1 Tesalonaika 1:10 - U Bulunagana U Niga

¹⁰ Nori e hatei has rari lam, alimiou e hahalosemiou a Pien Tson i tanen, tena kopis pouts namen romana i Kolö. Nonei e Iesu, e Sunahan te hatakei poutseien tara tou mate i tanen. Nonei te hatongo kap ranoua ra romana tara pöata tara nihahuna, te butuna romana a raharaha pan tere Sunahan.

1 Tesalonaika 1:10 ပူးပေါင်းရင်းမြစ်များ

Matiu 1:21

Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”

Matiu 16:27

Alia lahas tu butun Katunuma te la gono meguma romana u angelo i tar turu ualesala pan tere Tamar, ba lia temi hala palis ragoui u katuun ti kato homi a ka a omi na u katuun ti kato haniga a ka a niga.

Matiu 16:28

Alia e hatei hamana ragou limiou, a palair u katuun te tuolur teka ema antunan materi, e antunana tegi tara menien Alia tu butun Katunuma ena la here gumei romana a king.”

Matiu 3:7

Be Jon e tara rena u Parasi na u Sadiusi u parpara koru i la silema tegimi habaptais uen, ba nonei e poeiena i taren, “Alimiou u katunura tara kökötsi a omi, alimiou u katuun u gamogamo! Alimiou ema antunan bus ba namoi a raharaha tere Sunahan te butu nou!

U Bulungana u Niga tere Iesu Kristo te kolotein e Luk 2:25

Bara, a töa katuun e kaia i Jerusalem a solonen e Simion. Nonei a katuun a niga na e roron hatsunoni e Sunahan, na nonei e hahalosi tego taguhu merai e Sunahan u katunura i Israel. Na u Namnamei u Göagono e roron kaia i tanen.

U Bulungana u Niga tere Iesu Kristo te kolotein e Luk 3:7

U katuun u parpara i la uama tere Jon tegimi habaptais uaien i tanen. Ba nonei e poeiena, “Alimiou u kökötsi u katuun u gamogamo! Alimiou ema antunan bus ba namoi a raharaha tere Sunahan te butu nou!

Aposol 1:11

Ba huol a katuun teka e poeier, “U katunura i Galili, aha te tuol sile mi limiou bate tara sei uamiou i kolö? E Iesu te lu sei me lilei i Kolö ena mar kopis pouts has uanama romana temar la uala len i Kolö.”

Aposol 17:31

Taraha, nonei e hopö kapiin u lan tego butuma u kout i tanen, tara pöata teka ba nonei te hala nanou a nitsunono i tanen tara katuun te hopö kap mam naien. Na katuun teka e ona hamatskö hoboto ranou u katunura i puta. Be Sunahan te haröto rena u katuun hoboto te mana uana a ka teka, taraha nonei e hatakei poutsi a katuun teka tara tou mate.”

Aposol 2:24

Kaba e Sunahan e hatakei poutseien tara tou mate i tanen. E Sunahan e purese banai e Iesu a kits tara tou mate i tanen, taraha a tou mate ema antuna korui tega pile kap menaien e Iesu.

Aposol 2:32

Nonei e Iesu teka e Sunahan e hatakei poutseien, na alam u tara hoboteien ba lam te habulungana namen.

Aposol 3:15

Alimiou u atung hamateiam a Mouna a Nitöatöa. Kaba e Sunahan e hatakei poutseien tara tou mate i tanen, na lam u tari a ka teka bate hahatei namen.

Aposol 3:21

Nonei ega ka buia i Kolö e antunana te butu nama romana a pöata te kato hatsimuse noa e Sunahan a man ka hoboto, temar ranga sila uaia e Sunahan turu propet u matskö i tanen i manasa.

Aposol 4:10

Alia e ranga hatei mera goulimiou hoboto na u katuun hobotora i Israel. A katuun teka te tuoluna i matamilimiou e niga pouts mei a nitagala tara solona e Iesu Kristo na i Nasaret. Nonei tu hanila namia limiou tara kuruse be Sunahan e hatakei pouts noa hase nen tara tou mate.

U pas te koloto menai e Pol turu kristenira i Rom 1:4

Na e Sunahan e hatei hasiin e Iesu nonei a Pien a Göagono i tanen ti hatakei pouts menaien tara tou mate tara nitagala pan i tanen.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

U pas te koloto menai e Pol turu kristenira i Rom 4:25

E Iesu e mate sil a man markato a man omi i tarara me takei pouts silena tego kato hamatskö meraien ra i matana e Sunahan.

U pas te koloto menai e Pol turu kristenira i Rom 8:34

Esi te tatei ranga nanou tegi lu menai ra u nihahuna? E möa tala! Taraha, e Iesu Kristo noa has te mate sil raioura. Ba nonei e takei pouts na tara tou mate i tanen, ba nonei ena kana tara pal matou tere Sunahan me singo hataatagi bera noura tere Sunahan.

1 Korin 1:7

Na limiou ema makmakum nami ta töa ta ka ta niga tere Sunahan te hahaloso mena milimiou a pöata te butu lel nama romana a Tsunono i tarara e Iesu Kristo.

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

Pilipai 3:20

Kaba a han i tarara e kana i Kolö, na ra e hahalosera a Tsunono i tarara e Iesu Kristo tega koul men i Kolö batemi lu pouts ranoura.

Kolosi 1:18

U katuun i tanen e hereri u tuenrei i tanen, ba nonei te here nei u baku. Nonei a tantania tara mamanaka, na nonei has te takei mamia tara tou mate, na nonei pouts has te mammamna tara mamanaka hoboto.

1 Tesalonaika 1:7

Alimiou u haröto naiam a markato a niga bu katuun hoboto e hamana uar tere Kristo tara provins i Masedonia na tara provins i Gris e markato haniga has uaier tu markato uaiam limiou.

1 Tesalonaika 2:16

Taraha, nori e hapiou rariou lam tegoma hatei menai lam u raranga tere Sunahan turu katuun halhal turu Jiu na tegoma lu pouts meraien e Sunahan. Nori u Jiu e kato homi nitöar, ti roron kato uaien. Kaba e Sunahan e hahuna tala ranouen romana.

1 Tesalonaika 2:7

Alam u tuatami gono meraiou limiou, te kato uana a tahol te tuatami gono merena a galapien i tanen.

1 Tesalonaika 5:9

Taraha, e Sunahan ema hopö kap meraira tara nihahuna. E möa. Nonei e hopö kapiin tega luba meraien ra tara niomi, taraha e Iesu Kristo a Tsunono i tarara e mate sil raioura.

2 Timoti 4:1

U mana koru alia e ranga hatagala koru me gialö i matana e Sunahan na e Iesu Kristo temi ona rarouen u katuun hoboto te töatöar na ti mate hakapa, ba nonei te hatakeie nou a Nipepeito i tanen.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

Hibru 10:27

Aragi matout lasi u Kout tere Sunahan na u tula te ats hahiski nitöana tena ats ria romana u katuun te omier e Sunahan.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

1 Pita 1:21

Tere Kristo lasi ba limiou te hamana uamiou tere Sunahan, taraha, e Sunahan te hatakei poutsi e Kristo tara tou mate me solosei korue nen. Ba limiou te hamana tala uamiou tere Sunahan bate hahalose men tega taguhu has meraien limiou.

1 Pita 1:3

Aragi solosei e Sunahan e Tamana a Tsunono i tarara e Iesu Kristo. Tara nitaatagi pan koru i tanen nonei e hala rai ra a nitöatöa a tsimus te hatakei meien e Iesu Kristo tara tou mate i tanen. Na tara mamanaka a niga te haka beraien ra i Kolö, a manka tema tatei omiri na tema tatei mulari na tema tatei taiari.

1 Pita 2:21

E Sunahan e ngö hakapa raiou limiou tego kato mena milimiou a markato teka. Taraha, e Kristo has e kamits hakapa sil raiou limiou, na ka teka e haharuei nena tego kukute has mena mi limiou a maroro teka.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

2 Pita 3:12

Alimiou go hahaloseiam u Lan tere Sunahan bate kato silemiou tega butu boroboro uamen. Nonei u Lan te ats hakapa noua romana u kolö, ba mankana i kolö te ramun mena romana u hiski pan koru.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

Revelesin 1:7

Taraiam! Nonei e la gono me nama u köasi. U katuun hoboto e tare rouen, na u katuun has ti sakeien u saka. A man hun katuun hobotora i puta e hakats narouen bate tonur. Aa, u mana.