1 Pita 2:8 - U Bulunagana U Niga

⁸ Na tana makum turu Buku u Göagono e mar ranga has uana teka, “Nonei a hatu teka te tutu ranoua u katuun.” U katuun te tutu rana tara hatu e haharuei ner u katuun te tori hasoalaner e Iesu, taraha nori ema kukutieri u ranga. Nori e markato uaier teka ti mar hopö kap noahas meraien i manasa.

1 Pita 2:8 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 2:34

Be Simion e kalala ranen me poeiena tere Maria, “Pöata te pan hakapa noa a pien teka, nonei e kato harus ranou, ne hala sei ranou u katuun u parpara ri Israel. Ba nonei te here noi a hatöatongo te ranga hasuala nariou u katuun. Na a man hakats i torir u katuun u parpara e haröto nariou romana. Na a nitaatagi pan te here noi u saka e butu has noua i tamölö!” Temar ranga uu e Simion.

U pas te koloto menai e Pol turu kristenira i Rom 9:22

Na e Sunahan e markato has uana iesana. A palair u katuun te kato homir, e hereri a tabeli a hihol i tanen te la putana. Ne Sunahan e ngilin hatara has nena a raharaha i tanen na nitagala i tanen. Kaba nonei e roron hahaloso haniga koruna tegi habirits pouts uaien i tanen, na nonei ema tatei sökana nei. E Sunahan e kato menei a ka teka tega taguhu meraien ra. Nonei e ngilin taatagi ranou ra bate hatei ranei ra a nikapan i tanen te kato hahaloso mam beraien ra.

1 Korin 1:23

Kaba lam e hihatuts nem te mate uu e Kristo tara kuruse. U Jiu ema hanigeri u hihatuts teka, na u katuun tema Jiu ri e poeier, e tutuna.

2 Korin 2:16

Turu katuun tena tia riou, alam e soka heremi alam u mate. Kaba turu katuun te karia tara maroro te lauana i Kolö, alam e soka haniga heremi u soka te hala nena a nitöatöa. Esi koru te antunan katoena a toukui teka?

Galesia 5:11

A matsi hahatoulana i tar, tego hatei noahas merai lia u katuun egi hapö, ba taraha tsiponi ba nori te kato homi noahas ria i tar? Na tego hatei merai lia u katuun egi hapö, bara ba u raranga tara kuruse tema tatei kato homie nei u hakhakats i taren.

1 Tesalonaika 5:9

Taraha, e Sunahan ema hopö kap meraira tara nihahuna. E möa. Nonei e hopö kapiin tega luba meraien ra tara niomi, taraha e Iesu Kristo a Tsunono i tarara e mate sil raioura.

1 Pita 2:6

U Buku u Göagono tere Sunahan e mar ranga uana teka: “Tara. Alia e hake goua a hatu a niga koru tara han i Saion, a hatu te niga balana tara toukuina tara luma. Na u katuun te hamana ria romana i tanen ema antunan matsingolo roi.”

1 Pita 2:7

A hatu teka e haharuei nena e Iesu. Nonei e taguhu koru ranou limiou u katuun te hamana miou. Kaba turu katuun tema hamanari, u ranga e markato uana teka, “A hatu ti hapiraka ban u katunun kukui luma, nonei a hatu te niga balana tara toukuina tara luma.”

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.