1 Pita 5:12 - U Bulunagana U Niga

¹² E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.

1 Pita 5:12 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 21:21

Ba pöata te tareia e Pita alia, ba nonei e poeiena tere Iesu, “O Tsunono, aha te butuna romana tara katuun teka?”

Aposol 11:23

Pöata tena tukuien, ba nonei e tarena a nihitaguhu tere Sunahan e ka gono meraien, ba nonei e sasaalana. Na nonei e kato hatagali u hakats turu katuun hoboto tegi hatagala menaien a toriren bate hamana nitöa uaier tere Sunahan.

Aposol 15:22

Ba u aposol na pal kapan na palair u kristen hoboto e kitseier u ranga ba nori e hopö kap naier a huol katuun i taren, tego la gono mer ere Banabas mere Pol i Antiok. Nori i halani ere Judas (a tana solo i tanen e Basabas) mere Sailas u tson mammam has turu kristen.

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

1 Korin 15:1

Na matsi hatoulana, alia e hatakei poutsegu u hakatsina turu Bulungana u Niga tu hatei nela lia i tamilimiou. Alimiou u lu hakapeiam u Bulungana u Niga teka na limiou e tuol hakarapoto mia i tanen.

2 Korin 1:19

Alam mere Silbanus na e Timoti u hihatutsia i tamilimiou me hatei rami limiou e Iesu Kristo a Pien Tson tere Sunahan. Nonei has ema tatei hatangana nei bu hakats i tanen te poeiena E möa. U raranga tere Iesu e roron mana nitöana.

2 Korin 1:24

Kaba ema poeie nei alam go hatei rai limiou ime tego mar hatakui menai limiou u nihamana i tamilimiou. Alam e ngilin kui gono mera mou limiou ba limiou te saputu memiou a nisasaala, taraha, alimiou u ka hakapa meiam u nihamana te tuol hakarapoto mia limiou.

Epesis 3:3

Nonei e haröte ii lia u ngilngil i tanen ti hamous mameien. Na lia u koloto hakapa berai limiou a tsi tabubun raranga tara ka teka.

Epesis 6:21

E Tikikus nonei a hahatoulana koru i tarara tara hun katuun te hamana ria tere Iesu, na nonei a katunun kui a niga koru tara Tsunono. Nonei ena hatei ranoui limiou ime te marka uagu lia.

Kolosi 1:7

E Epapras te hatuts railimiou u Bulungana u Niga, a tsi katunun kui papala i tarara te kui gono mera noulam bate taguhu ranoulam tara toukui tere Kristo te katoe mulam.

Kolosi 4:7

E Tikikus e toularara ena hatei ranoui limiou aha te katoe gulia. Nonei a katuun hamana te kui gono mera noulam tara Tsunono.

Kolosi 4:9

Na lia e hala gono megoien e Onesimus e toularara a niga koru te pala has uana i tamilimiou, nonei e la gono menou e Tikikus. Nori ena hatei raroui limiou a mamanaka te butuna teka.

1 Tesalonaika 1:1

Alam ere Pol mere Sailas na e Timoti e koloto menami u pas teka i tamilimiou hoboto, u kristenira tara taun i Tesalonaika te pala uar tere Sunahan e Tamarara, na u katuun has tere Iesu Kristo a Tsunono. Sunahan e tatei taatagi ranou limiou bate hala has ranoui limiou a masalohana.

2 Tesalonaika 1:1

Alam ere Pol mere Sailas na e Timoti e tara pouts ramou limiou i romana, alimiou hoboto u katuun tere Sunahan e Tamarara na u katuun has tere Iesu Kristo a Tsunono. Alam e hala menami u pas teka i tamilimiou u kristenira tara taun i Tesalonaika.

Hibru 13:22

A matsi hahatoulana, hengo hanigeiam u raranga te koloto negulia teka batema sökanami, taraha u pas teka u makmakum.

1 Pita 1:13

Alimiou go hamatsköeiam u hakhakats i tamilimiou bate hakats haniga mia i peisa milimiou. Hamana nitöa sileiam a nihitaguhu te lue milimiou romana tara pöata te butu nama e Iesu Kristo.

1 Pita 4:10

Alimiou a man tötöa hoboto u lu hakape muma a nitagala a niga tere Sunahan. Na limiou go tarakap haniga naiam a man nitagala teka bate taguhu ramiou a palair u katuun.

2 Pita 1:12

Nonei te ngilin ranga hatei kapin töa mera gilia limiou ba u hakats i tamilimiou te hakats kap nitöanena a manka teka, noahasina ti atei sil hakapa memien limiou bate tuol hakarapoto mia turu raranga u mana tu lueiam limiou.

2 Pita 2:15

Nori i la ban a maroro a matskö me kukutier a maroro tere Balam a pien tere Beor. E Balam e ngil korui a hihol te lueien tara markato a omi te katoeien, kaba e Sunahan e ranga hapiou meien. Ba rongki i tanen e ranga here nei a katuun te hapiou menaien tegoma tatei kato menai e Balam a markato a tutu na omi te katsin katoeien.

3 Jon 1:12

A mamana katuun hoboto e hanigeiena e Demitrias. Nonei a katununa turu raranga u mana. Alam e haniga hase men, na lö e atei silem u raranga i tamulam e manana.

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.