1 Pita 4:17 - U Bulunagana U Niga

¹⁷ A pöata tega hatanian ona merai e Sunahan u katuun e butu hakapa, na nonei e ona mam ranou u katuun i tanen. Na te hatania nen romana i tarara, ga ime tena mar kapa uanoen romana turu katuun te hipus ner u Bulungana u Niga i tanen?

1 Pita 4:17 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 23:31

Te markato mena rien lia teka, alia te heregi u ruei u pelpeli, gime te markato uaren romana turu katuun te hereri u ruei u lango?”

U pas te koloto menai e Pol turu kristenira i Rom 1:1

Alia e Pol, a katunun kui tere Iesu Kristo, i ngö sile ii tegomi aposol uu lia na tegomi rarare menai lia U Bulungana u Niga tere Sunahan.

U pas te koloto menai e Pol turu kristenira i Rom 2:9

U katuun hoboto te kato homir e lue riou a nitiama na u kamits, u Jiu mam, na u katuun has tema Jiu ri.

Galesia 3:1

Alimiou u katunura i Galesia alimiou u katuun u tutu. Alam u hatara hakapa rai limiou e Iesu Kristo, te mate uaien tara kuruse tego luba menaien a man markato a man omi.

Galesia 5:7

Alimiou u kato haniga mam koru iam. Kaba esi te hapiou raiou limiou tegoma hengo mena milimiou u raranga u mana?

Galesia 6:10

Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

2 Tesalonaika 1:8

Ba nonei temi hahuna ranou romana u katuun tema atei sileri e Sunahan na nori has te hipus ner u Bulungana u Niga tere Iesu Kristo a Tsunono i tarara.

Hibru 11:8

Te hamana menai e Abraham e Sunahan me hengoena te ngö menaien tega la uaien tara han tena hala nanouen, temar ranga uu e Sunahan. Be Abraham e laba nena han i tanen, kaba nonei ema atei sile ii ime tega la uaien.

Hibru 2:2

A Lo tere Mosis te hala sila nama e Sunahan turu angelo e manana, na u katuun ti hipus naien batema kukutie rien i lu hasi u nihahuna te antunaia tara markato a omi ti katoeien.

Hibru 2:4

Na e Sunahan e haröto hasiin te mana uana u raranga teka te kato menaien u mamana u hiharöto na u mirakol u parpara bate hala nena a man tötöa man nitagala turu Namnamei u Göagono e antunana turu ngilngil peisa i tanen.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

1 Pita 2:5

La uamuma i tanen bate heremi a man hatu a man niga te kuieri a luman lotu. E Sunahan e ngilin kui ranei limiou a töa luman lotu turu namnamei. Alimiou e here rami u pris u niga tere Sunahan bate kui be men tara nitagala turu Namnamei i tanen. U pris e roron haats menari a man haats a man niga tere Sunahan, na e kato has uana iesana, e Sunahan e ngilena alimiou go hala naiam a peisa milimiou i tanen, taraha e Iesu Kristo e mate sil raiou limiou.

1 Pita 2:8

Na tana makum turu Buku u Göagono e mar ranga has uana teka, “Nonei a hatu teka te tutu ranoua u katuun.” U katuun te tutu rana tara hatu e haharuei ner u katuun te tori hasoalaner e Iesu, taraha nori ema kukutieri u ranga. Nori e markato uaier teka ti mar hopö kap noahas meraien i manasa.