1 Pita 3:18 - U Bulunagana U Niga

^18-19 Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Pita 3:18 ပူးပေါင်းရင်းမြစ်များ

Matiu 27:19

Tara pöata te gum noaia e Pailat turu kout, ba tahol i tanen e hale neien u raranga me poeiena, “Alö goma katoei ta ka tara katuun teka. Alia e tare gulen turu sinasoho i tar i bong, balia e toku korugu. Taraha nonei e möa ta töa taka ta omi i tanen.”

Matiu 27:24

E Pailat e atei sili nonei ema antunan kato len nai taka, na u katuun i tanian hiagetageta hamanasa. Ba nonei e luena u ramun me galusena a limanen i matar u katuun hoboto, me poeiena, “Alia u möa ta ka ta omi tego ha atung hamate sil mei lia a katuun teka! A ka peisa i tamilimiou.”

U Bulungana u Niga tere Iesu Kristo te kolotein e Jon 16:10

Na lia e la pouts uagou tere Tamar, ba limiou tema tara lele moi lia. A ka teka e haröto nena alia a mouna a markato a niga na u raranga i tar e manana.

Aposol 22:14

Ba nonei e poeiena, ‘E Sunahan ti hatsunoni u tuburara e hopö kap naiou lö tego atei sil menai lö u ngil i tanen, na tego tara menai lö a Katuun a Matskö i tanen, na tego hengo menai lö u raranga i rung nen pepeisa.

Aposol 3:14

Nonei a katuun a matskö na niga koru, kaba limiou u tori tsuga namen. Alimiou u singo tsipon nemi e Pailat ega hapurese berami limiou a katuun a hihipuli.

U pas te koloto menai e Pol turu kristenira i Rom 1:4

Na e Sunahan e hatei hasiin e Iesu nonei a Pien a Göagono i tanen ti hatakei pouts menaien tara tou mate tara nitagala pan i tanen.

U pas te koloto menai e Pol turu kristenira i Rom 4:25

E Iesu e mate sil a man markato a man omi i tarara me takei pouts silena tego kato hamatskö meraien ra i matana e Sunahan.

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

U pas te koloto menai e Pol turu kristenira i Rom 8:11

E Sunahan e hatakei poutsi e Iesu Kristo tara tou mate i tanen. Na te kana u Namnamei tere Sunahan i tamilimiou, nonei e kato hatöatöa pouts hase nou a tuenrei milimiou te matena.

U pas te koloto menai e Pol turu kristenira i Rom 8:3

E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

2 Korin 1:24

Kaba ema poeie nei alam go hatei rai limiou ime tego mar hatakui menai limiou u nihamana i tamilimiou. Alam e ngilin kui gono mera mou limiou ba limiou te saputu memiou a nisasaala, taraha, alimiou u ka hakapa meiam u nihamana te tuol hakarapoto mia limiou.

2 Korin 13:4

E manana, ti nila naia e Kristo tara kuruse e harötein a nipata i tanen, kaba tara nitakei na nitöatöa i tanen, e haröto nena a nitagala tere Sunahan. Na lam e roron pata here hase mien, kaba pöata tena ka moua lam i tamilimiou, alam e ka memou a nitagala tere Sunahan te markato uana a katuun te ka gono mena e Sunahan.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

Epesis 3:12

Ba ra tema tatei matout tala rei, bate singo hamatskö uara tere Sunahan, taraha ara e hamana uara i tanen bate katuun has uara i tanen.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 10:10

E Iesu Kristo e halan a peisanen a töa koru a pöata tara mamana pöata. Nonei e kato raira u katuun u matskö tere Sunahan, taraha nonei e katoi a ka te ngili e Sunahan.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

Hibru 9:26

Tega markato uaien teka, ba nonei te tatei sagoho hapare iena u kamits, i manasa te habuteia e Sunahan a mamanaka bate antunana i romana. Kaba e möa. E Kristo e butuma tara töa puku a pöata, te sukusukun kapana a man pöata hoboto, tego hala menai a peisanen tara tou mate bate luba nena a man markato a man omi. Na nonei ema antunan kato lel nanei a ka teka.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

Jemis 5:6

Alimiou u kout homi raiam u katuun tima katoe ii taka ta omi. Nori ima antunan palis railimiou, kaba limiou u kato hamate ramen.

1 Pita 4:1

E Kristo e sagohi a kamits i tuenreinen, na limiou go mar hakats hatagala has uaiam iesana batema rama nami a nikamits. Taraha, a katuun te sagohena a nikamits i tuenreinen ema hakats nanei tega kato menaien a markato a omi.

1 Pita 4:6

Nonei a ka ti habulungana bei u Bulungana u Niga turu katuun ti mate, u tuanrei i taren ti onari bate mater, kaba u namnamei i taren te tatei töatöar temar töatöa uana e Sunahan.

1 Jon 1:9

Te ranga hatei na riara a man kato homi i tarara, be Sunahan te töan luba nena a man markato a man omi i tarara bate galus ba has nena a manka man omi hoboto te kana i tarara, taraha nonei e kato hamana nitöa neiena a ka te ranga nanen bate kato hamatskö nitöa nanen.