1 Pita 5:5 - U Bulunagana U Niga

⁵ Na e markato has uana iesana, alimiou u katuun u hitots ego hala puteiam a peisa milimiou turu katuun u kapan. Na limiou hoboto ego hateteneiam a peisa milimiou bate hiatagtaguhumiou. Taraha, u Buku u Göagono e poeiena, “E Sunahan e tokitoki rena u katuun te hangiser, kaba nonei e taguhu rena u katuun te hateteneier a peisaren.”

1 Pita 5:5 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 22:26

Kaba a markato teka ema tatei ka neia i gusumilimiou. A katuun i tamilimiou te panina ega kato here nai a peisanen a katuun papala, na tsunono i tamilimiou e tatei here nei a katunun kui.

U pas te koloto menai e Pol turu kristenira i Rom 12:10

Hiangilngil iam te kato uar a man hahatoulana hamana. Na limiou go hapaneiam a tai i tamilimiou.

U pas te koloto menai e Pol turu kristenira i Rom 13:14

Alimiou go katoeiam a markato tere Iesu Kristo a Tsunono. Alimiou ema tatei kukute lenemi u ngil turu tuenrei i tamilimiou.

Epesis 5:21

Alimiou go haröto naiam te hapan mena milimiou e Kristo ba limiou te haka putemiou a peisa milimiou.

Pilipai 2:3

Alimiou goma hakats peisa nami a peisa milimiou bate hapane men. E möa. Alimiou go hala puteiam a peisa milimiou. Bate tara herenami a tana katuun nonei te pan bala ranou limiou.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

1 Timoti 5:1

Alö goma ranga sisi nai a katuun te tsonpan nenou lö. E möa. Alö go ranga hatami ia i tanen temar ranga mena milö e tamamölö. Na lö go kato rai a man hitots a man hahatoulana i tamölö.

Hibru 13:17

Hengo haniga raiam u tsunono i tamilimiou, bate kukute miou u raranga i taren. Taraha, nori e tara kapin toa rariou limiou. Te hengo ramouen limiou, ba nori te sasaala meriou a toukui i taren. Kaba te möa nouen, ba toriren te tiama nou, ba ka teka tema taguhu ranoui limiou.

Jemis 4:6

Kaba u nihitaguhu tere Sunahan e tagala bala nena u ngil i tarara. U raranga tere Sunahan e pei hasena, “E Sunahan e tokitoki nena a katuun te hangisena ba nonei te taguhena a katuun te hateteneiena a peisanen.”

1 Pita 3:8

U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.

1 Pita 4:1

E Kristo e sagohi a kamits i tuenreinen, na limiou go mar hakats hatagala has uaiam iesana batema rama nami a nikamits. Taraha, a katuun te sagohena a nikamits i tuenreinen ema hakats nanei tega kato menaien a markato a omi.

1 Pita 4:5

Kaba i murimuri nori ena tatei ranga peisa ner romana a man mouna a man markato ti katoeien te tuol rien romana i matana e Sunahan, nonei te ona ranou u katuun te töatöar na u katuun ti mate.