1 Pita 3:1 - U Bulunagana U Niga

^1-2 Na tara markato hobotona tara nikaka a niga, alimiou a touhaliou ego haka pute mia a peisa milimiou tara pal tson i tamilimiou. Na sanena a palai i taren egima hamane ii u raranga tere Sunahan, nori e tatei hamana sila has ria tegi tara menaien a markato a niga i tamilimiou. Na tema katoe milimiou tu töa tu ranga i taren, a palai e tatei hamana noahasir, taraha nori e tare riou te kato mena milimiou a markato a gogoso na markato te hapan mena milimiou a Tsunono.

1 Pita 3:1 ပူးပေါင်းရင်းမြစ်များ

Matiu 18:15

E Iesu e ranga lel me poeiena, “Tega kato homieia a hahatoulana i tamölö alö, balö te la uam i tanen ba limiou a huol te ka pepeisamiou balö te hatei mien a markato a omi i tanen. Te hengo talenoien u raranga i tamölö, ba limiou te ka haniga pouts miou.

U pas te koloto menai e Pol turu kristenira i Rom 10:16

Kaba u katuun hoboto ema hanigeri u Bulungana u Niga. Taraha e Aisaia a propet i manasa e pei hasi, “O Tsunono, e möa ta katuun ta para tega hamani u ranga i tarara.”

U pas te koloto menai e Pol turu kristenira i Rom 6:17

Na limiou go haniga uaiam tere Sunahan! Taraha, i mam nen alimiou i katuun papala mia tara markato a omi. Kaba i romana alimiou e kukute miou na e hengo hanige miou u raranga u mana ti hatuts rai limiou.

U pas te koloto menai e Pol turu kristenira i Rom 7:2

Hena, te hitöl na tahol, a lo te kits takono ranen ba nori te ka hereri u mun tahol. Kaba tara pöata te matena a tson i tanen, ga e möa len has ta lo tega kits kap naien tsi tega pilekap naien.

1 Korin 11:3

Kaba alia e ngilegu alimiou go atei sileiam a tson e pan nena a tahol i tanen, na e Kristo e pan rena a pal tson, na e Sunahan e pan nena e Kristo.

1 Korin 14:34

A touhaliou egi kakamotoia turu hagum turu lotu batema ranga ri. Nori egi ka putaia tara pal tson, te ranga uana u Buku u Göagono. Te markato hoboto uaier tara man lotu hoboto tere Sunahan.

1 Korin 7:16

Alimiou u touhaliou te hamana miou, alimiou toum te taguhu ramou a pal tson i tamilimiou te hahamanar, ba nori te habirits uariou tere Sunahan. Na limiou a pal tson te hamana miou, alimiou toum te taguhu ramou a touhaliou i tamilimiou te hahamanar, ba nori toum te habirits has uariou tere Sunahan.

Epesis 5:33

Na limiou a man tötöa a man tson ego ngil koru raiam a man touhaliou i tamilimiou, temar ngil has mena milö a peisa mölö pouts, na limiou a touhaliou go haka puteiam a peisa milimiou tara pal tson i tamilimiou.

Kolosi 3:18

A touhaliou te hitölur, hengo raiam a pal tson i tamilimiou, taraha nonei a markato teka te hanigeiena a Tsunono.

Kolosi 4:5

Hatara naiam a markato a niga na matskö te ka gono mera milimiou u katuun tema hamanari. Hahanei sil nitöa neiam a man pöata a man niga ba limiou te hatei ramien e Iesu.

2 Tesalonaika 1:8

Ba nonei temi hahuna ranou romana u katuun tema atei sileri e Sunahan na nori has te hipus ner u Bulungana u Niga tere Iesu Kristo a Tsunono i tarara.

Hibru 11:8

Te hamana menai e Abraham e Sunahan me hengoena te ngö menaien tega la uaien tara han tena hala nanouen, temar ranga uu e Sunahan. Be Abraham e laba nena han i tanen, kaba nonei ema atei sile ii ime tega la uaien.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 3:7

Alimiou has a pal tson, alimiou go hakats haniga raiam a touhaliou i tamilimiou, taraha a tahol ema mar tagala uanei temar tagala uana a tson. Na limiou go hapan has ramen, taraha nori has e lu gono mera roi limiou a nitöatöa tere Sunahan. Alimiou go markato uaiam teka, bate möa nou taka tega antunan hatu kap naiou a man singosingo i tamilimiou.

1 Pita 4:17

A pöata tega hatanian ona merai e Sunahan u katuun e butu hakapa, na nonei e ona mam ranou u katuun i tanen. Na te hatania nen romana i tarara, ga ime tena mar kapa uanoen romana turu katuun te hipus ner u Bulungana u Niga i tanen?