1 Pita 4:11 - U Bulunagana U Niga

¹¹ A katuun te ka mena a nitagala tega habulungana menaien u raranga, ega habulungana hamatskön u raranga tere Sunahan. Na katuun te roron hitaguhuna ega hitaguhu mei a nitagala te lue nen tere Sunahan. Ba tara mamanaka a solona e Sunahan e hala sei sila naroa tere Iesu Kristo, nonei te ka nitöa mena a nikapan na nitagala tara mamana pöata. U mana.

1 Pita 4:11 ပူးပေါင်းရင်းမြစ်များ

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

U Bulungana u Niga tere Iesu Kristo te kolotein e Jon 13:31

Pöata te lakasa hakapaia e Judas be Iesu e poeiena, “Alia tu butun Katunuma e solo sei tale riou. Ba lia te söata sei hasegou a solona e Sunahan.

Aposol 7:38

Nonei e Mosis te ka gono mer u katunura i Israel ti gono hobotoien tara makum a palaka. Nonei e ka gono mei u tuburara na a angelo has te rangaia i tanen turu Pokus i Sinai. Nonei e lui u raranga tere Sunahan, u rarangana tara nitöatöa, tega hala raien ra.

U pas te koloto menai e Pol turu kristenira i Rom 11:36

Taraha, e Sunahan e habutu a mamanaka hoboto na nonei peisa a mouna a mamanaka, na manka hoboto e ka uana i tanen. Ba ra te solosei nitöa tala nera e Sunahan. U mana.

U pas te koloto menai e Pol turu kristenira i Rom 12:3

E Sunahan e taatagi sileiou lia be hale nei lia a nikapan tara aposol. Na lia te ranga mera goulimiou hoboto a man tötöa, alimiou goma poeiemi alimiou e kapan miou. E möa. Hakats hamatskö naiam a peisa milimiou a man tötöa e antunana te mar hamana uami limiou, bate katoemiou a toukui te matsköna, taraha e Sunahan e hala hoboto raira a nihamana.

U pas te koloto menai e Pol turu kristenira i Rom 16:27

Aragi solosei nitöani e Sunahan nonei lasi a töa te atei silena a mamanaka hoboto. Nonei e tatei lu sila nena a solo pan tara toukui pan te katoe e Iesu Kristo. U mana. Alia e Pol

U pas te koloto menai e Pol turu kristenira i Rom 3:2

Aa, u Jiu e kamer a parpara ka tema kameri a palair u katuun. E Sunahan e haniga mam merai u Jiu tegi lu menaien u raranga i tanen bate tara kap naren.

1 Korin 10:31

Tara pöata te nou mia limiou na te ua mia limiou, na tara mamanaka hoboto te katoe milimiou, alimiou go katoe men tara markato te solosei menari e Sunahan.

1 Korin 12:4

E kamena mamana mar nitagala, kaba u töa puku u Namnamei te hala ranen.

1 Korin 3:10

Tara nitagala tere Sunahan te haleien lia, nonei e hale ii lia a niatei tego kui mei lia a luma a niga, na lia u haka hakapi u pos simen tara luma. Kaba a taina katuun te kuienou a luma ieluna u pos simen. A man tötöa man katunun kui teka egi harare haniga koruni temar kui menaroien a luma.

1 Korin 6:20

Taraha, nonei e sakahis rai limiou a hihol pan. Alimiou go solosei memi e Sunahan u tuenrei i tamilimiou.

2 Korin 2:17

Taraha, alam ema here rami a palair u katuun te kato here nari u raranga tere Sunahan a toukuin moni i taren bate hahol sile rien tegi lu menaien ta moni. E möa. Tara solona e Kristo alam e ranga hamana mia i matana e Sunahan, taraha, nonei te hala raiou lam ba lam te habulungana hamatskö nem u raranga te hala namen.

2 Korin 9:13

Aa, nori e haniga uariou tere Sunahan, taraha alimiou e tangana ramen na palai has. A markato has teka te haröto nanou alimiou e kukute hanige miou u Bulungana tere Kristo te hamane milimiou ba nori te soloseie riou e Sunahan.

Epesis 1:19

Na lia e singo sil hasegu tego atei sil mena milimiou temar pan saluhe koru uana a nitagala i tanen te kuina iaharara u katuun te hamanara. Nonei a töa noa lahas a nitagala pan te hatakei mei e Sunahan e Kristo tara tou mate bate hagume nen tara pal matou i tanen i Kolö.

Epesis 4:29

Alimiou goma ranga nami u ranga u omi. Kaba limiou go katoeiam u raranga u niga tega taguhi a katuun te ranga gono memi limiou, bate kato hasasaale nen.

Epesis 5:20

Alimiou go haniga nitöa mia tere Sunahan e Tamarara, tara mamanaka na tara mamana pöata, ba limiou te katoe mien tara solona e Iesu Kristo a Tsunono i tarara.

Epesis 6:10

Alia e mar hakapa menagi u raranga i tar teka. Alimiou go tagala mia tara Tsunono na tara nitagala pan i tanen.

Pilipai 1:11

Ba limiou te saputu memiou romana a man markato a man niga te habuteiena e Iesu Kristo, bate töan hapanemiou e Sunahan bate soloseie men.

Pilipai 2:11

Ba u katuun hoboto te ranga riou bate poeier e Iesu Kristo te Tsunonona, ba tara markato teka ba nori te solosei riou e Sunahan e Tamarara.

Kolosi 4:6

Turu mamana u raranga i tamilimiou, alimiou go ranga hatami iam bate ranga namiou u raranga u niga koru, ba limiou te atein ranga palis haniga mia turu katuun hoboto.

1 Tesalonaika 2:4

E Sunahan e hala railam u hanhaniga tego rarare mei lam u Bulungana u Niga, na nonei e torohana raiou lam, tego matskö nitöa uu a torimulam tsi e möa, ba lam tema rarare uami temar ngil uaier u katuun. E möa. Alam e mar rarare uam te ngil uana e Sunahan.

1 Timoti 1:17

Aragi solosei a Kingina tara mamana pöata, nonei puku a King teka tema antunan mate nei na tema antunan tara nari. E Sunahan nonei a töa puku. Aragi solosei nitöa naien tara mamana pöata. U mana.

1 Timoti 6:16

Nonei a töa tema antunan mate noi na nonei e kana turu ualesala pan tema antunan la hasukusuku uari u katuun. Emoa ta katuun tega antunan tareien i manasa na ema antunan tara noahas nari i romana. Aragi soloseien, nonei te tagala saluhe nitöana. U mana.

Taitus 2:1

Kaba lö, alö go hihatutsin a saha ka te matsköna turu hihatuts u niga.

Taitus 2:15

Nonei teka a manka tego hihatutsinilö. Ranga mei a nitagala tara nitsunono i tamölö bate hala nem u rangan hitaguhu turu katuun te hengoe riou lö. Möa tu kato taka tegi tatei raharaha meilö u katuun. Ta katuun e namots sigale noulö.

Hibru 13:7

Hakats sil raiam u tsunono i tamilimiou, nori ti hatei mam railimiou u raranga tere Sunahan. Hakats kap naiam a manka man niga te butuma tara markato a niga i taren, ba limiou te hamana mia tere Sunahan timar hamana has uaien.

Hibru 5:12

Alam u solon hatuts raiou limiou antunana alimiou go hihatuts hamanasa iam. Kaba e möa. Alimiou e ngil noa hasemiou a tana katuun tega hatuts lel railimiou a man markato turu raranga tere Sunahan ti hatuts tutuun railimiou. Alimiou e here pouts lel rami u göama te sus noar, tema antunan noueri a kannou a kihil.

Jemis 1:19

Alimiou go atei sileiam a ka teka, a matsomi koru i tar. Alimiou go hahengo haniga uaiam tara tana katuun ba limiou tema ranga haparami. Alimiou goma raharaha boroboro hasmi.

Jemis 1:26

Esi te ngöe nei a peisanen a katununa turu lotu batema kahete kap nanei u ranga pinopino i tanen, a katuun teka e gamoena a peisanen.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 2:5

La uamuma i tanen bate heremi a man hatu a man niga te kuieri a luman lotu. E Sunahan e ngilin kui ranei limiou a töa luman lotu turu namnamei. Alimiou e here rami u pris u niga tere Sunahan bate kui be men tara nitagala turu Namnamei i tanen. U pris e roron haats menari a man haats a man niga tere Sunahan, na e kato has uana iesana, e Sunahan e ngilena alimiou go hala naiam a peisa milimiou i tanen, taraha e Iesu Kristo e mate sil raiou limiou.

1 Pita 4:10

Alimiou a man tötöa hoboto u lu hakape muma a nitagala a niga tere Sunahan. Na limiou go tarakap haniga naiam a man nitagala teka bate taguhu ramiou a palair u katuun.

1 Pita 4:16

Kaba tego kamits sil mena milimiou te kukute mena milimiou e Kristo, alimiou goma matsingolo memien. E möa. Alimiou go haniga uaiam tere Sunahan te ka mena milimiou u solon “kristen.”

1 Pita 5:11

E Sunahan te ka nitöa mena a nitagala pan tara mamana pöata. U mana.

U pas te kolotein e Jut 1:25

Soloseiam e Sunahan a töa puku. Nonei te lu pouts meraira i tanen, taraha e Iesu Kristo a Tsunono i tarara e mate sil raioura. U katuun egi atei sil e Sunahan a Tsunono Pan, na Nitsunono i tanen e pan saluhena tara mamanaka, tara tantania, na i romana, na tara mamana pöata i murimuri. U mana. Alia e Jut