngilin lu pouts ranou ra e haniga korue nen.

Hibru 10:36

Alimiou go hamana hatagala koruiam bate kukute miou u ngil tere Sunahan ba limiou te lue miou a ka a niga te ranga hamana naien.

Hibru 11:17

E Sunahan e ranga hamanaia tere Abraham i manasa me poeiena, “Alö e ka sila memia romana u hatutubunei u parpara koru tara pien i tamölö e Aisak.” E Abraham e hamani e Sunahan, ba pöata te torohane ien e Sunahan be Abraham e katoenei a pien i tanen e Aisak a kaan haats tara makumun haats. E Abraham e hengo noahasi e Sunahan me hakena a töa koru a pien tson i tanen tara makumun haats.

Hibru 4:11

Te markato uanen teka bara te torohana hatagala silera tegi la uu ra tara makumun husa tere Sunahan. Ta töa i tarara ena mots kukutena ti markato uen i manasa batena rusuna bate taiana.

Hibru 6:15

E Abraham e hahaloso haniga nitöa, ba nonei e lueiena a ka te ranga hamanein e Sunahan.

1 Pita 3:4

A nitaratara a niga i tamilimiou ega butuma i torimilimiou i iogana te ka mena milimiou a markato a niga bate tuatamimia turu katuun. A markato teka ema tatei hula palis nei. E ka nitöana, na e Sunahan e haniga korue nen.

1 Jon 3:18

A matsi galapien i tar, ara gima ranga tuun nai te ngil merarira u toularara. E möa. Aragi ngil hamana raien bate taguhu raren.

1 Jon 3:21

A man hahikapien, tema kout raneira a torirara, ba ra tema matoutun tuol roi i matana e Sunahan bate luera a ka te singo sile rara. Taraha, ara e hengo hanigeiera u raranga i tanen bate katoera a manka te kato hasasaale nen.

1 Jon 3:3

U katuun hoboto te hahanei siler e Kristo bate sasaalar, nori e markato hagogoso has uaier temar gogoso has uana e Kristo.

1 Jon 5:3

Te ngil korue rara e Sunahan ba ra te kukute hanigeiera u raranga i tanen. Ba u raranga i tanen tema tatei hala raneira ta nitiama

Revelesin 2:19

Alia e atei silegu a manka te katoe milimiou, na te ngil mera milimiou u katuun, na te hamana noahas mena milimiou alia. Alia e atei sil hasegu alimiou e taguhu ramiou a palair u katuun batema hapolase mi te kukute mena milimiou alia. Na manka te katoe milimiou i romana e niga bala nena a manka tu kato mameiam limiou.

Revelesin 3:10

“A pöata a omi e butu noua romana tara man han hoboto i puta, ba nonei te torohana rena romana u katuun hoboto. Kaba lia e hatongo kap romana ragou limiou tara niomi teka. Taraha? Alimiou e roron hengoe miou u raranga i tar bate tuol hakarapoto namiou te omi merari limiou u katuun.