1 Pita 4:9 - U Bulunagana U Niga

⁹ Alimiou go lu merami a palair u katuun i luma i tamilimiou, bate tarakap haniga ramen batema ranga sil ramien.

1 Pita 4:9 ပူးပေါင်းရင်းမြစ်များ

U pas te koloto menai e Pol turu kristenira i Rom 12:13

Alimiou go hala has rami a palair u kristen a manka i tamilimiou, bate lu has merami u katuun i luma i tamilimiou.

U pas te koloto menai e Pol turu kristenira i Rom 16:23

Na e Gaius has, a luma i tanen te ka gia lia na te roron lotu has ria, e hala has nena a niniganiga i tanen i tamilimiou. E Irastas a kuskus tara gamman tara taun teka na hahatoulana i tarara e Kuortus, nori e hala hoboto has ner a niniganiga i tamilimiou. A nihitaguhu tara Tsunono i tarara e Iesu Kristo e tatei ka gono mera noulimiou hoboto. U mana.

2 Korin 9:7

Alimiou a man tötöa e tatei mar hala hapopo uamiou tu markato mena milimiou u hakats i tamilimiou. Alimiou goma hala memi a monin hitaguhu u huol u hakats, tsi te hala has uaier a palai. E Sunahan e ngil koru rena u katuun te sasaala mer te hala uaren.

Pilipai 2:14

Tara mamanaka te katoe milimiou, alimiou goma ranga homi nami a nikaka i tamilimiou, ba tema hiangenngenami.

1 Timoti 3:2

A katunun pepeito kap turu lotu ema tatei ka menei ta ka ta omi i tanen. Nonei ga ka mei a töa puku a tahol. Na nonei ga hakats haniga bate hala puteiena u ngil i peisanen bate kato hamatsköna. Nonei ga tara sil a taina katuun bate ngö menaneien i luma i tanen. Na nonei ga atein hihatuts has.

Taitus 1:8

Kaba nonei a mar katuun te tatei toulena a katuun bate las mena neien i luma i tanen, na mar katuun te ngileiena a mamanaka a niga. Na nonei ega hakats haniga bate katoeiena a manka te matsköna, na ega kato hasi a mamana markato a gogoso bate hala puta hasena a peisanen.

Pilimon 1:14

Kaba alia ema antunan kato nagi ta ka tema haniga nami lö. Tara niniganiga i tamölö, alö go taguhu mei lia u ngilngil peisa i tamölö.

Hibru 13:16

Alimiou goma solopalemi tego kato haniga mera milimiou a palair u katuun bate hiatagtaguhu miou. A markato teka e ngil korue nen na e kato hasasaalena e Sunahan.

Hibru 13:2

Na limiou go ngö has merami u katunura i lehana i luma i tamilimiou. A palair u katuun i markato uu teka turu angelo, kaba nori ima atei sil raien.

Jemis 5:9

A matsi hahatoulana, alimiou goma ranga memi a raharaha te ranga mia limiou tara tana katuun, be Sunahan tema ona has ranoui limiou. Taraiam, a Tsonun Hamou e sukusukun tukuna, e tuol na i matana a tamana.