1 Pita 4:8 - U Bulunagana U Niga

⁸ A ka te pan bala koruna tara mamanaka, alimiou go hiangilngil hatagalaiam, taraha u ngilngil nonei te kato hataie nou a mamana a markato a omi.

1 Pita 4:8 ပူးပေါင်းရင်းမြစ်များ

1 Korin 13:1

Tego antunan ranga menai lia u ranga turu katuun na turu angelo has, ba tema ngile gi a tana katuun, u raranga i tar e here nei a ti te ling pinopinona tsi a belö pan.

1 Korin 13:4

A markato te hiangilngil uaier e markato uana teka: u ngil ema tatei sökananei na e tuatamina, na u ngil ema tatei tara ngil nei na ema tatei hangisei nei, nema tatei ranga hapan has nei bate soloseiena a peisanen.

Kolosi 3:14

Na tara mamanaka teka, alimiou go hatagaleiam u ngilina tara mamanaka a niga. A markato teka e las gögono haniga rena a manka hoboto ba nori te ka haniga hoboto nitöar.

1 Tesalonaika 3:12

Na lam e ngil hasem a Tsunono ega kato raiou limiou balimiou te hiangilngil hatagalamiou bate ngil hatagala has ramiou u katuun hoboto, bate kato talasina. Na lam e ngil hasem alimiou go mar ngil koru merami a palair u katuun temar ngil koru has mera milam alimiou.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

1 Timoti 1:5

Kaba a ka koru tegi habuti ra, aragi halakasi u hiangilngil te la nama turu tori u gogoso na u hakhakats u niga, na te hamana haniga koru riara tere Sunahan bara te atei sil talera ara e möa ta töa ta ka ta omi i peisarara.

Hibru 13:1

Ngil raiam a man hahatoulana i tamilimiou te hamana uami limiou tere Kristo.

Jemis 5:12

A matsi hahatoulana, u raranga teka e pan koruna: alimiou goma tatei peiemi i Kolö tsi i puta na tu töa tu mar ranga bate hamana uamiou iasa. E möa. Alimiou go pei tuneiam “Aa” te mana nen, tsi “E möa” tema mana neien. E Sunahan ena mots hahuna ranou limiou.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

3 Jon 1:2

A hahikapien i tar, alia e singo silegu tego ka haniga uu lö, bu tuenrei i tamölö te ka haniga here hase nei u namnamei i tamölö.