1 Pita 3:15 - U Bulunagana U Niga

¹⁵ Alimiou go hapaneiam e Kristo i tori milimiou, ba nonei te Tsunono ranou limiou. Na tara mamana pöata alimiou go hanei sileiam ta katuun tego rangata railimiou a saha ka te hamana sile milimiou, ba limiou te ranga palis ramen bate ranga hatami mia i taren batema sigala ramien.

1 Pita 3:15 ပူးပေါင်းရင်းမြစ်များ

Aposol 21:39

Be Pol e poeiena, “Alia a toun Jiu na tara taun i Tasus, a taun te panina tara provins i Silisia. Alö go haniga ba lia te ranga gia turu katuun.”

Aposol 24:25

Pöata te raranga naia e Pol a markato a matskö, na tega hala puta menai a katuun u ngil i peisanen, na te kout gono mera noua e Sunahan u katuun, be Piliks e matout koruna me poeiena, “La tala. Te ka megoua lia ta pöata ba lia te ngö lele goulö.”

Kolosi 1:23

Na limiou go hamana nitöaiam bate tuol hakarapoto mia turu nihamana i tamilimiou. Alimiou goma hapolase mi a ka a niga tu hamana mia limiou tara pöata ti hengoe mia limiou u Bulungana u Niga. Nonei u Bulungana u Niga ti habulungana naia turu han hoboto, na nonei a ka teka te kui sile gulia, alia e Pol.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

Kolosi 1:5

Taraha e Sunahan e haka berai limiou a nitöatöa a niga i Kolö te hamana sile milimiou. Alimiou tu hengo tutuneiam a manka teka tara pöata te la uama u raranga u mana i tamilimiou.

Kolosi 4:6

Turu mamana u raranga i tamilimiou, alimiou go ranga hatami iam bate ranga namiou u raranga u niga koru, ba limiou te atein ranga palis haniga mia turu katuun hoboto.

Taitus 1:2

Ba nori te kameriou u hakhakatsina tegi hahaloso menaien a nitöatöa te ka nitöana. Na e Sunahan, tema tatei gamo nei e ranga hamana naia a nitöatöa teka i mamuna te butuia u puta.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Hibru 6:1

Aragi hatakui talei a man hihatuts pan bate hapolasera a markato te taatate tuun menari a man hihatuts tutuun tere Kristo. Ara i solon atei sil hakapi a man hihatuts tutuun teka, hena: Aragi habirits ban a markatona i tarara i manasa tema la gono menei a nitöatöa tere Sunahan, na aragi hamana uu tere Sunahan, na aragi kukute u hihatutsina te lu menari a baptais na te hatakopo menari ualima tara katuun, na ragi kukute u hihatutsina te takei pouts uaria tara tou mate na u hihatutsina te lu menari a nihahuna te ka nitöana. Kaba, ra gima tatei kaan töa mei a man raranga tutunina i manasa. E möa.

1 Pita 1:17

Alimiou e roron singo uamiou tere Tamamilimiou, nonei te roron oneiena a man tötöa a man katuun tara man saha manka te katoeren, batema hakats kalakala ranei u katuun. Te markato tala uanen teka ba limiou te matoute men bate hapane men tara mamana pöata te ka mia limiou i puta.

1 Pita 3:4

A nitaratara a niga i tamilimiou ega butuma i torimilimiou i iogana te ka mena milimiou a markato a niga bate tuatamimia turu katuun. A markato teka ema tatei hula palis nei. E ka nitöana, na e Sunahan e haniga korue nen.