1 Pita 3:8 - U Bulunagana U Niga

⁸ U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.

1 Pita 3:8 ပူးပေါင်းရင်းမြစ်များ

Matiu 18:33

Ga lö go mala taatagi hasnela a hahuol i tamölö ti mar taatagi has mei lia alö!’

U Bulungana u Niga tere Iesu Kristo te kolotein e Luk 10:33

Kaba a töa toun Samaria e gala sila hasia tara maroro teka. Ba pöata te tareien nonei a katuun me taatagi koru nanen.

Aposol 2:1

Pöata te butuma u Lan u Göagono ti ngöei u Pentikos, u katuun tere Iesu Kristo i ka hoboto ia tara töa makum.

Aposol 27:3

Bu hamahö ba lam ena tuku mia tara taun i Saidon be Julius e kato haniga koruena e Pol na e haniga hasein tegana tara menaien a matsi hahikapien i tanen ba nori te hale rien a matsi ka te ngileien.

Aposol 28:7

E Publius, a tsunono tara tolo teka, e ka mei a makumun tsiktsiki te sukusukuia tara makum teka. Nonei e las raioulam ba lam e ka gono memen turu topisa u lan.

Aposol 4:32

A pala ti hamana i ka mei u töa puku u tori na u töa puku u hakats. E möa ta töa i taren tega ranga bate poeiena, “A manka teka, a manka pepeisa i tar.” E möa. Kaba mamanaka hoboto i taren era manka hobotoien.

U pas te koloto menai e Pol turu kristenira i Rom 12:10

Hiangilngil iam te kato uar a man hahatoulana hamana. Na limiou go hapaneiam a tai i tamilimiou.

U pas te koloto menai e Pol turu kristenira i Rom 15:5

E Sunahan te tuol hatagala nitöana na te hatagala nitöa ranoura ega hala rai limiou a masalohana bate kukutemiou a markato tere Iesu Kristo.

1 Korin 1:10

Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

1 Korin 12:26

Te kamits na a töa makum turu tuenrei, a man makum turu tuenrei hoboto e kamits gono has meren. Na te hapane ria a töa makum, a makum hoboto turu tuenrei e sasaala gono has meren.

Epesis 4:2

Alimiou go hatetenei iam a peisa milimiou tara mamana pöata na limiou go ranga hatami hasiam bate niga mia tara tana katuun. Alimiou go hiangilngil iam batema hakats sil balemi a manka man omi tara tana katuun.

Epesis 4:31

Alimiou go ba neiam u mar hakats te ka nitöa menami limiou a raharaha. Na limiou goma si koru has mi. Na ego möa lel has ta hiaraharaha na ta hiangenngena na tu hamal. Alimiou go hakapeiam u mamana u mar hakats u omi tara tana katuun.

Epesis 4:32

Alimiou go hiakaka hanigaiam ba limiou te hiataatagi miou. Alimiou go solopaleiam a markato a omi tara taina katuun bate tara poutse men, temar luba has menai e Sunahan a man markato a man omi i tamilimiou tara solona e Kristo.

Pilipai 2:3

Alimiou goma hakats peisa nami a peisa milimiou bate hapane men. E möa. Alimiou go hala puteiam a peisa milimiou. Bate tara herenami a tana katuun nonei te pan bala ranou limiou.

Pilipai 3:16

Na ragi pile hakarapotein a markato a niga ti lu hakapa mamira.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

Hibru 13:1

Ngil raiam a man hahatoulana i tamilimiou te hamana uami limiou tere Kristo.

Jemis 2:13

E Sunahan ema antunan taatagi nanoi a katuun tema taatagi nanei a tana katuun. Kaba te taatagi namia limiou a tana katuun i romana, be Sunahan te taatagi has ranou limiou romana tara pöata te butuna u kout i tanen.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

Jemis 5:11

Ara e ngö rari u katuun teka u katunun sasaala, taraha nori i tuol hakarapoto bei e Sunahan tara pöata ti sagoheien a kamits. Alimiou e atei silemiou temar tuol hakarapoto has uu e Jop i manasa tara pöata te sagoheien a kamits. Na limiou e atei silemiou a ka a niga te kato beien e Sunahan i murina pöata a omi tere Jop. A ka teka e haröto raneira, e Sunahan e taatagi sil koru ranoura.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 2:17

Hapan raiam u katuun hoboto. Ngil raiam u katuun te hamana gono merami limiou tere Kristo. Matouteiam e Sunahan, bate hapanemiou a gamman pan.

1 Pita 5:5

Na e markato has uana iesana, alimiou u katuun u hitots ego hala puteiam a peisa milimiou turu katuun u kapan. Na limiou hoboto ego hateteneiam a peisa milimiou bate hiatagtaguhumiou. Taraha, u Buku u Göagono e poeiena, “E Sunahan e tokitoki rena u katuun te hangiser, kaba nonei e taguhu rena u katuun te hateteneier a peisaren.”

1 Jon 3:14

Kaba ara e atei sil talera ara i laba nema a tou mate me aroho uarima tara nitöatöa. Taraha ara e ngil korueiera a man hahatoulana i tarara, a pal katuun te hamana ria tere Iesu. A katuun tema ngile nei e toulanen e ka noana tara tou mate. Nonei e ka halhal ba nena a nitöatöa tere Sunahan bate here nei a katuun a mate.